الحمدالله والشكر لك يارب كل حبة قمح تملأ قشرتها

اللي تبغى تركي ترو ح تتزو ج الله يستر عليها وخليها تعيش

رومنسيه حتى تشبع منها بعض البنات يحسبون الأتراك يتغدون

حب ويتعشون حب وكأنا يالبشر ماخلقنا إلاللحب والرومنسية

تدرون ان الشرهة مو على البنات ولا على الحريم الشرهة

على الراعي اللي يدخل مثل هاذي القنوات الفاسدة لبيته ويخلي

زوجته وبنته ومحارمه يتابعون حثالة البشر بمصاختهم وقذارتهم

كل مايعرض في التلفزيون من مسلسلات وافلام سوى تركيه او

اجنبيه كلها فسق وفجور تبث السموم في عقول البنات

المراهقات والشباب المراهقين وحتى في عقول الزوجات

والأزواج ضعيفين الإيمان اللي ماتردعه مخافة الله من متابعة

مثل هالأشياء التافهة وش تتوقع منه كثرت البلاوي والمصايب

والسبب هاذي المسلسلات الهابطة اللي زرعت العنف والفسق

والفجور في نفوس متابعينها كثر القتل وكثرت العلاقات المحرمه

وكثر العنف وكثرت حالات النفسية بسبب قربهم من هاذي القنوات

وبعدهم عن الله عز وجل كل من يسمح لرعيته بمتابعة مثل

هاذي المسلسلات فهو آثم لنفسه ولمن استرعاه الله عليه

يا اخواني خلونا نربي عيالنا وبناتنا على الفضيلة واحذفوامثل

هالقنوات وابعدوها عن بيوتكم وعن اطفالكم والله وبالله ان

مافيها خير ترى يا إخواني ما فيه احد يضمن عمره لو ربنا قبض

روحك وانت تتابع مثل هالمسلسلات ماذا سيكون مصيرك فكروا

في الآخرة وفي طريقها اللي يحتاج لزاد انتم ماتبغون تدخلون

الجنه انتم وكل اهل بيتكم وكل قرايبكم خلاص كل واحد يبدأ

بنفسه ويطهر بيته من فساد القنوات ومن ثما ينصح اهله

واقاربه من مثل هالقنوات الفاسدة

انا لاحظت اسر كثيرة اولادها وبناتها منفتحين على هالقنوات

بكل مافيها مافيه هناك مراقبه ولا توعيه ولا نصح كيف الأجيال

راح ينصلح حالها والأم والأب اذا ماكانوا متابعين للمسلسلات

بأنفسهم اهملوا عيالهم وضيعوهم وسهلوا لهم كل الطرق

المؤدية لإفساد اخلاقهم كل المسلسلات والأفلام اللي تعرض

تشجع على الرذيلة وعلى شرب الخمور وتعاطي المخدرات

وعلى السرقة والقتل والعنف والخطف هل رأيتم في حياتكم

مسلسل يتكلم عن حجاب المرأة وعفتها او عن عقاب من يشرب

الخمر ويترك الصلاة او عن من يأكل اموال الناس بالباطل

ولا حتى واحد بالمية يهتمون بمسائل الدين في المسلسلات الا

قد يصل بهم الحال ان يصوروا رجل الدين على انه ارهابي

ومتشدد وانه قاسي الطبع وانه انسان حقود اسائوا لدين واسائوا

للمجتمع بمثل هاذي المسلسلات اللي اجيال اليوم تفخخت

عقولهم وتشبعت احاسيسهم ومشاعرهم بتلك الأشياء التي

يشاهدونها في تلك القنوات وما ان يكبرون حتى يبدؤن يطبقون

كل ماشاهدوه في تلك القنوات عيالنا وهم اطفال عقولهم

وقلوبهم نظيفة فل نحرص ان تبقى نظيفة وطاهرة ولنغرس

ونعزز فيها كل ماهو جميل وكل مايثلج صدورنا في الصغر ويرفع

بهم رؤسنا في الكبر نسأل الله ان يحفظنا وذريتنا من فتن الدنيا

ومن كل سوء وشر يتربص بأطفالنا اللهم آمين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله