السلام عليكم ورحمه الله وبركاته
احتاج استشاارتكم عااجلا
المشكله
زوجي ينتظر ولادتي حتى يدخل امه واخته في بيتي مهد لي الخبر باسلوب ذكي
طبعا امه كبيره جداا في السن ومريضه هذي الفتره ومصابه بالخرف الله يشفيها
اخت زوجي مطلقه مرتين عمرها 45 سنه تصرفاتها مريبه
سبب خوفي من سكنهم ورفضي لهم
تزوجت وسكنت في شقه جنبهم كنت الاحظ عليهم تصرفات عجيبه اخوات زوجي 4
وكلهم والعياذ بالله يعيشون حياه مخيفه
الكبيره سبق وتطلقت ومعها ولد وتزوجت ثاني وجابت منه بنات وهي مديره مدرسه مجرد النظر اليها يحسس الشخص انها داعيه ومجرد ماتبدأ تنكشف الامور فهي اكبر مدمره للمجتمع
تكره زوجه زوجي الاولى وتقذفها في شرفها وتتهمها بالسحر وتحاول ان تدمرها عن طريقي
الاصغر منها متزوجه وبناتها لايتحجبون ويعيشون في طبقه جداا راقيه ودايم راعين سفريات وسهرات وشرب شيشه ودخان بس ماتتدخل في احد حاولت فيني ادخل في جوهم ورفضت وعزمتني كذا مره وماقبلت وبطلت تعزمني او تتواصل معي هاجره امه لها فتره طويله والسبب اختها الاكبر منها فتنت بينهم واختلفوا وقطعت علاقتها بالكل ماعدا زوجي تتواصل معه كل فتره
الثالثه متزوجه مريضه نفسيا حسب ماسمع تختفي عن الوجود فتره 6 شهور جامعيه مثقفه بس منظرها يخوف مااتهتم بنفسها يعني شكلها كأنها مجنونه والحمدلله ع العافيه اذا زعلت تضرب امها عندها اولاد وبنت وحده تحرض بنتها ع الشات وتقول انه من باب الحريه
كلهم الاربع مايحبون بعض يهجرون بعض وبينهم مشاكل لاتعد ولاتحصى
زوجي مايتدخل نهائي ويقول ان السبب انه مايبيهم يكرهون امه فيه لانهم فتانات
انا ماشوفه سبب مقنع واحس محطوط له عمل انه مايقدر يتحكم فيهم
طبعا كل مافات مشاكلهم ولا لي علاقه فيها اذا جينا للوضع الطبيعي
لكن وين المصيبه
بعد زواجي يمكن ب 3 شهور كنت ماعرف شي عنهم بس الاحظ انهم يكرهون زوجه زوجي بشكل مخيف
ويدعون عليها وامه تدعي علي عيال زوجي بالموت والامراض كنت اكره تصرفاتهم واخاف منها بس كنت اقول اكيد زوجته الاولى مسويه شي لهم المهم
كنت عند اهلي مره من المرات واتصلت علي اخت زوجي اللي ساكنه مع امها وقالت لي احنا نبغاك تساعدينا في فك السحر عن اخونا طبعا من تزوجت وهم يقنعوني انه مسحور وان زوجته ساحرته وصادته عنهم وانها حاطه لاخته سحر عشان كذا تطلقت مرتين وانحرمت من الزواج وملاحظه كلهم سبق وتطلقو من ازواجهم وقالت ان سبب مشاكلنا السحر وانتي الوحيده اللي بتساعدينا
قلت مو مشكله كيف اساعدكم؟؟
قالت تعطينا لبس له ولبس لك وحاجه من زوجته الاولى عشان نوقف اعمالها راح نخليها مشلوله ولاعاد تقدر تسوي شي وانتي نخليه يحبك ويدلعك ويغرقك بالفلوس وجيبي اهم حاجه منديل او حاجه مسحتو فيها بعد العلاقه بينكم وبكذا يصير مايشوف غيرك
طبعا انا مو جاهله عرفت انهم يبون يسحرونه وانهم كذابات ومو الهدف فك سحره قلت طيب من الشيخ اللي بيفك سحره
قالت وحده سوريه بسوريا حولنا لها 10 الاف وبكره بعد العشاء بترسل اخوها يعطينا الاغراض
راح يعطينا حجاب لك ومويه تشربينها لاخوي وغسول تتحممي فيه وحاجه تحطينها لزوجته وعياله
قلت مو مشكله لارجعت البيت ادق عليك واعطيك الاغراض لما جا اليوم الي بعده دقت علي كنت لسه مارجعت قالت وينك الرجال بيجي من سوريا وكذا ومستعجل قلت خلاص خذي منه الاغراض لحد مااجي قالت لا يبي الاغراض اول ويقول لازم يشوفك تطلعين معي ونقابله عشان يفهمك طريقه فك السحر
