بسم الله الرحمن الرحيم ..



السموحه منكم اخواني واخواتي اللي كانوا يتابعون ردود روضه بوظبي ..
وترى روضه اسمي الحقيقي وبما اني قررت الانسحاب من المنتدى لضروف لم اتفق فيها مع بعض الاخوة المشرفين
قررت ترك المنتدى والانشغال بحياتي الخاصه نظرن لاهمالي لها فتره كبيره وتفرغي للشبكه العنكبوتيه ..

ومن الاخبار الطيبه اللي احملها لبعض من اخواني المهتمين فيني .. اني قررت اشتغل واشغل وقتي واطلع من القوقعه اللي وضعت نفسي فيها .

وبالنسبه لاخوي بطي والمرحومه امي قررت باذن الله اكفل يتيم عن حياتهم .. ومنها اساهم براتب الوظيفي في بناء مسجد في دول الفقيره ..
الله يقدرني واحقق حلمي في بناء المسجد ان شالله ..

والشي الاخير قرار تركي المنتدى لم ياتي من فراغ لاانكر وجود ايدي وقلوب بصيره جزاها الله خيرا لتعاونهم معي بالحلول وكنت اتمنى الاستمرار لو لا تدخل القدر وحواجز لم استطع ان اتجاوها للحفاظ على عزة نفسي وكرامتي ..

لم ستطع تجاوزها وحاولت مرارا وتكراار ولكن لم نوفق باذان صاغيه مطلعه انما قدر الله ماشاء فعل
وفوق ذالك عجزت من بعض الاخوان والاخوات الذين يقتبسون الردود ويبثون سمومهم فيها ولايتركون الردود المخالفه لهم في حالها .. وصارت مرارً وتكراراً ..
متانسين اننا دخلنا براحبه صدر متمنيني الخير للجميع بعيد عن العدوات والاحقاد التي لم يستسلموا في زرعها باقتباستهم .. وربما كان التصرف المسيء من قبلي انني اخذت بالدفاع عن كل رد مسي لوجهة نظري
لن اقف هنا


الشي الوحيد اللي ماراح يوقف بيني وبين اخواني واخواتي المحبين لي من القلب هو اني اتمنى يذكروني بالخير
واسمحولي لاني وجهت رساله خاصه لاخواني باالدإاره بازاله المعرفين .. ليس لشي ..
واقول لكل من وجه لي تهم التحريض بالطلاق سامحكم الله على اتهامكم ولكل من اساء لي .. مسامحتكم من قلبي .. اذا ربي يسامح فأنا عبد ضعيف كيف مااقدر اسامح


وخبر اخر بيفرح اللي شاركوني ردودي في موضوع شمسه واخوي ذياب .. يوم الجمعه ببلغ اخوي ذياب التهاني والتوفيق لزواجه اكتب لكم ولاارى ماكتب تسبقني دموعي قبل احرفي لمدى المي مما يحدث لي في حياتي ..

بباركلهم بالزواج بس ماارح احضر .. وماارح اوقف بطريج سعادته راح اقعدعلى قبر امي كل اسبوع ثلاث مرات وبشتكليها كل اللي بخاطري .. في النت اخوان طيبين نشتكيلهم يسمعونا .. بدون مانخجل لكشف هوياتنا ..
سامح الله من كان سبب في اخذي لقراري حيث تجاهلوا وجود
عزة النفس التي تمنع الانسان من ان يتهاون له ..

كل اللي اقدر اسويه بخصوص ذياب وشمسه اوافق لزواجهم وبتركهم يفرحون وانا ماراح احضر الخطوبه ولا العرس ان شالله احترامن لامي لاني حاولت اسوي المستحيل عشانها لكن مامن مجيب الكل مخدر ..
خلاص يقدرون يستانسوون والله يوفجهم
وبخصوص ابوي حبيبي راح احاول اكسر حاجز الصمت اللي بيني وبينه مع الاياام ان شالله

وبخصوص خليفه بارك الله في اخوي رجل الرجال اللي ماقصر بالنصيحه وراح اعمل فيها باذن الله والله يوفقني بتربيتهواخراجه من حزنه على فقدان والدتي ..

