السلام عليكم ورحمة الله وبركاته
اختي الكريمه تعلقنا بالرجل لايعني انعدام الشخصيه
انما هو اشباع لجانب الانوثه
اللون الابيض يبرز جماله لما نضع بجانبه اللون الاسوء والعكس كذلك
وجود الرجل من بدابة وجود للانثى الى اخر مراحل حياتها يمدها باحساس القوه التي خلقها الله فيه. ولا تتمتع بها الانثى
الاب الاخ الزوج والابن
ادوار مختلفه بحياة الانثى لكل منه لمسته الجماليه التي لاغنى عنها لكل انثى
ولكل منهم بصمه مؤثره نحتفظ بها
اختي شوجي حاولت اقرا كلامك مره مرتين وثلاث
لكن للاسف ماحسيت انه واقعي او يتكلم عن واقعنا
تقولين مانقدر نستبدل جسد الانثى
ولكن نقدر نغير المفاهيم المغلوطه ???
وش هالمفاهيم الي تقصدين
وبعدين المسيار ةالمتعه ماحد اجبرنا نتزوج لا مسيار ولا متعه
ولعلمك حياتي بين اطفالي ببيتي وصراخ هذا وبكا هذا والحوسه الي تصير
احسن من حياة مليون اجنبيه بنتهي بها المطاف وحيده لاحنيس ولا ونيس
ومن قال ان المراه عندنا رخيصه ?????????????????????????
مااشوف المراه عندنا رخيصه بالعكس
ومن قال انها كل ماكبرت قلت قيمتها
ختى لو متزوجت
حتى لو ماجابت عيال
تعالي شوفي ببيوتنا عمات وخالات ماتزوجو ووصلو لارذل العمر
مانسميهم الا يمه
وقمة الاحترام لهم من الكبير والصغير
اعذريني شوووووجي انا احس اني ملكه بهالمجتمع والي يقول عكس كذا برد عليه مافي مجتمع يقدر المراه زي مجتمعي ومساله انهم صاكين علينا
هذي نواحي اداريه وروتينيه تتعب الرجل اكثر من انها تتعبنا
اختي شووجي قبل فتره طلعت رسايل ومسجات تتكلم بالمراه السعوديه باشكال عديده
جلست مع اخواني جلسة مصارحه وطولت النقاش معهم
اكتشفت بعدها ان مايطلع هالحكي ولا يهين المراه الا الي عنده نقص بشخصيته ولا الاغلبيه يحترم ومتربي وشبابنا ورجالنا فيهم كل الخير والبركه
والي يطلع من هالقاعده شواذ
__________________
حسبُنا الله سَيؤتِينا اللهُ مِن فَضلِه اِنا الى الله رَاغِبُون ’
22-02-2012, 09:40 AM
ضوابط المشاركة
العرض الشجري