اتعبني فراقه. ( مستجدات بالرد 75) - منتدى عالم الأسرة والمجتمع

14-01-2012, 09:37 AM

#11

oO عفراااء Oo

عضو مثالي

تاريخ التسجيل: Oct 2009

المشاركات: 467

اقتباس:

المشاركة الأصلية كتبت بواسطة ليه الغرور؟

أختي هل زوجك في السعوديه الان واذا كان في السعوديه هل حاولتي تدخلني البلد بتاشيرة عمره وفيه شي اسمه زياره يحددوا ثلاث شهور زياره لزوجك كل سنه ومن ثم ترجعي بلادك ،،،،،واذا كان زوجك في بلد غير السعوديه ليش ماتدخلين كسائحه للبلد ،،،،أختي المساله صحيح فيها أجرات وقوانين بس مؤ بالدرجة الي وصفتيها 4 سنوات كثير والعمر يجري

على حسب اللي استنتجته من كلامها

فزوجها أكيد في السعودية

لأن التأشيرة الوحيده في العالم اللي تتطلب وجود محرم مرافق هي تاشيرة العمره او الحج

وتأشيرة العمره قد تكون غاليه بالفعل لأنها لازم تدفع لها وللمرافق

هذا غير تذاكر السفر ذهاب واياب لشخصين

أما بالنسبة للتأشيرة السياحيه

فهذه مو موجوده في السعودية

هي تأشيرة عمره او حج او زياره عائليه او زياره عمل

وحتى لو كانت موجوده فماراح يعطوها لأمرأة تحت سن الثلاثين ومسافرة لوحدها

تخيلي إن الحكومة تسمح باعطاء تاشيرات لنساء اجانب بدون محرم عشان يجوا يتسوحوا في البلد

وبعدين الزياره العائليه مدتها شهر واحد فقط قابل للتمديد وليس ثلاثه شهور

ومايعطوها غير لقريب من الدرجة الأولى

يعني الشخص المستضيف لها بالسعوديه لازم يكون ابوها او امها او زوجها او احد ابناءها

لكن المشكله إن زوجها تأشيرة عمله ماتسمح له بتقديم زيارة عائليه لها

لأن قد يكون دخل البلد بتأشيرة عمل لمهنه بسيطه كعامل او بناء او سواق وغيرها

وصاحب هذه التأشيره مو من حقه استقدام عائلته سواء للاقامه الطويله او لزياره عائليه مؤقته

وحتى لو ماكان يشتغل بالفعل بهذه المهنه

الحل الوحيد لمشكلتها اذا تبغى تدخل السعوديه هو إن زوجها يغير مهنته في وزارة العمل

عشان يقدر يستقدمها

والأمر هذا حله الوحيد بيد الكفيل السعودي اذا كان يرضى له او لا

وكمان تغيير المهنه بيحتاج لاجراءات طويله قد تمتد لشهور على حسب المهنه اللي بيختارها

ويشترط انه زوجها يكون حاصل على شهادة جامعيه ومعمده وغيره طبعا من الأوراق

أو أن زوجها يسوي له خروج وعوده ويسافر لها

وأنا مستغربه ليه ماسواها للحين

زوجي قال لي ان خروج زوجها مكلف ماديا له اكثر من استقدامها هي

لأنه بحكم كونه رجال

فبيحتاج تذاكر سفر ومصاريف لزوم الطريق ومصاريف اقامه له في بلده وربما توفير سكن له ولها خلال مدة زيارته وهدايا للاهل طبعا وغيره وغيره

على العموم أختي اتعبني فراقه الظاهر إنك من النوع الكتوم واللي ماتحبي الزن

لأنني لو كنت مكانك كنت بجنن زوجي بموضوع خروجه

بعذر اني مشتاقه له وووو حتى لو كان الموضوع مكلف ماديا له

لكن اسأل الله انه يجمعك بزوجك عاجل غير اجل يااااااااااااااااااارب ياكريم

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه