[SIZE="5"]السلام عليكم
انا متابعه للمنتدى من زمان ودايم استفيد من تجاربكم هنا،،
وعمري ماتوقعت اكتب مشكله تخصني هنا
ابدأ لكم بسالفتي وارجو منكم النصيحه والأراء السديييده
الله يعلم اش كثر انا محتاجه حكمتكم
اختي عمرها 19 سنه فالجامعه احنا عيله جداً محافظه
تخيلوا اكتشفنا بالصدفه تكلم واحد فالواتس مسميته بإسم بنت!!
احنا لانطلع ولا شي من البيت للدوام ومن الدوام للبيت وحتى السوق مانروح الا نادراً ويكون واحد من اخواني معانا...
ماندري شلون نتصرف فكرنا نقولها تأجل هالترم وناخذ الجوال منها والموضوع يفضل بينا احنا بس البنات ونفهم اهلي انها ماجابت معدل وبتجلس هالسنه فالبيت والسنه الجايه تدخل قسم اسهل
لو عرفوا مدري اش المصيبه الي بتصير فالبيت كله
وربي انا فحيره مايعلمها الا الله خايفين عليها لإن شخصيتها متهوره وجريئه ودايم تحس نفسها محرومه وان بيتنا معقد وفنفس الوقت جلستها فالبيت ممنوعه من كل شي بتتعب نفسيتها
اعذروني ادري كلامي ملخبط بس الله يعلم قد اش شايله هم وهالموضوع متعبني كتبت وانمسح كل شي...
اخواني اخواتي شوروا علي اش التصرف السليم
والله يسعد كل من رد علي او اتجاوب مع مشكلتي

ما هي اهتماماتها ؟؟؟

كيف علاقتكم فيها ؟؟ هل عندها أحد منكم من ترتاح له ؟

أرى أن تبدأ اقربكم لها بالتقرب أكثر وأكثر منها وأن تحاول أن تقضي أغلب الوقت معها ... تشاركها بكل شيء ... وعدم مصارحتها بأنكم علمتم الى أن تبادر هي لفتح الموضوع .. وقتها تحاول أن تقنعها وتقول لها عن مخاطر تصرفها ...

إذا ممكن أن تترك هذا الأمر فيجب أن تكون من داخلها مقتنعه بأن تتركه ..

إذا لا سمح الله ما نفعت الطريقة السابقة فحاولوا بالطريقة اللي ذكرتيها انتِ .. تاخذوا جهازها وتجبروها جبر أن تتركه ...

__________________

عموما علاقتنا ببعض الاخوات جدا حلوووه ولله الحمد
لكن هيا تشوف اننا عائلة معقده
هي عاطفيه جدا وهذا اكثر سبب مخوفنا
بسهووله يسيطر عليها
وتعرفون دوام الجامعه ساعات يعني بسهوله تخرج وبدون مااحد يعرف
ودوامها يبدأ الاسبوع الجاي
مااعتقد في اسبوع بنقدر نقنعها بالطيب خصوصا انها عنيييده ومايهمها احد
وممكن مع بداية الترم يصييير شي اكبر

حبايبي واجهناها تخيلوا طلعت راسلة له صور لها وواعدها بالزواج !!!!
ودحين اخذنا الجوال منها وخوفناها و تقول خلوني اكلمه اقوله انخطبت امسح صوري حايرضى ولا اسحب عليه يحقد علي..
ماندري ندق تنفاهم معاه ولا نطنشه ونقفل الجوال ولا اش نسوي بالضبط؟؟؟!!!!!

مدري ليش البنت تصدق مثل هذه الوعود والاكاذيب

في مجتمعنا امور مثل كذا محرمة لانها تؤدي لمحرم

واختك ماتدري ان مجتمع التناقضات هذا احد تناقضاته
ان الشاب لايمكن يرتبط ببنت مكلمها من اول..
بس مافي مانع يرتبط ببنت مكلمة قبله 10 بس هو مايدري..؟؟

الحل..
تخلي عنها الهبالات والعبط اللي تسويه وتاخذ الشريحة ومع اقرب شبة نار
وقبلها ترسل له انها انخطبت وبتتزوج وخلاص.. بحححححح

يجب ان يحسم الامر

__________________
ان انت اكرمت الكريم ملكته.. وان انت اكرمت اللئيم تمردَ!!

هدديها انك تعلمين اهلك عليها
لو استمرت معاه
وحاليا خذي الشريحه من غير لاتدري واحرقيها ولا كسريها
ولاتخلينها تطلع بدل فاقد
تطلع رقم جديد
بس المصيبه لو هي حافظة رقمه
بس نصيحه لاتتهاونين معاها ولا ترى بتندمين طول عمرك
ذكرتني باخيتي الخبله
لا وكانت مصدقه انه بيجي يخطبها خخخخخخخخ
البنات تهاااااويل بس انتي راعيها شويه شويه وبنفس الوقت خلك صاارمه معها
يمكن المسألة تطول بس اصبري عليها
واذا لاحظتي انها تمادت ممكن تشاورين اخوك بوجودها بموضوعها على انها اخت زميلتك
وتسألينه وش رايه لو انها اخته
هذا بيكون احلى كف لعنادها اذا تمادت
والله يقويك عليها يارب في الخير

خليها ترسله انه انخطبت وبتتزوج وتطلب منه يمسح صورها وتنتهي السالفة ولاتغير رقمها ولاشيء
اذا هو مسح الصور وما عاد دق عليها معناته انتهت السالفه

اختي الله يفرج همكم..فهمي اختك الله يصلحها ان الشباب مايرضون بوحده تكلم شباااب كيف عاد مرسله صورتها..خلاص وش يبغا..شاف شكلها وسمع صوتها......المهم لازم تتصرفون عشان الصور لاينشرها بالنت..نصيحه اتصلي على الهيئه)هيئة الامر بالمعروف والنهي عن المنكر(هم يتصرفون بدون ما يفضحون اختك....بعدين خليها تغير الشريحه.....اللهم استرنا فوق الارض وتحت الارض ويوم العرض