إذا حسبت جميع تكاليف الزواج العادي بدقة مستحيل تقل عن 200000 ريال ..
وفي أشياء أصلا ما تحسبها وتطلع لك بعد الزواج مثل الهدايا وغيرها ..
وأنا أستغرب من بعض الحسبات اللي هنا ، يعني مثلا الأخت سيدة الموقف تقول التأثيث مع الايجار بـ 50000 !!
إيجار شقة عادية بثلاث غرف بالرياض ما تقل عن 22000 ، ويلزم بدفع مقدم لستتة أشهر يعني = 11000
أما التأثيث ، أكثر شيء يكلف المطبخ مع الأدوات اللي فيه وإذا حسبتيها صح ما راح تقل تكاليف المطبخ عن 25000 ، أتكلم عن الدولاب وجميع الأجهزة حتى المكرويف ..
هذي 36000 ..
بنت الناس تبي صالة تفتح النفس وتلفزيون 42 بوصة .. إلخ ، والصالة هذي مستحيل تقل عن 10000
هذي 46000 ..
بدون غرفة النوم والمجلسين !!

أنا أشوف أقل شيء يمكن يؤثث به مع الإيجار 70000 .. وتكاليف الزواج كلها 200000 ..
وهذا المبلغ شاق جدا على الشاب المقبل على الزواج ..

واللي يقولون هذي مثل مبالغ السيارات اللي تشترونها ، أنا أقول محد يقارن المرأة بالسيارة ، لكن السيارات أسعارها جدا مرتفعة ويحتاج للعمل أو الجامعة سيارة تصبر معه ولا تقل أسعارها عن 60000 ..

وأعرف واحد مشتري سيارة بـ 120000 ، ويقول غير قادر للزواج !
وهو صادق لأنه مضطر يشتري سيارة تصبر معه لأنه عمله يبعد عنه 70000 كيلو ، فيبي له سيارة تصبر معه ، ولا يقدر يقول بأتزوج بهالمبلغ وأترك العمل !


فالله يعيننا بس مع ذلك البنات يستاهلون أكثر

__________________