+ 1



انثى ابكت القمر
والله كلنا نعاني من عدم التنظيم الله يعيننا ويهدينا يارب

اقتراحي لك بما انك تحبي القراءة
(افتتحي مشروعك الخاص بدون رأس مال )
سوي ابحاث للطالبات - عروض بوربوينت للطالبات او حتى للمعلمات الحين طرق التعليم المتطورة كل الشرح ع البروجكت
والله حتى انتي بتستفيدي معلومات قيمة غير المال سواء من الابحاث الي بتسويها او العروض

والله شوفي من تجربه لي كثير بنات بالجامعات يبون من يسون لهم غالبا نسوي البحث بنفسنا ونبي احد يسويه لنا عرض بور بوينت لان يأخذ وقت مننا خصوصا مع نظام الجامعه الحين كرف في كرف كويزات بشكل مستمر واختبارين نصفي واجبات يوميا كل مادة لها بروجكت يعني ماعندنا وقت
وانتي وشطارتك عاد بكسب ثقتهم وطريقة جذب الزباين لك بس اهم شيء تبدي بسعر بسيط لان لك منافسين طبعا وبعد ماتكسبي ثقتهم وتكوني للك زباين ارفعي السعر



1- اول شيءخذي دورة حاسب لبرامج الاوفس لو ماتعرفين لها خصوصا "الورد+البوربوينت" أو تعلمي لها من النت علمي نفسك بنفسك.
2- افتحي لك حساب بالبنك لو ماعندك
3- سوي لك اميل خاص باستقبال الطلبات
4-سوي لك يوزرات بمنتديات الطلاب سواء ثانوية او جامعية او حتى معلمات وسوقي لنفسك بطريقة ذكية كأنك طالبة مثلا وتدليهم ع اميلك هع او تدفعي لو معك حق قيمة الاعلان بالمنتدى
ولو ماجاك اي عرض قدمي مره واثنين وثلاث بدون مقابل بس اشرطي عليهم ينشروا اميلك وماتسوي اي شغل لا شغل عليه الكلام يخليهم يسالوا وين سويتيه هع
5- استقبلي الطلبات عن طريق الاميل فقط مو الماسنجر ولابتسولفين وتنسين شغلك هع
6- حافظي على رسميتك مع الزباين.
7- الاهم الاهم الاهم الالتزام بموعد التسليييم .

طبعا وقبل هذا كله لازم تكوني عارفه اساسيات البحث العلمي من مقدمة ومقالات وخاتمه ومراجع
وتحددي نوع البيانات المطلوبه من البحث ووكيف تبحثي عن المعلومات ووين تلاقيها

وحتى لو مو محتاجه للمال واهلك مو مقصرين معك حلو الكسب من عمل اليد تحسي انك سويتي شيء بالحياة
وهالمشروع فايدته الاعظم بتنمية الثقااافه واستغلال الوقت بما هو مفيد.

اتمنى اقتراحي يعجبك