[align=justify]السلام عليكم

كل عام وانتم بخير اخوتي واخواتي

بصراحه مادري شلون ابدا في الموضوع لكن اعرف ان البعض هنا يعرف قصصي انا والمدام الي مادري وين بتوصل فيني،،،

عموماً الفترة الي راحت كانت الامور ممتازة الحمد الله والامن مستتب بس بدون اي عاطفة يعني سوالف وغدا وعشا وانتهى الموضوع.

الي صار الفترة الحالية كما الاتي.

قبل اسبوع وخاصة يوم الجمعة قمت وحصلت الفطور وافطرت ورحت اصلي الجمعة وقبلها قلت لها قومي صلي وقومي صلحي غدا رحت صليت ورجعت وعقبها رجعت وحصلتها نايمة وقلت لها قومي صلي وسوي غدا بطلع للحلاق وارجع ابي غداي جاهز.

رجعت والاخت في الله نايمة وعصبت عليها وصحيتها غصب وقامت سوت الغدا.

عديت الموضوع

جت الجمعة الي راحت ونفس الحكاية حصلت فطور وقلت لها قومي صلي وسوي غدا
صليت ورجعت والاخت نايمة.

خليتها على نومتها وكانت تقول تعبانه مزكمة

طبعاً اليوم الي قبله كان عندها عشاء بنات ودخلت المطبخ حصلت كل الصحون والاكل فيها من البارح على المطبخ وصورتها كلها

وحطيت وحدة من الصور صورة عرض في BB طبعاً واحد من اخواني شاف الصورة وقال الله يعينك

المسلسل الي صار.........

راح اخوي لأمي وقال شوفي ولله انها ماتستحي على وجهها علميها فهميها انتي ماتخافين عليها,,,,

المهم صحى الولد ونزلت انا وياه تحت عند اهلي وكان ابوي موجود وسألني قال وين شرابات الولد بيذبحه البرد قلت فوق قال وين امه قلت نايمة طبعاً الحين حنا العشاء قال من متى نايمة قلت من البارح !!!

امي استغلت فرصة النقاش مع ابوي وارسلت الشغالة قبلها تنظف البيت وطردتها انا

وشافتني جالس مع ابوي اسولف وراحت هي بنفسها تنظف مطبخها

دخلت البيت حصلت امي تنظف واالاخت في الله نايمة

مسكت امي وقلت لها معليش اطلعي طبعاً الي كان متابع لي يعرف امي زين انها عنصرية بمعنى الكلمة وهتلر مايقارن فيها ..

وكل الي تسويه لزوجتي وتغطي على عيوبها كله عشان ماحد يقول شوفي اهلك حريم مايعرفون حقوق ولا شي

عندها استعداد تدافع دفاع مستميت علشان ماحد يمسك عليهم شي.

طبعاً قعدت تدعي وليه تخليها تنظف هي نايمة قلت راعية البيت مو انتي

رحت لابوي وقلت له شف امي وش سوت قال ابوي خلها تنظف مطبخها تساهل امك.

رجع ابوي وطلق على امي انك لو ماتخلين البنت تعتدل ولله وعلي الطلاق انه مايوديها لأهلها الا انا

انتي ماتخلين احد في حالة.

المهم انتهت القصة وطبعاً ابوي هزاء زوجتي بعد وجاها ماكفاها قال فكينا يابنت الناس اعتدلي مع زوجك ولا روحي لأهلك حنا ماحنا فاضين كل يوم لمشاكلكم..

الي يهم في الموضوع

تحلمت احلام انا

واتصلت على مفسرين احلام 4 اقرو انه سحر معمول لك

واحد منهم قال فيه سحر تفرقة بين امك وبينك قلت ياخي لو افترضنا زوجتي كان الغبية بتسحرني اني احبها واصلا علاقتي في امي عادية مافيه شي مميز ابد ابد ومادخلت راسي لانه قال شف اكثر واحد تميل له لمح انه هو الي مسوي السحر.
واصلا زوجتي امي تموت في التراب الي تمشي عليه يعني لو افترضنا انها بتسحر كان بتسحرني انا عشان البي جميع رغباتها واصير رومانسي وغيره وهذا العكس اني احس نفسي مع زوجتي عادي جداً ولا انا رومانسي ولا غيره بالعكس فيه مشاكل.

الثاني قال فيه سحر واعطاني الاعراض الي فيني بس قال ماقدر احدد واقول مين.

الثالث اكتفى قال اكثر من قراءة الرقية والاذكار على نفسك وفي بيتك

والرابع قال شي مخالف لهم كلهم وقال امر سار لأمك.

وكلمت شيخ اعرفة وقرى علي في التليفون وكان يقرى ايات السحر ويدعي من على من عمل سحر كراهية او بثه او تفرقه وقال اقرى البقرة والنمل ودق علي وقريتها ودقيت عليه وقال وش حسيت قلت بروده في الاكتاف والم في الظهر وعدم تركيز وقال ماطلع معي شي لازم اجيك وقلت له خلاص ولا عاد دقيت عليه

الي انا احسه

انا احس اني اكره زوجتي كره ماهو طبيعي تخيلو ابي اطلق ماني قادر مادري هل هو عشان الولد او فيه شي يمنعني بس الي احسه ودي اذبحها فيني حقد وكره عليها خيالي.

طبعاً اكيد احد بيسأل ليه شكيت في زوجتك
انا شكيت فيها لانها انسانه ماتصلي ولا استبعد عليها شي

طبعاً انا اتصلت فيها وقلت فيه حلم تحلمته وترى قالو انك مسحور وقالو ممكن من زوجتك وماصدقت لكن اذا تبين الصدق مااستبعده عنك !

قالت ليه قلت لأنك ماتصلين وماستبعد عنك اي شي

قالت لو بسحر كان سحرتك انت وش ابي يوم اسحر امك انت اصلا علاقتك معي متوتره كان بسحرك تصير خاتم في يدي.

فيه نقطة لاحظتها فيها

الجمعة وديتها لأهلها انا لي سنتين من يوم تزوجت ماعمري شفتها عند ابوها او تكلمه حتى جوال والمره الي راحت قلت بدخل اسلم عليه لانه دايم مايكون في البيت ولاحظت شي غريب ماكانت توطوط عندنا وكانت تخاف من ابوها بشكل رهيب لو يقول لها عضي الارض عضتها

هذا الي صاير معي ياجماعة [/align]

وعليكم السلام ورحمة الله وبركاته
امممم ترى المشكلة واضحه زوجتك لازم تكون وراها لين ماتصلي وتذكرها بالصلاة
ولما تصحيها من النوم قول لها اصحي للصلاة وبعدين خليها تقوم بالبيت
ربي يسخرها لك ويهديها.

[align=justify]يعطيك العافية على مرورك

المشكلة لو فتحنا موضوع الصلاة صارت مشاكل مالها اول ولا اخر وقعدت طول اليوم ماتكلم عشان كذا صرت اريح مخي من هالموضوع [/align]

[align=center][/align]مو دايما كلام المفسرين صح ...حتى الشيوخ اي شي يحطوه في السحر والمس وال...واذا وافقنا انه سحر وش بتستفيد زوجتك لو فرقت بينك وبين امك !!
انت قلت ا امك تعاملها متاز مع زوجتك ..وانت علاقتك مع امك عادية يعني مافي غيرة من زوجتك لامك يخليها تعملكم سحر تفريق ...
لاتخلي هذا الهاجس اللي هو السحر يسيطر على تفكيرك وتخليه شماعة تعلق فيه فشلكم في الحياة الزوجية وذبولها ... الرقية والقران خير في كل الاحوال حاولو انكم تواصلون عليه ليبعد الشيطان عنكم وعن تفريقكم فهذا كل ما يسعى اليه ...
انا ما اعرف مشاكلكم السابقةبس اقترح انكم تفتحوا صفحة جديدة وتكون بعزيمة صادقة للاصلاح واحياء الحب الذي يحتضر بينك وبين زوجتك ...ومن المفييييييد جدا حضور دورات لايجاد الحب بينكم من جديد وتنميته ... بس كيف شخصيتك مع زوجتك لماذا هذا الامبالاة بكلامك !!هل رات منك شيئا او موقفا جعلها هكذا

__________________
[IMG]http://im11.***********/2012-01-23/1327344345591.png[/IMG]

وموضوع الصلاة موضوع خطير يتطلب منك الحزم والشدة اذا لم تستطع معها بالرفق

__________________
[IMG]http://im11.***********/2012-01-23/1327344345591.png[/IMG]

ترا موزين انك تقولها انا اشك انك ساحره امي !

يعني اي احترام وتقدير تطلبه منزوجتك وانت بهالاسلوب معاها!

بعدين اي خصوصيه انت عايش فيها
كيف ممشي حياتك
تصور الصحون اللي ماغسلتها زوجتك او تصور الوصاخه اللي بالبيت
وتحطها بالبيبي
انت لحالك قاعد تسوي لنفسك مشكله !

لا انت ولازوجتك كاملين
فتخيل انو زوجتك قاعده تصور عيوبك وتوريها لأهلها
وانا وجهة نظر خاصه ماشوف انها ف عدم تغسيلها للصحون ازمه,ممكنها كانت تعبانه ممكنها سهرانه الخ
لكن اهم شيء انها تغسلها لما تصحى


انا انصحك تخفف تدقيق على زوجتك ومشاكلكم تحلونها بأنفسكم
لانها مشاكل صغيره وعادي تصير بأي بيت

[align=justify]شاكر لك مرورك

بالنسبة لي الحمد الله قاعد اسمع رقية في جوالي وفي سيارتي واقرى قران وكلامك سليم مو كل كلام المفسرين صح بس انا من داخلي كره هل هو بسبب افعالها ام بسبب شي ما ؟

اما بعدم مبالاتها بكلامي مادري وش السبب ولا حصلت موقف مني بس انا من عدم اهتمامها في كلامي ولسانها الطويل ومقارنتها لي بأزواج اخواتها رغم اني اسمع منها كلام وفي الواقع اشوفهم عسكه تماماً صرت اهمشها وماصرت اقول لها شي لأن لكل فعل ردة فعل[/align]

السلام عليكم ورحمة الله وبركاته...

والله موضوع السحر صاير أحسن من الآريال والبرسيل

كل فشل بحياتنا نسرع ونقول سحر

يا أخي الكريم موضوعك القديم وموضوعك الحالي لا يختلفون عن بعض

هذه زوجتك وهذا طبعها ولا حياة لمن تنادي.

ولكن لفتتني جزئية انك إتهمت زوجك بالسحر وهذا إثم كبير.

استغفر ربك.

يسّر الله أمرك.

[align=justify]بالضرب ماراح اضرب لاني مره ضربتها كف على غلط سوته وصارت مصيبه عند اهلها ولا ابيهم يقولون انه بس يضربها وحتى لو ضربتها ولو فرضنا راحت لأهلها وقالو ليه ضربتها وقلت ماتصلي بيقولون وش دراك هي تقول انها تصلي !

وش بيكون دليلي على انها ماتصلي !!

كالعادة راح تصيح وترفع صوتها وتركب علي القصة وانا الغلطان واطلع انا الي ماصلي في الاخير[/align]

[align=justify]انا ماتهمت انا شكيت وكان فيه اسباب للشك ووضحتها في موضوعي

شاكر لك[/align]