وعليكم السلام اخوي خالد

يارجل اذكر الله وش فيك حطيتها مشكلة كبيرة

احمد ربك ان هالثلاث اللي خطبت منهم ورفضوك ما وافقوا لأنهم بنات ما يفكرون بالمضمون ويفكرون بالمظاهر

اجل ترفض رجال علشانه قصير او مو عاجبني شكل خشمه او اذنه شوي طويله

وش تبي بهالنوعيه رحمة من ربي انهم رفضوا

انا طولي 162 سم يعني فرق بيننا 4 سم مو شئ وزوجتي طولها 170 سم وعندي ولدين الله يحفظهم ومتزوج من 4 سنوات وقريب بندخل الخامسه

ويالله لك الحمد والشكر على هالنعمة اللي انا عاش فيها

ورفضوني قبل كذا اكثر من 5 واستمرينا بالبحث الى ما وفقنا الله

وفيه احياننا انا اللي كنت ارفض فلا ترمي نفسك وتقول والله رضوا فيني زين ماني لاقي غيرها

لا تلقى لا تستعجل هذا زواج وعمر راح تقضيه مع شريكة حياتك

اعتبرها ميزة علشان تعرف البنت اللي بتهتم بأخلاقك ودينك وصلاتك هذي انسانه يهمها جوهرك ماهمها شكلك ولا طولك