تصدقي لو قلت لك وربي كنت مثلك بس انا هالعقل كان فيني الى ثالث ثانوي

وفقدت نفسي من يوم بدات اجاريهم كل مره بدأت اتنازل عن شيء عشان مااكون وحيده كنت احسني كائن غريب بكل التجمعات العائليه البنات مع بعض وانا مع الحريم الكبار بحجة هم بيسمعوا اغاني ويرقصوا مع بعض وانا مااسمع او بحجه يخافوا اقول لهم حرام ولا عيب ولاغلط بمغامرات الطيش كنت بعيده عن الي بعمري وطبيعي بتأثر دام العيله كلها كذا
نفس كلماتهم عجوزة! عيشي حياتك اذا ماعشتي عمرك بهالفتره متى بتعيشيه؟واشياء كثير كنت اسمعها لين ماصرت اسكت وشوي شوي الاغاني والتلفزيون صار عادي عندي والعبايه ع الرأس طارت ثقافتي الدينيه خفت ماصرت اثقف نفسي الي حافظته من القران اتمحى من مخي بس مازلت الحمدالله احسن منهم بكثير بدأت ارجع لصوابي
فنصيحتي لاتحاوولي تجاريهم ابدا من ناحية الدين وادعي دائما ان الله يثبتك ومايضلك بعد أن هداك

اما من ناحية اللبس والسوق وشعرك التجديد واالمظهر مهم في عصرنا الحالي ولابتكوني كائن غريب ويستنقص من انوثتك
مااقولك البسي حرام البسي بحدود الدين بس اهتمي حاولي يوم من الايام تبهريهم بلبسك الاجمل والامثل والاحلى بينهم الي بحدود الدين
حتى لو مالقيتي بالسوق ع الموضه فصلي والبسي والقص والصبغه وتغير اللوك ينعنش
اغلب الناس عندهم فكره ان اي وحده ملتزمة ماتهتم بمظهرها الخارجي ولا كشختها وفعلا هذا الواقع الي نشوفه قدام عيننا اغلب الملتزمات صح مايهتموا
طيب في بنات ثقافتهم الدينية جدا معدمه ولما يشوفوا الملتزمات بهالشكل يصر حتى ماودهم يتثقفوا عشان مايتخيلوا نفسهم مكانهم فاللي مو راضين يفهموه الملتزمات ان الاهتمام بالمظهر ممكن يخليهم قدوة لغيرهم وان الدين مايمنع انك تكوني كشخه ووااااو بس طبعا بضوابط دينيه ا(ن الله جميل يحب الجمال)