عاشقات حلم الامومه - منتدى عالم الأسرة والمجتمع

04-01-2012, 01:22 AM

#11

غموض السنين

عضو مميز

تاريخ التسجيل: May 2007

المشاركات: 2,173

السلام عليكم ورحمه الله وبركاته

كيفكم خواتي وحبيباتي
ربي يفرج همي وهمكم وهم كل مهموم
ويرزق كل من تمنى الذريه الصالحه عاجلا غير اجلا
وربي يتمم كل حامل منكم على خير ويقومها بالسلامه
ويشافي ويعافي كل مريضه فيكم ومرضى المسلمين
وربي ينصر الامه الاسلاميه جميعا ويرد الامن والامان لها يارب

طبعا كان سبب غيابي هو مروري بظرف والحمدلله على كل حال

طبعا انا تقريبا الحمدلله رب العالمين من شهرين تقريبا من غيابي طلعت حامل الحمدلله رب العالمين وبيني وبينكم فرحت بالحمل يعني انا قررت اوقف المانع عشان حمودي الحمدلله حسيته كبر وصار بسم الله عليه رجااااااااااال

قرب يخلص بسم الله عليه السنه يعني 11 شهر ربي يخليه ويصلحه ويفرحني فيه ويقر عيني بصلاحه ويخليلكم ربي معطاكم
وانا عندي الاثنين الاوليين احب ديم يكون مابينهم فرق كبير وبعدين اجلسي كم سنه على راحتك بس لازم الاولين يكون مابينهم فرق يعني هذي وجهت نظري انا

حتى يوم قالتلي حبيبتي ام عبودي عندي احساس انك قريب تجيبين اخو او اخت لحمودي سبحان الله العظيم احساسه كان في مكانه بعدة بكم اسبوع حللت وطلعت حامل سبحان الله ومثل حمودي بديت بالتعب والغثيان ورحت لاهلي وماقدرت ادخل النت ابشركم

لكن مشيئه الله فوق كل شي طبعا تعبت بالوحام والتعب تعرفونه تعب الحمل وسبحان الله يوم قربت ادخل الثالث رحت ابغى اطمن على كل شي طبعا بالاسبوع الثامن كنت
الحمدلله كما ينبغي لجلال وجهك وعظيم سلطانك قالتلي الدكتورة النبض متوقف والجنين ميت من كم يوم بس
طبعا انصدمت بالبدايه لاني فرحت بهالحمل وحسيت سبحان الله انه بنت حتى اسم اخترته لها

بس الحمدلله على كل حال طبعا رحت لثلاث دكاترة اكدولي ان النبض متوقف والحمدلله على كل حال
طبعا رحت للمستشفى قالي الدكتور نعطيك فرصه للاسبوع التاسع يمكن نرجع نسمع النبض بس انا حاسه انه خلاص لان الوحام وقف معاي سبحان الله
وطبعا قال اذا نزل معاك دم او شي تعالي للمستشفى عشان التنظيفه باذن الله
وبداء ينزل معاي الله يكرمك بني خفيف والحين احاول اكل اشياء شعبيه عشان ينزل الدم وباذن الله اعمل التنظيفه باذن الله
دعواتكم الطيبه لي ان ربي يعوضني خير
ويقومني بالسلامه وينزل الجنين على خير بدون تعب لاسمح الله او نزف شديد

طبعا قريت بالنت الى تبغى تحمل بعد الاجهاض لازم تجلس ثلاث شهور والى قال ست شهور بس طبعا انا قررت اسئل دكتورتي وفعلا سالتها قالت هذا كلام مو طبي ان الى تجهض تستنى كم شهر لانه عادي لو تحملين على طول

صراحه الحمدلله ريحتني لان نفسي يكون عندي نونو ثاني يلعب مع حمودي حبيبي

ويارب ترزقني وترزقكم وكل من تمنى ياكريم

احبكم بالله جميعا يعلم الله
وهذي بوسسسسسسسسسسسه كبيرة من حمودي

على راس كل وحدة منكم

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه