أنا أسفة حبيبتي على قسوتي , بس أنا أقسى حتى على اللي أحبهم في أوقاات لعلمي أن القسوة مهمة في بعض المواقف لو جاتني أختي وسردت لي معاناتها الي هي مثل معاناتك راح أقول لها نفس كلاامي لك , عشان مصلحتها هي أولا ,
ماراح أشجعها على الغلط , حتى لو كنت متأكدة من شكوكها.
شوفي أنتي تقولييين أحس أن فيه أحد يتحكم بمزااجه , الإحساس أحيانا كاذب وأحيانا صادق فلا تبنين أي شي على إحساسك , لأن الإحساس شي موب ملموس نتأكد من وجوده .
بالنسبة للمزاجية صفة معظم الرجال وماتكون مرتبطة بحدوث شي مفرح أو محزن , يعني فجأة مبسووط وبعدها متعكر مزااجه , وبعضهم له شخصيتين داخل البيت جدي وثقيل وخارج البيت العكس تماما .
وممكن خروج زوجك من البيت وهو طفشاان لسبب ماا ولا له علااقة باللي أنتي تفكريين فيه .
شوفي أنا ماالومك الوحدة تحب زوجها وتغار عليه وخااصة لما تكتشف له علااقات , لكن أنتي حاولي تجذبين زوجك لك أكثر لاتطفشينه ,وأنا أنصحك لوجه الله حاولي تغيريين من أي صفة تزعجك زوجك منك , وبعديين قللي من التفكير في زوجك وتحليل تصرفااته وربط الأحداث مع بعض , لاتتبعيين تصرفااته وتراقبينه .
حبيه وأحسني معاملته وفي نفس الوقت لاتظهرين إهتماام زاايد به , وحتى لو كنتي تغليين من الغيرة لاتبينين له , ولو أكتشفتي علااقة له لاتواجهينه بها مبااشرة , أتوقع زوجك حبك لكن مااحب شخصيتك , أتوقع والله أعلم أن زوجك يميل للمرأة الذكية وقوية الشخصية والواثقة من نفسها ,المتمنعة يطلبها ويجري وراها <<<سؤال هل تمتلكيين هذي الصفاات ؟؟
أنتي غلطاانة لأنك مافكرتي في نفسك وحبيتيها بالعكس أنهكتيها وتعبتيها بالتفكير وأنتي تتوقعيين أنك راح تسعدينها وأنتي تحطمينها وتقتلينها قتل بطيء .
أهتمي بنفسك دلعيها أقري في كل شي يخص المرأة , وروحي أكشفي عن سبب تأخر الحمل , ممكن ماتحتاجين علااج والمشكلة هي نفسية .
طيب ماجاوبتي على سؤالي متى يهددك زوجك بالطلااق ؟؟
وكيف علاقتك زوجك بربه هل هو يحاافظ على الصلااة , وكيف تعامله معااك هل هو كريييم وطيب وحنون , له مواقف معااك تدل على رجولته ؟
وش سبب طلااقكم الأول ؟؟ ومن اللي بدا بالصلح أنتي أو هو ؟؟ وكم لكم سنة متزوجيين ؟؟
الله يفرج همك ويسعدك ويصلح حال زوجك .
ولاتنسين الدعاء .
03-02-2012, 11:40 AM
ضوابط المشاركة
العرض الشجري