اسمحولي اخوتي لااريد سوى الدعاء بظهر الغيب .. مهما اردنا ان نشارككم مشاعرنا الا انه وجود بعض المطبات اللي تتحكم فينا ولانستطيع تجاوزها ..
اليوم قررت ترك رسالتي بعد ان تاكدت مايدور حولي ..
روضه بوظبي 17/4/2012

ارسل بطلب حذف المعرفين بمواضيعهم ليس لشي .. انما لاني اخبرتكم باسمي اهلي واسمي الحقيقي روضه واخاف من المستقبل ان يدخل احد معارفي ويطلع عليه الدار صغيره والناس تنعرف من الحوادث وبالاسامي
راح اكون شاكره لكم ومقدره لاستجابتكم لطلبي
في وداعه الله كونوا بخير


اتمنى من اخوتي المشرفات ترك الرساله لاخوتي المحبين لحين اتخاذ الاجراء بطلبي

حبيت صراحتك وواقعيتك ياليتك ماتطلعين من المنتدى لان كثير من ردودك حقانيه حتى لو لك هفوات بس مو لازم كل الردود تكون تعجبنا ونتقبلها كل واحد يرد حسب تفكيره والي مايجوز لنا يمكن يجوز لغيرنا ويعجبه انا بالنسبة لي احب كثير من ردودك وتعجبني لانك صررريحة
ومدام الله اعلم بالنوايا فلاتشيلين هم من يتهمك بالتحريض

رسالتك هذي وسااام على صدري اختي الغاليه ..
وقراري اتى بعد ماتيقنت انه لايمكن انه يختلط الزيت بالمااء ..
شاكره لك عزيزتي ووفقك الله حيث انتي كوني بخير.. وانا ماانكر اني اجتمعت مع اعضاء طيبين عوضوني مكان الاخوة والاخوات .. ولكن .. لااملك الا ان اطلب منك دعااء بظهر الغيب

الله يوفقك ويسعدك ويجعلك ماتتركينا أبداً

ويوفجج عززيزتي ويحفظج لاهلج ان شالله ..

ليش يا جيفارا!!
داخلة من الفون العادة ما أرد منه
بس تضايقت يختيه م كلامك
هان عليك تتركينا؟!
الحمدلله قررتي تشتغلين فرحت وايد
بهالقرار!
برجع لموضوعك بوقت ثاني إن شاء الله،.

__________________

مايخالف حياتي انا قررت اشتغل متطوعه في دار المعاقين او في دار العجزة .. ان شالله وبجوف خلال الفتره اليايه اقدر ارجع دوامي او اطلع على وظيفه يديده تناسب مؤهلي ..
وبخصوص اتركم لا والله فديتج موب القصد القصد ابتعد عن امور مزعجه وحرام اشغل نفسي فيها .. والبعد انسب لي ولهم .. حاولت لكن توصل لاستفزاز واطلاق احكام بالخاص .. اهني اقول يادار مادخلج شر الباب اللي ييك منه الريح سده واستريح بدل لايقعدون يتعبون عمارهم ويتصيدووون للواحد
افضل انسحب بمعرفاتي. ومنها احمد الله واشكره كانت قرصه عشاان استوعب اني صعب استمر .. طالما مالقيت اذان صاغيه .

والشي الثاني انتي بنفسج تلاحظين وايد ناس يردون على حساب رد مايعجبهم وناسييين انه الواحد يدش برغبته يفيد ويستفيد موب داشين نتحمل التفاهات والالفاظ الغير محببه .. وطالما انهم متعودين الله يعينهم ..
وانتي ماقصرتي حبوبه وبروحج جفتي في موضوع يوم كنت اكلمج دشت وحده الله يستر عليها وشو سوت فمابا اتخذ للموضوع منحنى اخر ويكفي نحط النقط على الحروف
كل اللي اطلبه الغاء معرفاتي لااكثر ولاكاني تواجدت بيوم اهني . ومنها احقق امنيه ناااس على انسحابي . وعفى الله عما سلف ..

ظلم

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

روضة تحملين قلبا صادقا شفافا واثبتي وجودك في فترة زمنية قصيرة
نتمنى ان تعودين الينا مرة اخرى
استودعك الله واعانك على تربية اخوك
وغفر الله لوالدتك واخيك ووالدي وجميع المسلمين

__________________
يارب ابدل حزني فرحا وسرورا وابدل مرضي صحة وعافيه ياكريم

حبيبتي نحن ماشفنا منك الا كل خير ياقلبي ..,~
اتمنى تفكري قبل ماتتركينا .,~

تمنياتي لكِ بالسعاده والتوفيق الداائم يارب : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