طنشتها وجلست عند اهلي وتحججت اني مريضه بعدها بكم يوم رجعت لهم وجلست معها ومع امه قلت اللي تسوونه سحر مو فك سحر وانا مالي دخل اذا ولدكم مسحور عالجوه انتهم طبعا حقدو علي قامت امه تهيني بالكلام وتخربط معي واخته تقول حرام عليك وساعدينا وانتي مظلومه وتراه بيطلقك وماخذك فراش بس المهم اصريت علي موقفي بالرفض
بعد فتره خفت يورطوني بمصيبه قلت اعلم زوجي وكنت خايفه جدا من رده فعله قلت حرام بينصدم في اهله الصدمه اني قلت له ولا انصدم قال كنت متاكد انهم بيسوون كذاا واساسا خواتي دايم يتواصلون مع السحره وامي مسكينه مغلوب عليها ويتحكمون فيها ولا هي تحبني وتخاف من ربي بس عشانها بدون عقلها وكبيره يظغطون عليها وخواتي يبون فلوسي ويغارون مني لاني شخص ناجح وعجزو فيني لاني اصلي وعلاقتي بربي قويه ماقدرو يضروني
طبعا انا ماهمني هو وخواته وبكيفهم بس ليش سكني جنبهم وكان يخليني اكل واشرب عندهم ولاحذرني منهم ولاعمره قال لي لاتطلعين معهم بس انا من نفسي كنت احس بخوف منهم ولا لو طاوعتهم كان ضعت كانو يحاولون فيني اطلع معاهم اماكن غريبه واني لازم اعيش جوي واعطي شبابي حقه ويحاولون يخلوني اتعرف على رجال
بعد هالمشكله هجرت بيتهم فتره يمكن 4شهور وهم خافو اعلم عليهم قامو يحرضون زوحي يتزوج علي واتهموني بالسرقه واني من البنات اللي عندهم ميول للبنات واني احاول اتعرف ع بنات وانام معهم وهو كان يعلمني ويضحك عليهم يقول اغبياء وضحو لي انهم متفقين معك على شي وانك ماطاوعتيهم
عقب كذا جلس يزن علي ازور امه ويقول مالها ذنب وطيبه المهم ضعفت وطعته صرت ازور امه من فتره لفتره اسلم واطلع
بعد سنه نقلت من بيتي وسكنت جنب زوجته وعياله وهو من الاساس كان يبني البيت عشان اسكن انا وامه واخته طبعا هم رفضو السكن معي وانا حلفت لو سكنهم معي يطلقني واني اعلم اهلي وافضحهم عند زوجته وعياله
الرفض جاء منهم وسكنت بس دايم يقول بجيب امي وانها في يد ناس ماترحم وابيك تقومين عليها وانا طبعا ماعندي مشكله في امه لانها حرمه كبيره ولاتعرف شي مرات تعرف الناس ومرات تخرف
بس المصيبه خواته وبناتهم كلهم بعمري وجداا اخلاقهم منحطه ولبسهم فاضح ولااقبل بالاشكال ذي تدخل بيتي ولاراح اقدر امنعهم قلت تسكن امك بس اختك لااااا قال وين اوديها اكبها بالشارع وجلس يتهاوش معي
قبل اسبوعين تعبت امه مرررره وهالحين يلمح لي انها لو دخلت مستشفى وكتبو لها خروج راح يطلعها هنا لبيتنا وسمعته يكلم محل يفصل غرفه نوم قلت لمين قال لامي بنحطها عندنا واذا ربي يسر الامور ابيها تسكن معي
انا مو معترضه علي امه بس مااقدر انام انا واخته في بيت واحد ولااقدر اتحمل باقي خواته اذا صارو بيجون كل شوي في بيتي واخاف يحطون لي شي في اكلي او يضرون ولدي لانهم مجرمين ولايخافون من ربي
مااني عارفه كيف اتصرف اخاف يدخلهم البيت وانا مو فيه هم مايبغوني وانا مابيهم معي واعرف لو سكنا سوو بتصير مصايب بينا وبتنهدم حياتي
احب زوجي واقدر له بره بامه بس مابي نخسر بعض عشان ناس ماتخاف ربي ولو لا قدر الله امه ماتت بيجيب اخته عندي يعني بكل الحالات بتعيش معي اذا امها عايشه ولاميته
تكفون ابي حل امي تعرف بموضوع خواته وتصرفاتهم البطاله وحالفه لو سكنو في بيتي اني ماارجع لزوجي الا يسكني في بيت ثاني وتقول هالناس مايتهاون الواحد في التعامل معهم اللي مايخاف ربي ينخاف منه واللي يبون يظرون اخوهم ايش ممكن يسوون فيك؟
هل ابلغ اهلي بالموضوع واخليهم يقطعون الطريق عليه انه لايفصل غرفه لامه عندي وان مافيه امل انها تسكن معانا او اناقشه انا مع العلم انه ماياخذ كلامي محمل الجد وبسفهني اذا حكيت عنهم ويقول امي اللي مايبيها ماابيه!!!!
تكفون ابي حل منطقي قبل لااخسر حياتي