مشكلة عائلية اتمنى المشورة والنصح فيها
السلام عليكم ورحمة الله وبركاتة
بسم الله الرحمن الرحيم
المشكلة هي :
فيه حرمة من اقاربنا من بعيد تتكلم على بنت ثانيه من اقاربنا الي من قريب
وفيه مشاكل وخلافات عائلية بينهم ::
الحرمه الي اسمها منال كلمتني با الجوال وقالت ان البنت عبير مو مضبوطة و ابتعدي عنها لان عليها كلام كبيرر وانا خايفه عليك منها ولا تماشينها وتراها مخربتها وتكلمت بعرضها ومن ها الكلام الشين
انا انصدمت وما عرفت ايش اقول ف قلت خلني احسسها اني معها واخليني على ثقتها فيني
عشان تطلع كل الي عندها ,
وقالت كلام كثير مو زين على البنت وقالت انها بتجيب رسايل توريني اياها
وجابتها يوم جتنا وشفتهم وهم عباره عن ورقتين وحده رساله من شخص وثانيه فيها شعر حب وغزل
بس واضح ان الرسالتين ومن صيغة الكلام الي فيهم انها قديممه و حقت مراهقيييين
حاولت اقرااها زين وشفت اسم عبير عليها وكان هذا الشخص يطلب انه يشوفها وكذا !
الان ..وش يثبت ان الرسايل للبنت وانها مو مزوره !
انا احترت والوضع يشكك .. هي لما كلمتني كان اخر الليل وقالت لي لا تقولين لأمك شي ,
عاد انا صراحة قلت لأمي لان السالفه مو هينه المرأه تتكلم بعرض البنت !!
وامي عصبت حيل وقالت كيف تتكلم عن البنت كذا بس انا قلت لها انها قالت لي لاتقولين لامك وكذا
عاد امي قالت ان كلمتك مره ثانيه ياويلها ..
علماً ان هي ما تكلمت وقالت هاالكلام كله الا لما تملكت هذي البنت قبل اسبوعين !!!
والبنت كبيره و متأخره على الزواج بسبب ترديد اهلها للخطاب بعذر انهم مش قد المقام ومن ها الكلام
بس الحمد الله .
الله يتمم ويستر عليهاا
انا اعرف ان البنت عبير فرري و تطلع مع صديقاتها من حفله لعرس واسواق وكذا
وهي البكر ودلوعة اهلها وكل شي تبيه يجيها وسفرر وكل شي
لاكن ما احتك فيها يعني اسم انها من قرايبنا وبس
الحين كيف اضمن ان منال هذي صادقه با الي تقوله وانها ماتقذف البنت !؟
اخلي امي تكلمها ؟؟ وتوقفها عن حدها ؟!
ولا اعلم البنت وهي تتصرف ؟
ولا كيف ؟
انا مابغى مشاكل معهم لانهم قرايبنا وخصوصاً ان الوالده قد اختلفت معها وصار قطاعه بينا والحين صار لنا سنه ونص حلوين مع بعض
وامي ايضا ما تبغى مشاكل وبنفس الوقت خايفين على سمعة البنت
ايش نسوي الحين مع هذي ؟؟؟
لكم ودي واحترامي
بنتظار ردودكم ونصيحتكم
__________________
استغفر الله العظيم وأتوب اليه
التعديل الأخير تم بواسطة different soul ; 28-02-2012 الساعة 03:45 AM
28-02-2012, 03:42 AM
ضوابط المشاركة
العرض العادي
