المشاركة الأصلية كتبت بواسطة غصة فراق

موضوعك رائع خيتو ذوووق وأسمحيلي أرفع لك يديني الثنتين بعد هاه شفتيهم ههههه

أسباب تافهه وفيه عندنا الي أتفه منها بعد
وبعقب على موضوع التدخين تقريبا حنا صارو عادي يقبلون مدخن لأن شعبنا أغلبه يدخن ولو بنرفض عنسنا,,وأصلا أحسه مو سبب قوي لرفض,,,

تعقيب ثاني تدرين حنا ياالبنات بحكم ان الأخوان أو الأهل هم الي يتولون مسألة السؤال ولو جابولك سبب رفض تافه مثل ماذكرتي يكون مابيدك حيله لأنهم يقنوعنك غصب ولو ماقتنعتي وزرع الوساويس براسك تخيلي لو وافقتي وصار تسذا!! فمالك الا تستسلمييين



من جد موضووووعك

المشاركة الأصلية كتبت بواسطة آفاق المجد

أنا مهوية كل يوم يا الغلا
أخوي مباحث
و الله انتكلم و إلا نسكت النتيجة وحدة
نفس القصة صارت معي و الله نفسها
يقول بيروح يتمشى

المشاركة الأصلية كتبت بواسطة الذوق نجدي

مراحب يااهل الداااااااااااااااااااار ......
بقول السالفه على طوووول ......
بعض الأهالي .... بعض بعض بعض بعض .....
تفكيرهم مدري شلون !!!!! .... ياانا اللي غلط ولاافهم ياهم تفكيرهم مااااااااااااااااش!!!!!!
بقولكم عدة مواقف شفتها بحياتي وصارت لي وصارت لصديقاتي ومعارفي !! وبليز أبي تعليقكم هل رأيهم وطريقة تفكيرهم صح ؟؟؟؟؟؟؟؟؟؟؟
1/ شاب تخرج من الثانوية وعمره 19 درس معهد وبعدها قعد يتسدح مالقى شغل ولامشغله !!!! طبعا كثير شباب زي حالته !!! ولما صار عمره 25 صار ناضج واشتغل باعمال حرة وتجارة وكون نفسه ولما صار عمره 27 خطب ....قالوا أهل البنت وش قاعد يسوي طول ذيك السنوات ؟؟؟؟؟؟ هذا مو مضبوط !!! برا اوت مرفوض ....
جلسته بالبيت كل هالسنوات تعطي ايحاء انه شخص غير مسئول واتكالي ومدة سنتين غير كافيه لاثبات انه نضج فالاهالي تخاف وتصرف نظر عنه ..

2/ شاب كسلان بدراسته وتخرج من الجامعة وعمره 26 .... توظف وظيفة حكومية حلووووة ولما صار عمره 33 خطب !!! قالوا أهل البنت ليش متخرج متأخر كسلان غبي وش يشكي منه !!!!!!!!!!

مرت سبع سنوات على تخرجه وانتظامه بالعمل وتكوين نفسه اثبات انه تغير غير انه انتقل من مرحلة العشرينات الى الثلاثينات وهي الانضج فمن وجهة نظري مالهم حق انه ينرفض..
3/ شاب عاقل وظيفته حلوة لكنه مدخن .... دقت اخته على أهل البنت وقالت شوفووووا من الأول يااهل البنت ترى اخوي يتتن (( يدخن )) ,,,, قالوا أهل البنت اخته اعترفت بالتدخين وتعتبره عادي معناتها مخبين بلاوي اكبر !!!!!!!!!!! اوت برا ....

هذي قويه مالهم حق ابدا بالعكس هذا يعطي انطباع انه الناس صادقين لذلك انا ضد هذا التصرف

4/ صديقتي جريئة ماشاء الله عليها وتقدر تواجه أهلها صاحت على اهلها قالت حرام ليش ترفضون فلان ابيه ....يمكن هو نصيبي وانتم رفضتووووه ..... قالت امها لو هو نصيبك كان مارفضنا كان ربي الهمنا الموافقة ... !!! ... طيب ربي أمرنا ببذل الأسباب ...

لا تعليق!!
5
/ شاب طاير بالبنت ويبيها ويبي يتزوجها لو يمووووت واهلها رفضوووه لانه يحبها !!!!

هذا ما يجوز الرسول صلي الله عليه وسلم قال في الحديث (بما معناه) لا ارى للمتحابين الا الزواج
انا ضد هذا التصرف

6 / شاب يبي بنت وعاجبته وشافها وجازت له ورفضها بالأخير ,,,, لأن اخوها يدخن !!!!
ههههههههههههههه
عش رجبا ترى عجبا
ضحكني بصراحه بيني وبينك هذا الخاطب البعد عنه غنيمه

7/ أم راحت تخطب وشافت البنت وجازت لها حيييييييل لكن قالت مابيها بيتهم مو حلو !!!

