اشكرج عزيزتي لتواصلج معاي بالحل ..
وفي ميزان حسناتج ان شالله
والله يجدم اللي فيه الخير ويهدي اخويه ان شالله

هو ماقال احبها بس تحمس لها وايد وقال اباها وكانه احد مدح البنت وجي جدامها فجاه يفكر بالزواج وللعلم
كان يقول بكمل دراستي وبستقل ولاحق على العرس
..
وانا بعد اقول في خاطري خل تتريا ولد الحسب والنسب
موب اخوي كان طايح من عين امها
شو اللي تغير وصاروا متحمسين له .. نصيييب؟؟؟
اشكرج غناتي لتواصلح معاي .. ربي يحفظج

الله يفرج همك وييسر امرك
انا مالومك يمكن اسووي نفسك لان الام مهما كان لايمكن نرضى لها اي اهانه عاد كيف بحراج واستهانه قدام الحريم لا اخلي عاليها واطيها وخليها ماتسوى ولا ريال لكن ستر الله

اختي روضه تاكدي ان زوجه عمك غيرانه من امك لان ابوك ماتزوج عليها ولافكر بغيرها عكس عمك
والغيره تفعل الافعال واكيد ماسبت امك الا من الحقد والغيره من امك لانها شايفه امك افضل منها وفي حكمه تقول لايرمى الا الشجر المثمر
عشان كذا هالجاهله تلفضت على امك الله يرحمها ويسكنها فسيح جناته
انتي فكري شوي وتعوذي من ابليس وصلي صلاه استخاره انتي واخوك وبعدها بترتاحين لانك فوضتي امرك لله اذا فيها خير راح يتم واذا مافيها خير راح ربي يصرفها عنكم وبكل الحالتين راح ترتاحين لانك استخرتي وماخاب من استخار

وبلعكس طرحك للموضوع كان صائب ودليل على وعيك وحرصك على اهلك

الله يفرج همك ويسعدك ويشرح صدرك يارب

صحيح فديتج لو اجوفين المنظر موقف ماتنحسد عليه وخصوصن انه كنا بالصاله الداخليه وكان بنات عمي وكذا حرمه من صوب اهل حريم عيال عمي ..
واذكر في حرمه تقول لحرمه عمي استهدي بالله يا ام حمدان البنت وين بتحصل احسن من ولد عمها ..
بعد مااحرجت امي ..
اكيد الغاليه وصحيح كلامج الغيره تلعب دور لانه مرينا بفتره احد عمومتي يقول لابويه تعال بزوجك .. وابوي كان يرفض امي على نياتها والحمدلله اللي سخر ابوي لامي انه مايتزوج عليها لانه مرتاح معاها فضل من ربي
وبالنسبه لحرمه عمي . انا وايد متاسفه لطريقه تفكيرها وخصوصن هي اهل ابوي ..
المهم انا متمسكه بموقفي لو شو مايصير ..

الا انه هالفتره الحمدلله مااسمعهم يتكلمون بهالموضوع او رددوه جدامي وهالشي اللي مطمني انه اخوي ذياب طول الاسبوع بالعسكريه وماينزل الا نهايه اسبوع بحكم انه قوانين العسكريه ودراسته تطلب هالامر ..

وحتى اختي ماسمعتها طرت الموضوع .. وان شالله ماتطريه .. على الاقل لين مايقتنع اخوي انه هالبنت ماتناسبه

..

ودعواتج الغاليه بظهر الغيب لاختج روضه بوظبي

والله اعتقد ان ام شمسه مازالت معترضه الزواج


وزوجها غصبها توافق وصار الكلام بين الاخوه كلام رجال فلم يعد لها كلمه

وهكذا تكون امك اللي انتصرت في الاخير رحمها الله لانها اساسا هي تريد شمسه لذياب



صدقا ان تم الزواج الخاسر الوحيد ام شمسه وامك ردت كرامتها وتحقق حلمها



الزواج رح يكون رد شرف لامك ولكرامتها


اعلم ما تشعرين فيه وخصوصا انها توفت رحمها الله


دايما اررد لزوجي والناس اي اساءه لي يمكن اسامح ولكن اي اساءه لاهلي مستحيل اسامح او انسى


اقول ابحثي واسألي وشوفي كيف ام شمس وافقت على الخطوبه وهل هي وافقت باللضغط وغصبا عنها


اتمت الخطوبه حبي ارفعي وقتها رأسك عاليا وقولي تحقق حلم امي وامنيتها كانت تتمناها عروس له وها الله سبحانه وتعالى استجاب دعاها



وقت تقولي هذا الكلام ام شمسه رح تحس بان الاهانه ردت اليها وان امك اللي انتصرت


حتى وهي في قبرها انتصرت امك عليها

فكري بكلامي


ومن ثم انا اريد وانت تريد والله يفعل ما يريد




وانتي كل ما شفتي شمسه بصوت عالي وباي مجلس رحبي فيها بصوت عالي :


رحم الله امي كانت تحبك وتتمناكي زوجه لابنها والله سبحانه وتعالى استجاب دعاها



الله يختار الخير للجميع ويوفقهم



تعجبني ردودك ومواقفك احس فيها تمرد على المجتمع


واتاري وراء كل هذا قلب مجروج على امك رحمها الله

ومن ثم لا يصيبنا الا ما كتب الله لنا



اخي بعد ان خطب ووصلت العروس البيت جا اهل امها واخذوها من بيت اهلي يريدون فسخ الخطوبه في يوم وفاة والدها



وسبحان الله العظيم اصبح عندهم اربع اولاد



ابوكي بخطبته لابنة اخيه انتصر لامك ورد اليها كرامتها بعد وفاتها


ليت الرجال يتعلمون منه كيف احب زوجته

ابوكي يثأر ويمشي كلمة والدتك فوق كلمة سلفتها


وهو لا يهم من سيتزوج ولده


الاهم عنده ان لا ينكسر طلب والدتك رحمها الله

والدك يثأر لامك رحمها الله



اخوكي والباقين لا يهمني افكارهم انما انا دخلت لاعماق قلب والدك

اختي مفارق ..
في البدايه اشكرج لمداخلتج وتحليلج
الغاليه كلامج صح حمدان طليق اختي وامه امه شمسه هم للحين معترضين بالفعل اصبتي بتحلليج
والكلام وصل عن طريق بنت اختي خبرت امها وامها خبرت اختيه ومن جي
قال عمي لزوجته .. حلف عليها بالطلاق .. وحتى واحد من عيال عمي قالت يمدح باخوي جدام امه

وابوي مايبا شمسه الا يوم ذياب فتحله موضوعها وذياب متواصل مع بنت اختي لانها من عمر المرحوم بطي اخويه متواصل معاها من جي اثرت عليه وفتحت عيونه على هالشمسه ..

انا مايهمني كل اللي يصير ولايهمني يفرحون من بعد موتها
كل اللي يهمني ماتركوها تفرح مثل ماكانت تتمنى بس الحين بيفرحون على حسابها هالشي مستحيل يصير ولايمكن يصير طول ماراسي يشم الهوى
انا شو اللي يضمني ام شمسه ماتاثر على بنتها باجر وتحول حياتي اخوي لجحيم
لاتنسين انه هالششي بيصير غصبن عنها وعن ولدها
اللي صار الاطراف فيها



موافقه شمسه وابوها وخواتها واحد اخوانها
موافقه ابوي وخخواتي وذياب صاحب الشان ..


والمعارض انا واعوذ من كلمه انا x ام شمسه وولدها حمدان ..
وكأن اتفقنا انه مانتفق ..
انا مايهمني شي انا اللي بسعاله وبكل اللي قدرني اني انقذ اخوي ذياب من هالزواج الفاشل اللي مستحيل يتم طول ماانا اخت ذياااب

انا مااقدر امن على اخوي عند شمسه وامها وباقي العايله .. شمسه طيبه بس هذا موب معناته انه بتستمر بطيبتها دوام الحال من المحال باجر ماردها تسمع كلام اههلها ومااظمن ابصراحه ام شمسه واخوها ..

شمسه اغترت بشاب اللي هو ولد عمها وحبت وضعه وتفكيره بالحيااه ووطموحه فحبت تشاركه هالشي ..
وانا مااقدر ارحب فيها ولا في امها ولا في بنات عمي بكبرهن
سمعتي بالمثل اللي يقول العيون تتشاوف والقلوب تتلاعن ..
من بعد طلاق اختي من حمدان وهم بينا وبينهم عداوة .. حتى اختي ماتقدر اجوف عيالها اال لازم تجتمع معاهم بالمراه النهضه الضبيانيهه غصبن عن حمدان يسحبون عياله لانه مايبا عياله يجوفون امهم ... اللهم الحبل الوصل بين العيال وامهم
هي بنت اختي اللي تكلم امها بالدس والخش وحتى اخوانها يكلمونها الا بنتها وحده طلعت على ابوها تكره طاري امها ..


انا اعزي حالي على خواتي اللي ماتت اماه عندهم ولافكرن ينتبهن للي يصير موضوع مايستهان فيه
وكلهن شاهدات على الموقف .. كلهن اشهدن انه ام حمدان اجرحت اماااه .. قالني بسج واصحي وعيشي اليوم وخلينا نستانس شوي
وكان الوناسه لازم تكون على جرووح امي ..

