ياربي ..
ايش أبغى أكثر من كذا ؟

امي طوال حياتها و هي ترفض السفر للخارج او تجيني بريطانيا عشان كانت تتمنى تموت بالمدينة المنورة ..
امي بعد وفاة أبوي الله يرحمه، كل أقاربها بالمدن التانية و بدول تانية قالولها تعالي عيشي معانا و اللي قال لها
اتركي عيالك عند اهل ابوهم.. بس رفضت و قالت ( أحب المدينة )

وقت مرضها، تنومت بجدة اكثر من أسبوعين و كانت تعبانة مرة ..
قمت الليل و دعيت ربي و تصدقت، بنية انه ربي يخلي خاتمة امي بالمدينة مثل ما كانت تحلم و تدعي ..

الحمدلله انها جات المدينة و وقت اشتد المرض عليها ..
قمت الليل و دعيت ياااااااارب انه تخلي خاتمتها حسنة و انها تنطق الشهادة و اكون عندها ..

و الحمدلله و الشكر له .. و الله انه ربي عادل و ما يظلم أحد ..
اتوفت امي الله يرحمها و كنت عندها و كلنا كنا عندها .. و اخوي يلقنها الشهادة و يوم عيونه دمعت و مو قادر يمسك نفسه
جيت أنا و صرت اردد الشهادة بأذنها حبة حبة و افتكر كلام خالة جرين و افتكر كل كلامكم و تصبيركم لي .. و تمالكت نفسي
و شفت لسانها يتحرك ..

شكيت بنفسي و قلت يمكن ماكانت تنطق الشهادة ؟
بس اللي حولي قالولي انهم شافوا لسانها يتحرك و نحن نلقنها الشهادة ..

كنت خايفة قبل انها تتوفى و ماحد يكون جنبها و ماحد يلقنها الشهادة ..
بس الحمد لله و الشكر ..

( ياربي ليش أزعل ؟ و انت ارحم مني على امي ؟ )

صرت وحيدة بكل معنى الكلمة *

و جزاكم الله كل خييييييييير