يمكن كان قصدها انه المستوى المادي للبنت اضعف بكثير من المستوى المادي للخاطب ..
انا مع فكرة انه يكون المستوى المادي متقارب بين اهل الزوجين

8/ أم لما تنعزم على عرس تجي بدرررري عشان تحجز كرسي قدام المنصة تشوف الرقص عشان تخطب لولدها !!!!!! منصة العرس صارت مكان مناسب للخطبة ؟؟؟؟؟؟؟؟
نعم هذا هو العرف السائد بمجتمعاتنا للاسف..
منصة الرقص زي الكتالوج اللي فيه صور بنات وام الشاب تقلب بالصور وتختار
بس الفرق انه منصة الرقص افضل من الكتالوج لانه تقدر تشوف البنت من كل الزوايا
بالأخير أبي أقول هالقصة وهي ليست للتعميم (( لااحد يزعل ))
لي صديقة حبيبة وغالية من إحدى الدول الشقيقة ... فأخبرتني أنها خطبت لأخيها حسب مواصفاته انه يريد فتاة شقراء بيضاء جميلة طويلة رشيييييقة .... قلت لها الجمال سيفنى ياعزيزتي من الأفضل البحث عن الدين والجمال لاسيما أنكم عائلة متدينة ولاتبحثون عن الجمال فقط !!!! قالت حاولت معه لكنه يقول دائما النساء زي بعضضض بأخلاقهن وطبائعهن وتصرفاتهن والإختلاف فقط بأشكالهن ... وان جميع النساء يجلبن النكد لأزواجهن فزوجة حسناء تجلب لي النكد ولازوجة قبيحة !!!! ضحكت على كلامه من كل قلبي ...
وقلت هالسالفه لصديقتي البدوية مثلي قالت حتى أخوي يقول زي هالكلام وليس صاحب القصة فقط !!
مرت الأيااام فأتت صديقتي وقالت لي أبيك تتعرفين على فلانة خطيبة أخي وتكونين صديقتها أريدك أن تكتبي لي بحثا مفصلا عن شخصيتها فأخي لم يفهمها ولا أنا !!!! لقد تعبنا ولم أجد فتاة أثق فيها من بين صديقاتي غيرك << كبر راسي ....
واخي ميت بجمالها ..ولايريد أن يخسرها .... فهي ساعات تكون قمة واحيانا تكون حاقدة طويلة اللسان ...
وقامت صديقتي بدعوة خطيبة أخيها للدراسة معنا بالتحفيظ دعوة عفويية ومنها نعرف شخصيتها حج وقضيان حاجة ....ودرسنا سويا وكنا أجمل ثلاثي نقضي نصف النهار سوى .....
كانت فتاة قمة بالأخلاق رغم قلة دينها لكن تحب القرآن ...
جدا بشوشة ورائعه لسانها طويل لكنها مؤدبة ....وهذا ماكان واضحا طيلة السنة (( خطبتهم استمرت سنة )) ولم تكن الخطيبة على علم اني بدرس شخصيتها ,,,, خليت اخواتي يتعرفون عليها والكل احبها ... اخبرت صديقتي بكل شئ وانها فتاة لم أرى منها القبيح قط !!!! إلا شئ واحد لكني لم أخبر صديقتي لانه شئ عادي ولايسوى ...وقلت لصديقتي اللي شفته انها قمة لكن علاقتي معها ماراح تبين جميع جوانب شخصيتها وطريقة حياتها فتعامل البنت مع بنت يختلف عن تعاملها مع زوج !!!!!! ....... وصديقتي ألقت علي مسؤولية صعبة .... لكن عشان مااحط بذمتي البنت بنظري ونظر اخواتي توب وانا مالي الا الظاهر .. وقلت لصديقتي لاتجعلين رأيي ورأي أخواتي يرجح كفة موافقة أخيك !!!!!! فوجهة نظري تختلف عن وجهة نظركم !!!!!! مرت الأيام ووصلني كرت فرحهم وحضرنا فرحهم ... وقدمنا الهدايا والتهاني ...... بعد عدة أشهر حصل الطلاق ....فالفتاة الكل انصدم منها انقلبت رأس على عقب ... وظهرت الأخلاق التجارية !!!!!
يعني كانت تمثل علينا لكني بالسابق صعب اقدح بنية البنت واقول احتمال تمثل إن بعض الظن إثم ...
أتت صديقتي وقالت أخي يشعر بالندم الشديد على أنه بحث عن الجمال ولم يهتم بقلة دينها ......
وقال ليتني سمعت نصايحكم يااخواتي ... لكن أنا محاكيتكم مازلت أشعر إن رأيه أن الحريم زي بعض هو رأي طبعا خاطئ لكنه معشعش بعقول بعض الرجال هل شعوري صحيح ؟؟؟
لكم المايك ولكم ودي .. الذوق