والسموحه الغلا واشكرج من كل قلبي على مداخلتج لي بحفظ الرحمن

انا معك في حرقة القلب القويه اللي انتي فيها


ولكن ابوكي ثأر لامك وها عمك هدد زوجته بالطلاق ان لم يتم الزواج


وانا معك انو صعب وخصوصا اختك مطلقه وما تقدر تشوف اولادها


هو ذياب وشمسه ضحيه الكبار

وابوكي وعمك انصفو امك

امك ولو في القبر رح تكون فرحانه


اعملي استخاره وشوفي ان امك سسعيده لهذا الزواج ام لا



هي تأتي اليك امك في الاحلام


ماذا تقول لك


وكيف تكون سعيده مبتسه


لان تصل رسائل من الامهات رحمهم الله لاولادهم عبر الاحلام




انسي ذياب وشمسه حاليا وخلينا نروح للوالده رحمها الله


اعملي استخاره


اقري آن عن روحها



اغمضي عيونك وكأن والدتك رحمها الله امامك كلميها اسأليها


سوف تأتي اليكي في المنام ما تخافي




من حوالي عشرة ايما جا الحنين لجدتي وتذكرتها وكتب في الفايس بوك مشتاق لجدتي اسوفهها


وفعلا مشتاقه


سبحان الله العظيم جدتي لامي وجدتي لابي

اسبوع رأيتهم فيه 3 مرااات

وصلتني منهم رسايل قصدي الرؤيه تدل على اشياء




انسي الكل واغلقي عيونك وفكري بوالدتك


ومن ثم من نحن البشر للنتقم ونثور

وهناك رب يعبد يمهل ولا يهمل




امك توفت رحمها الله ولكن ام شمسه تموت كل يوم الف مره ولا تريد لهذا الزواج ان يتم


ام شمسه عايشه برعب كبير خوفا من التهديد بالطلاق اولا وفي قلبها حقد دفين لكم يقتلها ويشعلها ناراااا



اتركيها لربها هو كفيل بها


اعلم بنارك انا وشوقك لوالدتك


ومن ثم اهمس لك والكلمه في سرك

مش كل الاولاد حناين و يحملون نفس الشعور لاهاليهم يعني انتي مثلا غير اخوتك

حبك وحرقة قلبك لامك اقوى منهم


ولن نستطيع ان نقوي لهم الشعور فاتركيهم لانفسهم

ولا تحرقي نفسك


والله انا مكانك افرح سبحان الله العظيم انصف امك وحقق امنيتها رب العالمين


ومن ثم الام تفرح وتشعر باولادها وهي في قبرها في حياة البرزخ


ابوكي بسم الله وما شاء الله

ليت الازواج يتعلمون منه كيف هو الوفاء



ومن ثم الا تعلمين ان الله يخلق من بين الطالح صالح ومن بين الصالح طالح

لنفكر انا واني بطريقه اخرى


هم لم بتركوها تفرح وهي على قيد الحياة


لنتركها نحن تفرح وفي في البرزخ



والدتك رحمها الله اعجبت بشمسه وتمنتها زوجه لولدها

ولم يتم ذلك وهي على قيد الحياة


والدتك احبت تلك الفتاة اونتي تقولي انها طيبه ومن ثم نحن نعلم ان نظرة المتوفي وكلامه قبل الموت اقرب للحقيقه مليون في الميه

وحدثهم بما ينطقون يكون في مكانه


والله العالم ان شمسه سمعت والدتك رحمها الله وتسمع عن اخوكي ايضا انه طيب وحنون


لماذا لا نفرح الوالده وهي متوفة ونحقق لها ما كانت تتمنى


امك توفت رحمها الله ولكن ام شمسه تموت غيضا كل يوم الف مره وابنتها تريد نفس الشخص اللي هي رفضته


شمسه تتحدى اخوها طليق اختك وامها وهي تحب اخاكي


وامك اول واحد باركة لهذا الزواج بطلبها امام الملئ

يوم الفرح الكل سيكون فرح وانتي اول واحده فيهم


امك تشاهد ولدها يزف لعروس هي تمنته لها تراه في عيونك انتي وفي عيون اخوكي العريس



التوفيق بيد الله سبحانه وتعالى


الظاهر من كلامك ان والدك وعمك ما شاء الله عليهم حكماء في عقولهم ولم يتفرقو وقت ولدعمك طلق اختك وحرمها من اولادها



حكماء لان وقت انت تكلمتي ورفضتي الخبر والدك سمع لك وانصت وآثر عدم الجواب او الرد



ابوك وعمك ينتصران لوالدتك فاترك الامر يجري وحبي شمس لان امك احبتها

اغمريها بحنانك ودائما رددي على مسامعها ان امك سعيده بزواجها من اخوكي


لتشعر بالاطمئنان


لن يؤثر كلم امها عليهاابدا طالما الحب موجود


اهم شي تعلميها ان تحتفظ باسرار بيتها لنفسها وتاخذ درس من طلاق اخوها لاختك

احضني من امك احبتها وتمنتها زوجه لولدها


انسي ام شمسه انسيها اتركيها فهي تحترق لان كلام امك يمشي وهي حتى متوفاة


والدتك رحمها الله كانت حكيمه وزوجه رائعه وناجحه استطاعت ان تحتوي والدك ولم يتزوج عليها لحسن معاملتها واحتواءها له

وهذا ما لم تستطع ان تفعله ام شمسه مع عمك والدليل تزوج عليها مرتان وها يهددها بالطلاق ان لم تستجب وتتمم


الفرح


في فرح ابنتها هي الوحيده التي ستبكي والكل فرح واولهم امك رحمها الله


كوني مثل والدتك وخذي كل شي برويه وانظري اليه


انا معك هنا متابعه لنحقق احلام والدتك رحمها وهي متوفاة ولنساعد على الزواج ان ينجح



لا تهتمي لاحد ولا لكلامهم وافعالهم انظري الى ما كانت تحب والدتك وحققيه لها


ابتسمي والبسيها ثوب الفرح بيديكي وكأن امك تفعل هذا


خذ دور امك في الفرح كوني لها الحما او العمه كما تقولن

فكري بوالدتك وامنيتها


انظري لكلام عمك وابوكي وتعلمي منهم الحكمه


متابعه معك لنصل لحل يرضي جميع الاطراف واولهم امك رحمها الله

اختي مفارق ..
عزيزتي الغاليه كلامج عين الصواب مااقولج انه غلط او اني اشك بصحته .. بس ام شمسه موب بروحها رافضه حتى طليق اختي ولدها البكر ( الأكبر) رافض وبقوو عشان مايفتح الطريج بينا وبينهم..

والموضوع اللي موب قادره ولابقدر اتقبله . هو اني اباركلهم .. ولاكانه شي صار
ابوي اصلن ماوافق الا لانه ذياب قال اباها .وابوي من يومه موب متعود يرد لعياله ولابناته طلب اي نطلبه مايردنا فيه .
والسبب كل هذا اللي نمر فيه بنت اختي اللي زينت شمسه بعين ذياب والدليل انه ذياب فجأه قال اباها وليش؟؟
علشان بنت اختي مرتاحه لعمتها شمسه تقوم تتصرف بهالطريقه؟؟ وموب بعيده تكلم اخوي وشمسه عدالها بحكم انه عمتها ودايم معاها نفس الكليه نفس الطلعات لبيت ربيعاتهم ومالخ ..

وبالنسبه لموقف ابوي يوم ثرت وعصبت انهم يفكرون يزوجون شمسه لذياب ابويه طبعي جي اذا حد من عياله عصب وشد هو يرخي من طرفه ويسكت .. من زمان هو جي موب الحين ..



مفارق موضوع الاستخاره عين العقل .. لكن موضوع شمسه موب سهل والله انا مااضمن اخوي باجر
لاتنسين هذي ام شمسه وماردها شمسها تحن لامها وتسمع كلامها انا مااثق حياتهم بتستمر او لاه ولا بخلي اخوي ضحيه لهالزواج ..
اخوي مايجوف اللي انا اجوفه .. ادري انه نحن اهل واقارب وصله الدم اكبر من كل شي لكن في مثل يقول اقربلك عقربلك ..

ومثل ثاني يقول روح بعيد ورد سالم ..
انا مرتاحه الحين انهم مافتحوا الموضوع وان افتحوا اهني راح انجبر اتخذ موقف ثاني بعيد كل البعد عن اللي يصير
مفاااارق الام .. ام هااي

تعرفين شو يعني ام .... ؟؟؟ .... معقوله عقب هذااك الموقف ادفن كل شي واستمر ولاكأن شي صار ...

يمكن انتم اجوفونها سهلة واسهل منها مافي.. بس ترى والله صعبه .. ..

وبخصوص الاستخاره ان شالله اصليها ... وبجوف ساعتها بس قبل بجيس النبض شو صار بالموضوع ..

والله يجعلها بموازين حسناتج ان شالله ولايضيع اجرج فيه

الموضوع ماشي في طريقه ولكن ما يتكلمو امامك لاجل يعرفو جوابك وعصبيتك



اعرف معنى كلمة ام لذلك قلت لك وقت يتم الزواج امك المنتصره وما تنته حصل ولو بعد وفاتها


ومن ثم هذا قضاء الله وقدره


اعملي استخاره

ولا تتخذي اي قرار يزعل منك ابوكي ولو لم يتكلم


سكوته حكمه بحد زاتها


وامك ستفرح ايضا في مماتها وقت يتم ما احبت وتمنت