السلام عليكم ورحمة والله وبركاته
بما اني كنت مقبله على الزواج والحين مره عوده لي خمس سنوات متزوجه قولو ماشاء الله مريت بتجربه اللي هي اختي مرت بتجربه اخطاء اثناء فترة عقد القران كنت شدييييدة الحرص اني مااغلط نفس غلطها وكنت اسال ولو اشوف اي وحده مملكه معاي في الجامعه اروح اسالها فايش تسولفون عن ايش تتكلمون ليش يقل كذا واحاول اخذ خبره الحمدلله طلعت بعدة مقطفات تهم الاخوات المقبلات على الزواج والاخوان المقبلين على الزواج
طبعا كلنا عارفين شعور الخاطب رومنسيه لابعد الحدود واندفاااااع شديد وكلمات ت تذيب الصخر احذري اختي هذه ليست شخصية من ستعاشرين وليس طبعه هذه عواطف جياشه كانت مكتومه لعشرين سنه واندفعت نحوك بقوه احذري ان تغرقك عن التفكير العقلاني والنظر الى المستقبل والبقاء في دائرة الرومنسية البحته لاتصدقي الا 30 بالميه من وعود هذا الشاب بالحياة المخمليه فغدا هناك مسؤليه هناك ضغوط هناك فتور غدا سيمتلكك ويراك 24 ساعه ولن يتذكر ان يخبرك انه يحبك الا في الفراش او عند مرضك الشديد وبعد الولاده
2 اختي الشاب بحكم عاطفته هذي الفتره يكثر من الوعود الماديه ساعطيك مصروف بكذا بابني لك فلى بسفرك المريخ لا تصدقي وقولي له اذا جيتك يصير خير والله يقدرك تسعدني
3 بعض الشباب الله يهديهم يبدا باستعراض بطولاته اللي يظن انه باسر قلبك فيها انا كان البنات يطاردوني انا كنت خاطب عند الفلان وبيتشققون علي قولي حبيبي ماضيك مايهمني بشي انا ابيك حاضر ابيك مستقبل اثبت لي وخليني احبك واذا بدا يذكر شي عن امور محرمه ويعترف لك فيها مثلا انه كان يكلم قولي له استر على نفسك دام ربي ساتر عليك وانسي انتي الموضوع فمعظم الشباب الا من رحم ربي يمر بهذه الامور وهو بشر معرض للخطا
4اختي اصحك حسك عينك تقولي اهلي شديدين اهلي متخلفين مايسمحون بالزيارات ولا يحس انك تحسين بالنقص بشي لان هذا الشي اثاره تبان بعد سنه او سنتين من الزواج ويبدا يكرر انا اللي خرجتك وانا اللي وريتك العالم وانا وانا وانتي كنتي عند اهلك ماتعرفين شي فعشان كذا اذا سالك اهلك كيف تعاملهم معاك قولي مثل الملكه يدورون رضاي ويتمنون لي بس اصير سعيده وطول الوقت يدعون انك تسعدني
5انتبهي لكلماتك معاه والفاظك تحدد ماهية تعامله معاك خليك ذوق بالكلام رح يعرف انه رح يتزوج امراه راقيه مارح يعاملها باسلوب شوراعي
6 لا تكررين اتصالاتك كل شوي وينك وين رحت انت تغيرت ليش ماعاد ترد انت اشفيك علي هذا الاسلوب يحسسه انك رخيصه ومحتاجته وبتموتين عشانه فاذا كنتي متعوده عليه يكلم بوقت معين وتاخر ارسلي مسج رد اوكي مارد اتصلي قولي حبيبي انشغلت عليك عسى ماشر قال مشغول قولي اوكي مااعطلك قلبي وقفلي وانسييييييه الين يتصل هو ثاني ورح يتصل ويخبرك ايش عنده من غير تساليه
7اذا شفتي شي غلط وماعجبك صارحيه من وقتها وقت الملكه هو وقت وضع الاسس مو السكوت والاحلام وقت يعلمك الشخص هذا وش بيكون بعدين موقف صار لي زوجي وعدني بزياره وحدد موعد وقال وقتها اكون ماشي لمدينتك واليوم الثاني ازورك انتظرته وتاخر ماتصل اتصلت قال انا مو جاي ولارح ازورك بكره طبعا انا تعبت في تنظيف البيت والسوق عشان اشتري ملابس فقلت طيب صار خير بس ثاني مره لا تخبرني انك جاي الا اذا وصلت المدينه اللي انا فيها حسيته انحرج لانه طلع مو قد كلمته وقال لي بعدين بعد الزواج لما قلتي كذا حسيت ان احد شاتني عشرين متر قدام وبالفعل ماصار يخبرني الا بعد وصوله دااااايم تدرون لو اني سكت وقلت عادي كان كل يوم صار يعطيني موعد ويسحب علي
8 احذري الملابس الشفافه والقصيره المبالغه فيها في الزيارت رح تحسسه انك مستعده لاغرائه بس انتي مو محتاجه تغرينه هو طاير عقله خلقه فيك رح يموت ويشوف اصابع ايدينك
9 فترت الملكه فترة المحقق كونان كانت بالنسبه لي سؤال وجواب
ومن بين الاسئله اللي كنت اسئلها
وش تحب من الالوان
وش هي اكلتك المفضله
كيف علاقتك باهلك
كيف علاقتة زوجات اخوانك باهلك
كيف علاقتك باخواتك
كيف علاقتك مع اصحابك
كثير تخرج معاه ناوي تستمر بنفس الطريقه بعد الزواج
طبعا هالاسئله مو تقوليها مررره وحده والله ليهج ماتشوفي الا غباره لا كل شهر كل اسبوعين اسالي سؤال وغلفيه برقه اسلوبك مع كلمة حبيبي في البدايه وقلبي في النهايه رح يقر باللي يعرفه واللي مايعرفه بعد
10 رح يحاول يتكلم عن الامور الجنسيه وليلة الدخله من ثاني يوم ملكه ابد لا تسمحي له الا قبل الزواج بشهر اذا بدا يتكلم قولي له قلي ماقلت وش تغديت اليوم ؟! اقرب مخرج اذا حاول يتميلح ثاني قولي مااحب نتكلم في هالمواضيع احترم رغبتي ادري ودك تسولفين حتى انتي بس صدقيني الكلام في هالمواضيع يجيب الملل في المكالمات بسرررررعه عجيبه ويقتل روعتها ويصير يتصل عشان يقول هاكلمتين بخاطره ومارح تسمعي كلام حب وغزل رح تصير المكالمه من اولها لاخرها جنس في جنس


اخواتي فترة الملكه من اجمل مراحل الحياه اصحك تقولي مابكلمه مابعطيه وجه اعطيه وجه وكلميه ولاتثقلي بس خليه يبقى عطشان للمزيد كل مكالمه كلمتي نصف ساعه قولي قلبي ننعست تعبانه يالله تصبح على خير وقفلي
لا تكرري اتصالاتك كثيييير اذا شفتي هذا الانسان يستحق الحب مو بكلامه بافعاله معاك حبيه من قلبك وبيني حبك له لاتحرميه هالاحساس ولا تحرمي نفسك وتذكري ان اي شي يبنى على رضا الله فهو باءذن الله بينجح ويستمر
ولاتنسي تذكريه بالصلاه لو بينام يعني تصحيه للفجر قولي قلبي قوم صل الفجر وتذكريه يدعي بنجاح الزواج وتنمي بداخله ان رضى الله اهم سبب للتوفيق بالزواج كبري بداخله اهمية التحصين وقراءة اذكار الصباح والمساء ومانسى موقف زوجي وذهوله يوم صارحني قال حسيتك ماحبيتني قلت كيف مااحبك وانا من يوم ملكنا من ثلالث شهور وانا اقول ايات التحصين لي ولك وانت بعيد عني 400 كيلو
اخواتي اتمنى تستفيدون واتمنى دعوه منكم في ظهر الغيب بصلاح الحال وان يسهل ربي حملي ويرزقني الذريه الصالحه وهذا الموضوع تفاعلي اللي حاب يضيف شي من عنده ونصائح اخرى واذا انا تذكرت شي ثاني اضيفه ان شاء الله
ء

نصائح قيمه بارك الله فيك ودام عليك السعاده

بارك الله فيك أختي الغاليه
نصائح جميلة

الله يسهل عليك ويرزقك الذرية الصالحة اللي تبر فيك وفي أباهم وتنفعكم لدينكم قبل دنياكم .. اللهم امين

جزاكــــ الله خيرا ً

الله يعطيييييك العآفيه ويجزآك خييييير من زمآن أتمنى مثل هيك نصآئح

ماشاءلله تبارك الله نصايح قيمة ومفيييييده جداً لكل المقبلات .,~
الله يسعدك ويووفقكم لكل خير : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

الله يسعدك نصايح جميلة جدا

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )