تــدلعــــــي ,,, - منتدى عالم الأسرة والمجتمع

23-12-2011, 01:39 AM

#19

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

لا ياقلبي لا تخافي

زي ماقالت شقردية بداية الزواج كلنا دلعنا ازواجنا اكثثثر من كدا

بس لما يجو الاطفال ربي يحميهم .. صعععععععب انك ماترفعي صوووتك صعب صعب

يطلعوا عيييييينك بالاكل و الشرب و النظافة و التعليم الا مايسمع زوجك صوتك يصدح في اركان البيت

اقولك على موقف .. من يومين كنت حاملة بنتي تبككككي بحرقة بدون سبب و مااعرف ايش اسوي لها
بس قاعدة اهزها و معاي الطبخ فوق النار .. و افكر بالكوي اللي وراي و الغسيل
و امشي بها و انا اهزززززز و هي تبكي صدعتنننني
وجا ابني الله يحميه ماسك ثوبي و علق على كلمة (ماما ايش اسوي ماما ايش اسوي ماما ايش اسوي)
بدون وعي صرخخخخخخخخخخخخخخخخخت باعلى صوووووتي ياااربي ايش اسوي
على دخلة ابو الشباب من الباب اتخيلي

مواقف زي كدا تحصل كثير .. تحت الضغط اليومي .. من اعمال منزل و اهتمام باطفال
و نفسية كثير من الاحيان تكون تعبانة من قلة الحياة الاجتماعية و التواصل مع الصديقات
لا اراديا تنفجر المرأة .. فهي بالنهاية بشر ..

و نفس الشي ينطبق على التفنن في طرق التقديم ... اذا في وقت
صدقيني مااافي امراة ما ودها تسعد زوجها و تدلله بس الوقت و المجهوود عليها كبير
يالله انها تطبخ و تخلص عشان تفضي تشوف عيالها او تلحق تهندم نفسها قبل مايجي ابو الشباب
او حتى تنظف ما خربه عيالها .. ماتلحقي تنظفي غرفة و تروحي الا شوي و ترجعي تلاقيها
حرب و اثار البسكويت على طول الغرفة كانه عامل اثر خوفا من الضياع

نجي للرشاقة .. هذا مو مطلب الرجل فقط و انما المراة كمان ... مين يكره يكون رشيق
بس برضو محتاجين دعم ... حابب زوجتك تكون رشيقة ساعدها
خليها تشترك بنادي .. جيب لها اله للبيت .. ساعدها بمووضوع الاكل ..
لكن في رجال يرفضو موضوع النااادي
ومايرضى يشتري الالات بالبيت
و طالع نازل معبي البيت حلويات و يبي كل يوم طبخ مسبك ,, بالله كيف بتقدر تضبط نفسها ؟؟؟؟

و الكلام اللي فوق مش حالتي .. يمكن حالتي اخف الحمدلله بحكم انه اطفالي لسه صغار
بس من الي اشوفه حوليني كمان .. من اللي عندها 3 و 4 و 5 و باعمار و مراحل مختلفة
فا تكون عليها مسؤليااات اكثر الله يعينهم ... و عاد كمان احنا هنا في الغربة نص مسؤليات الرجل
برضو تتحملها الام

سامحيني فضفضت بموضوعك .. بس المواضيع اللي تطالب بتدليل الرجل كثيييييرة
فا احنا كمان نطالب بموضوع كل فترة و فترة معااانا يطالب براحتنا بس يوووم

بس يووم بالاسبوع ياخذ الاولاد يقعد فيهم بالبيت و يخلي زوجته تروووح من الصبح لاهلها
وبعدين تطلع مع صحباتها .. بدوون مايتصل و يسال ايش يسوي معاهم

يعني دلل زوجتك .. تلقى دلال اكبر منها ..
اعطيها فرصة تشم نفسها عشان ترجع لك بنفس متجددة

ارجع و اقولك لاا تخاافي و نصيحتي لك بعد الزواج تستمعي باول فترة مع ابو الشباب
على قد ماتقدري .. و بعدها استعدي لمرحلة الاطفال
وسبحان الله لكل مرحلة حلاوتها .. صح الان تعب و ضغط ..بس برضو ماننكر انها نعمة عظيمة

ويمكن بهذه المرحلة تقل شوي الرومانسيات و يقل الدلال حبتين .. بس وجود الاطفال حولين ابوهم و لعبهم و ضحكهم معاه يعوض شوي
و يمكن اشوف هذا الشي مع زوجي الله يخليه .. اذا نومتهم بدري عشان اقعد معاه يروح يصحيهم
ويلاعبهم و بعدها يقول شبعت منهم نوميهم شفتي الرجال

ربي يرزقك الزوج الصالح التقي الذي يراعي الله فيك و يسعدك و يهنيك ياعسل

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

التعديل الأخير تم بواسطة أم يوسف2 ; 23-12-2011 الساعة 01:45 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه