اخواني أنا اول مره اشارك في منتداكم على امل انكم تساعدووني وتعينوني على حل مشكلتي ..

او بالاصحى مشكلة عائلتي بدأت من شهورر وراح ابداء اكتبها من أولها ..

عندي أخت الله يسامحها هي ثالث البنات فينا ،، كلنا انسترنا وتزوجنا الا هالبنت جايبه

لااهلي المرض هي أول سنه تمريض تعبنا حيل معها خاصه بدراستها وقفنا معها كلنا

ماقصروا اهلي معها مصرف ولبس حتى سفر كانوا كل سنه يسافرون برا حتى تونس حضرتها

وتاليها جابته لنا لحد البيت تدرون منهو ((خويهاااااااااااااااااااااااا اااا)) ..

المصيبه كبيره حنا عائله حيل محافظه والحي كله من اهلنا وابوي كبير العائله

له احترامه وكلمته كل اللي يعرفنا يتمنى يناسبني بس هالبنت طيحت روسنا بالقاع

امس بالصدفه الظهر صادها اخوي الصغير نازله من سيارة هالولد على طول امسكه

ودق على ابوي واخوي اللي نزلوا تحت وشافوا المصيبه ،، الولد كان خايف حيل

ربطهوه وضربوه ودقوا على عمي لان ابوي وقتها انهاااااااار ولاعرفنا وش نسوي فيه

المصيبه ااختي تخيلوااا انضربت ضرب مبرح ومع كذا ولا دمعة نزلت منها ولا هي

معترفه بخطاها كنها ماسوت شي هانت عليها دموع ابوي وشيبته ..

تخيلوا ابوي ولا فرض يفوته عن الصلاه بالمسجد امس ماطلع من الغرفه

يقول خلاص مالي وجه اقابل الناس ليتني ذبحت الولد وسلمت نفسي

للشرطه انا كلها سنتين وااموت واخذ اعدام وخلاص ..

دموع اابوي ذبحتنا حيل مو سهله طيحة الكبير ..

انا وقتها خذيتها على الدكتوره وتطمنت لانها سليمه ..

طبعاً خذينا جوال الولد منه ولقينا فيها صورر لها وصور لبنات خليعه ..

كلمنا دكتور استشاري في الجوال وصلح لها جلسات بس ع الجوال لانه في منطقه بعيده عنا ..

جزاه الله خير نصحها وحلفت له انها خلاص تابت وجاءت تعتذر من امي وابوي مننا جميع

وحلفت ماتكلم الولد احنا للامانه ماصدقنها بس حسسنها اننا واثقين فيها ومصدقين ..

عشنا شهرين في حرقت اعصاب وخوف الوالد صار هو يجيبها ويرجعها للكليه ..

لين جات المصيبه الثانيه كتبت رساله لااهلي انها تعبت وبتترك البيت لانها زعلتهم ومالها وجه

تقابلهم وبالفعل راحت لكليتها الصبح ومارجعت انهار ابوي وتعب وارتفع ضغطه والعائله كلها عرفت

وتجمعوا عمامي في بيتنا لان ابوي من عرف طاح قدامهم .. واحد من عمامي ماوقفت دموعه من القهر

لفيت الشوارع مع اخوي ندورها حتى بالشقق المفروشه اتصلنا بالوولد وحلف انها مو عنده ..

أذن العصر وبيتنا كنه عزاء ابوي ماحط الزاد في فمه ولا اخذ أدويته وعمامي ماتحركوا من المجلس ..

جاني اتصال من وحده من خوياتها وقالت بنتكم عندي قلت لها لاتقولين لها انا جايه اخذها ..

خفت عليها من اخوي وعمامي دقيت على خالي وقلت له تعال وقلت له السالفه ..

رحنا انا وخالي جبنها من عند خوياتها ورحنا لمكان لحالنا وكلمناها ونصحنها ورجعناها البيت

خالي قال عندي هالمره وماحد يلمسها وقعدنا نرقع الموضوع للعائله ولعمامي انها راحت لخويتها وماعلمتنا ..

انتهت هذي السالفه ورجعنا نتنفس الصعداء ومن داخلنا عارفين انها للحين ع موالها القديم وماتابت..

كنا نراقبها من بعيد لبعيد لين اكتشفنا انها شاريه جوال بلاك بيري من ورانا غضينا ع الهم وسكتنا

شريت بلاك بيري عشان اكون قريبه منها نزلت عقلي وانا الكبيره لعقلها الصغيره ..

شاركتها بكل شي كنت استشيره حتى في مشاكلي مع زوجي حتى اكون قريبه منها ..

لكن كانت بلا حياء وبلا حشيمة تحط صور فاضحه مثل عناق وقبلات في البلاك بيري والتوبيكات

مزينه بحرف الشخص اللي كانت تحبه وكنت اسكت مابي ادقق ع هالشغلات الصغيره ..

قال ابوي لانه متولع فيها كثير خلوها تسوولف وتلعب بالجوال بس انتبهوا عليها لاتطلع ..

عشنا في رعب باب بيتنا عمره مانقفل ليل ونهار الحين صرنا نقفله على طوول ...

كل هذا يهوون عند المصيبة الجديده اللي صارت امس وربي اخجل اكتبها ..

اختي الصغيره بالابتدائي جات لا امي تقولها فلانه فاتحه الكام حق الاب توب ومنزله كل ملابسها ..

اختي للاسف جريئه وعايشه في مجتمع جريء كل صديقاتها لهن اخوياء الف مره قلنا لها

حنا مو مثلهم ابوي ربانا على الشرف والفضيله ..

لكن هي تعتقد ان هذي هي الحريه وهذي هي الوناسه ..

اختي عمرها 20 سنه وحالياً ثاني سنة تمريض حنا قلنا نشغلها بالدراسه عشان ماتلقى

وقت تفكر فيه بالخراب واللعب ..

اختي للاسف وصمة عار اقسم بالله اني اخجل من عمامي وبناتهم بسببها ..

هذي مشكلتي راجيه من المولى تعالى انكم ترشدون للطريق الصحيح لاني مابي ادخل ابوي هالمره ..