الله يفرج همك دافعي عنك ودفيه بس مو تضربينه
ونصيحة اذا عصب مرة ثانية لاتناقشينه اتركيه يهدى وعقب تكلمي وتشرهي بس لاترفعين صوتك وتكون كلماتك قاسية وتطلعين عن حوار الموضوع وتتكلمين بعيوبه
في بداية زواجي كنت مثلك وكل يوم صياح واخذ حقي ولو يقول لي كلمة فضحته بجلاجل واتصالات على اخوي وعمي والدنيا كلها
بس اللحين غيرت من نفسي وفهمته
الزبدة من كلامي غيري اسلوبك معه وانتي اقرب وحدة له حاولي تفهمينه
اذا تفكيره من العصر الحجري ماشيه شوي وكل شيء يضايقك حاولي معه بالقناعة والسياسة مثل العين السحرية قولي عن جد تبين وجهي متاكد تعال نجرب وقف عند الباب وانا بطالعك من العين وضحي له انك حتى انتي تحافظين على نفسك
حل مشكلتك كثري استغفار وادعي ربك يحنن قلبه وعندك بالجوال رسايل غسيل الكلى وكفالة الايتام ارسلي لهم بنية ربي يفرج كربك حطي على الشبك حبوب للحمام وربي بيتولى مشكلتك
ولو هدى زوجك ولان لو على الخفيف لاتكابرين ارخي نفسك وتناقشي معه بشكل ودي
الله يفرج هممممك

__________________
وإني لأرجو الله حتى كأنني ... أرى بجميل الظن ما الله صانعُ .

والله اعرف انه كل الي اسويه خطأ بس كيف اغير من نفسي هذي المشكلة
ماشاءالله عليكي كان عندك ارادة تتغيري وتغيري طبعك مع زوجك ياريت تعلميني كيف عشان استفيد
وقصة العين السحرية انا ما تهمني بس ذكرتها كمثال انا مشاكلي اكبر من اني افكر بمين عالباب
وان شاءالله اطبق ما قلتيه بخصوص الصدقة
بارك الله فيكي اختي