السلام عليكم

والله اني محرجة منكم ولا ادري وشلون ابدا لكن صارت لي مشكلة ومتورطة
انا مطلقة وعندي ولد مراهق 17 سنة وربيت هالولد من 6 سنوات حتى هالعمر وتزوجت قبل كم شهر وولدي معي

ادخل بالموضوع على طول
البارح انا وزوجي نايمين وطلع صوتي وصراحة مدري وش اقولكم لكن طلع بشكل عالي ونسيت نفسي وطلع بشكل مقزز ومقرف

يوم طلعت والاقي ولدي وضعه صعب ووجه شييين وقال ابيك قلت وشفيه قال مره ثانية اذا بيطلع صوتك سكري الباب او مدري وش قال المهم انا انفجعت
هو دخل لغرفته وجلس يصييييييييييييييح وانا عجزت انام وقمت وطلعت وجلست احوس بالمطبخ ابيه يسمعني ويطلع لانه متعلق فيني مرررره

مسكين طلع عيونه حمرا وقلت تعال وشفيك لاتصير حساس ترى هذا زوجي
قال حساس!!!!!!!!!!
وقام يصيح وجيت وحضنته وقلت معليش انا اسفه والله ماعاد يطلع صوتي كذا <<احس اني خربت الوضع اني قلت له هالكلام

تكفون وشلون اداري الموقف
ادري ان ولدي يحتقرني الحين ويحس اني ؟؟؟؟؟

لكن وش اسوي مابيه يخليها بقلبه
احس اني كرهت زوجي

المشكلة وقت امتحانات وغثى

الله يجزاكم خير ويفرج لكم وش سوي وكيف اداري الموقف واخليه يروح من ذهنه

فكرت اني اتهاوش مع زوجي قدامه عشان يرتاح بس خفت اخربها

انا اخاف الي صار يأثر عليه جنسيا ولا يسبب له ازمة ولا اي ششي
وش تشوفون الموقف وعلموني وش اسوي الله يخليكم ..

لا طبعا لا تسوين شيء أقصد بتبرير موقفك أكثر او بخلق شجار مع زوجك , هذا يسبب احراج زيادة و بس
خليك طبيعية معاه مثل عادتك و اسأليه عن اختباراته و انصحيه بالجد و تبييض وجهك بالنتيجة الحلوة..
و لا تتكلمي في هالموضوع مرة ثانية ,,إلا أذا استجد شي كأن لاحظتي فيه تغيير

فكلميه بشكل عام عن الزواج و أنها سنة الحياة و كما أبوه متزوج فأنت أيضا تحتاجين سند و كلميه كواعي ,,

أصلا كلها فترة و تعدي (مراهقته و حساسيته من زواجك) مدام معاملتك و زوجك له بالحسنى
و لما يتزوج راح يضحك على نفسه و يحرج مما قال
لأن برأيي فتحه للموضوع معك تصرف خاطئ جدا و انت أخطأت بالتبرير و التأسف

__________________

الله يفرج همك
ويحفظ لك ابنك
انا لا اعلم
انتظري بقية الاعضاء

والله العظيم يامسنداني اني تندمت على التبرير مررره بس عاطفتي غلبت عقلي بهاللحظة وتصرفي كأم غلب علي

والله اني بين نارين وهالاثنين مايتقبلون بعض وكل وقتهم مجاملات واللي صار زود الطين بله

ياربيه استغفر الله ودي اغمض واتخيل الي صار حلم مب واقع


وضحى الله يجزاك خير وامين على دعوتك.

اين والده في حياته؟

والده مسجون .

يااعمرري بصرااحه كسر خاطري بقووووووووووه ...
ادري الموقف راح وآنتهى وماكان مقصود منكـ ...
بس ياليتـــــــــــــــــــــــــــــــــك كنتي مسكره الباب
مهما سويتي ماراح ينسى هالموقف ...
سامحيني ...اذا بردي قسوووه ...
بس بجد كسرررر خاااطري
انا بصراحه لما آبوي يتودد لآمي قدامي بآشياء جدا بسيطه لو بكلمه
على طوول اطلع من الغرفه آو اشغل نفسي بأي شي
لآني مرررررره حسااااااااسه ...

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

الله يفرج همك

ابنك في سن كبير ويعتبر بداية الشباب

اين اخواله او اعمامه لا بد من رجل يدخله الى عالم الرجال
ويبدأ بالابتعاد النفسي عنك نوعاً ما
وحاولي أن تضعي له غرفة بعيده عنك

واحرصي ان لا تلبسي امامه لبس عاري
او يصدر منك نفس الموقف مره اخرى

وادعي له

الله يصلحه وابنائي

لاحول ولا قوة إلا بالله
اووم الإحراج وربي جلست مبلمة ربع ساعه لما قريته
الله يعينك صراحه حاسه فيك لاني مريت بموقف مشابه مع اخوي
جلست فتره ما أطالع فيه احس بحرج كبير وهذا هو متزوج و فاهم
بس الموقف نفسه محرج وما تقدرين تتناسينه ..
لكن انتي لا تفكرين فيه اللي صار صار ولاعاد تعطينه فرصه يتكلم فيه
وخلك طبيعيه ومثل ما قالو لك الأخوات حاولي تنتبهين للبسك ,
وأفضل إنك ما تسون شي بوجوده أبدا وخاصه هالفترة وفكري انك تبعدينه
في ايام الخميس والجمعه مثلا ترسلينه لعماته ولا جدته
حتى تاخذين راحتك في بيتك , لانه خلاص فاهم لا شعويا بيدقق بكل حركاتك الحين
واحرصي على نفسك واجد وانا خيتك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

بكره يكبر ويفهم وينسى لا تشيلي هم

ومثل ما قالوا لك ربي يجزاهم خير انتبهي على لبسك بالبيت

واحذري انك تبعديه عن البيت بأيام العطله لأنها مفهومة وراح يكره الوضع أكثر لأنه كان السبب بابتعاده عنك خاصة انه متعلق فيك كثير

اشمليه بطلعاتكم خارج البيت مع زوجك .. طلعات البر .. أي طلعات تناسب الرجال حتى يتقرب أكثر من زوجك ..
زواجك تم من كم شهر بس فلا زال ما اخذوا على بعض .. ان شاء الله يكون زوجك هو الرجل بحياته وهو اللي يحتويه

تفاهمي مع زوجك على أن يتقرب منه ويتشارك معاه بنشاطات لكن لا يتدخل بتربيته .. اذا عنده ملاحظة عليه يقول لك وانتِ تتصرفي مع الولد .. يعني ما يشوف منه إلا كل ما يسر خاطره .

اخوي تزوج مطلقة ووالد الطفل موجود ومتزوج .. ببداية الزواج عاش الطفل كم شهر عند والده وكم شهر عند والدته واخي واختار أن يعيش حياته عند أخي .. ومع أن اخي طيب لدرجة الهبل ( مثلي ) لكن ما تدخل بتربية الولد نهائي وتركه لوالدته .. وما عدا ذلك من امور الحياة كان يتشارك معاه بكل شيء والان الولد دخل الجامعة والحمد لله علاقتهم ببعض رائعة .

__________________