ندمانة يالغالية اعتبري طليقك صفحة من الماضي وطويتيها

خلاص لاتفكرين فيه ادري ان طلاقك ماهو شي ينسي بس حاولي!

قولي الحمدلله انك عرفتيه ومابينكم أطفال هذي أكبر نعمة

وتنازلك يعبر عن طيبة قلبك وصدقيني مايضيع شي عند الله

اسأل الله ان يعوضك بمن يعرف قيمتك

__________________

اللعبه واضحه من البدايه
بس ماأقول الله يكفيك شره بما شاء ويرد كيده في نحره
ويعوضك بخير منه انه سميع مجيب الدعاء

مع هذا الرد ورد أختي الماضي الدفين

إسمحيلي أقول لك تعاملك مع طليقك ومشكلتك كان ساذج جدا

وإذا إنتي هذا أسلوبك تحميلي مايجيك لكن لاتلومين أحد علي ظلمه لك أو أنهم ماخذو حقك وخذلوك
أنتي من سمح للاخرين بأخذ حقك وسمح لهم يتعاملون معك بهاذي الطريقه


الله يصلح حالك

__________________

حبيبتي ندمآآنه حيييل ..

يكفيني من موضوعك كله هالجمله ..
تطلقتي وانتي عرووس ليه وباي ذنب وش سويتي بحياتك الي ماتعدت الثلاثين يوم
ابي اعرف منك ..!!!

ماطبختي له ماقمتي فيه ماغسلتي هدومه ..
تراك باقي عروووسه وباقي مامداك تتعودين على هالانسان وتمارسين حياتك الي ماشفت فيها اي استقرار
كل حياتك من شقه لششقه
ليه وش ناقصكك انتي مو من حقك تعيشين مع انسان يحفظك ويخليك ملكه في بيتك ..

اما سالفه طلاقك عشان قلتي انك ماحبيتيه هاااذيي بصرآحه مايصدقها واحد في اولى ابتدائي
بالله هذا رجال بكامل قواه العقليه يوم يتصرف بذا الطريقه

والي قاهرني مسوي فيها طيب مابرتآآآ؛ح الين تتزوج
اقسم بالله كذآآآآآآآآآآآآآآآآآآآآآآآآآآآب ومريض ومختل نفسيآ لو كان صادق يوم يقول انه حبك بجنون
مآكان تنازل عنك لرجال غيره بالبسسساطه هاذي

حبيبتي ندمانه ..
وربي قصتك تعور القلب انتي طيبه بزياده خسسرك شبابك ومستقبلك وجرح قلبك
ومطلعك معاه وانتي قلتي برد من ردودك انه ماخرجك معاه وانتي مطلقه طلاق بائن الا عشان يفض بكآرتك
مع العذر على جرئتي بالكلآم
لكن هاذي الحقيقه

هذا انسان مايحبك ولو كان يحبك كان شفتي تضحياته لك وصبره عليك وتحمله لو على حساب نفسه
مو من كلمه يطلقك بالثلاث .


::

اسمعيني حقك لاتتنازلين عنه مهما كان هذا انسان واقسم بالله انه يستاهل الاعدام
وتررى كل الي سواه وخوفه عليك تمثييييل
عششان تتنازلين لآنه عارف انه بيروح شربة مويه من هالقضيه

صح من حقك تسامحين مااحد يجبرك لكن تذكري الي سواه وشوفي وش خسرتي بحياتك
من ابسط حقوقك انك تكونين الحين مستقره في بيتك وعروووسه وتطلعين وتتمشين مع زوجك
وانتي بسعاده مثلك مثل اي انسانه مارتكبت غلط .


::

اما صديقتك اتوقع والله واعلم انها طرف انتي ادخلتيها بالسالفه واعتقد ان المكالمه صارت منك
انتي
وهالشي وآضح في تسامحك بعد ماكنتي متمسكه برايك في اخذ حقك ..
الانثى مسكينه قلبها رهيف يتاثر من اي شي ..

لاتسمحين له يطلع منها خليه يتعاقب وياخذ جزاه والله مادمرنا الا عواطفنا الي نتعامل فيها مع النااس


..
اتمنى ماتاخذين بخاطرك مني ورب البيت اني متعاطفه معاك وكاني اكلم وحده ممن خواتي
وانتي تعرفين قصتي ومعاناتي يعني عندك وعندك خير

طمنينا عنك

__________________
سبحان الله وبحمده

ونسيت اقلك شغله

حكـآية تانيب الضميــر .

ياحبي لك اي ضمير الي يحمله هالانسان بالله
الي سواه فيك شي مايصدقه العقل اصلا

لكن يمكن اشتغل الضمير يوم عرف بالقضيه الي بترفعينها وكل الاثباتات ضده
قال خلني العب عليها من هالناحيه وااستعطفها عشان مااروح وطي
وبنات خلق كثير بكره اجرب حظي مع الثالثه وهكذا



:

__________________
سبحان الله وبحمده

سبحان الله تأنيب الضمير ما طلع الا بهالوقت !
واضحه وضوح الشمس يبغاك تتنازلين

و الله لو منك ما اتنازل بعد اللي سواه لو يبوس رجليني
اتمنى تاخذين درس من ردود الاعضاء

__________________

أغيب و ذو اللطائف لا يغيب - نشيد لأصحاب الهُموم -
http://www.youtube.com/watch?v=piXtKN5nS3Y

اختي ندمانه
اسعد الله ايامك
اختي خلاص كفاكي بكائا على الاطلال
انسي هذا الزوج
نصيحة اخ
اراكي دائما تضعين هذا الزوج اما مثالا او موضوعا
انتي تتوهمين حين ذكرتي في موضوع لك انه خرج كليا من قلبك وعقلك
اختي كوني قويه
اذا كنتي تكتبين هنا للتخفيف على نفسك فهذا لايمنع
ولكني اردت ان تمحي ذكره من حياتك كليا حتى ترتاحي نفسيا
بارك الله فيك
تحياتي

شو عملتي اليوم رحتي الموعد او شو فضلتي بالبيت

اصبح بيتكم مشحون بين مؤيد ورافض والخلاف على اشده بين اخوتك

منهم من يريد حقك ومنهم من يرد التنازل

__________________
http://live.gph.gov.sa/
اللهم اني استودعك اولادي

هذا الشخص سيحاول أن يعود إليك مرة ثانية، عموما لازم تنتبهين منه ومن شخصيته وسوف يتواصل مع صديقتك كثيراً وسوف يحاول أن يتقرب إليك بأي وسيلة، عموما يجب أن تقطع صديقتك العلاقة نهائياً معه ولا تستغرب أن جاء يوم وارسل لك رسالة أو كلمك بجوالك، يجب أن تكوني قوية وتهدديه ، هو يعرف نقاط ضعفك جيداً لذلك انتبهي من هذا الأنسان الشرير وأوطي على خشمه..

كلام كبير ويكتب بماء الذهب، اسمعي يا ندمانة أذا تبي تشاورين شاوري أختك سيدة الموقف فهي أمرأة حكيمة تستطيع أن تعطيك الحل المناسب، واتمنى أن تأخذي رقهما وتتواصلي معها او تكتبي مواضيع وهي تكون قريبة منك . .