السلام عليكم
كم مرا ابي اكتب اكتب سطرين واوقف اقول واذا كتبت مشكلتي وش راح يتغير مافي شيء راح يتعدل
فكرت اروح عياده نفسيه بس زوجي رفضض
باالبدايه سااعتبرك اب لي وطالبه من الله ثم منك العون لاني ماكتبت الاابي اتغير بااكتب كل شي بقلبي خبيته بقلبي طول 21 سنه

في بدايه حياتي مالقيت الحب من امي وابوي بالعكس كانوا يضربوني وامي كانت تحرمني من كل شيء ابيه كنت استنى 6صباح عشان اروح للمدرسه اشرد عن جو البيت امي وابوي كل واحد منهم لاهي بحياته منعوا عنا الي نبيه
يوم كنت بالمتوسط حبيت ولد خالتي تعلقت فيه لدرجه كبيره خطبني وامي وابوي كان يدروا اننا نحب بعض لكن رفضوه تزوجت زوجي عشان اهرب من جو امي وابوي وضغطهم لي وقلبي مع ولد خالتي
وقالوا نفسيته وكان يبي ينتحر وانه وانه...الخ
تزوجت زوجي وانا توني بالثانويه زوجي كان انسان مهمل لي اكبر همه اهله كان يهاوشني ويسبني ومايجلس بالبيت الاساعه اوساعتين وصبرت وقلت احسن من ضرب اهلي لي
جاب لي وانا بالثانويه لاب توب بعد الحاح مني للمعلوميه عند اهلي كل شيء ممنوع للبنت عكس الحين
صار عندي فراغ هومشغول مع اهله وانا بالصباح بالمدرسه ولاجيت فاضيه الين اليل صرت ادخل شات واسولف مع شباب وضحك وصرت انبسط كثير زوجي لاكان موجود ياكل وينام مااخذ البيت فندق لاقلت شيء يطنشني وينام
المهم صارت الدردشه هو الشيء الوحيد الي انشغل فيه وصرت اكلم شباب
جبت ولدي وانا عمري 18وتغير زوجي من ناحيه الاحترام وعرف انه ظلمني وتعدل شوي بعدت عن الدردشه نهائيا
وبعدت عن الشباب ولاصرت اكلم
تخرجت من الثانويه وانا ادعى ربي ادخل جامعه رفضوني تحطمت نفسيتي قلت شهيتي نحفت لاصرت اهتم بنفسسي ....اخوي كان معي وقدر يساعدني وزوجي لاهي بااهله
دخلت الجامعه عن طريق انتساب بس تغير كل شيءءءء تزوج ولد خالتي حضرت زواجه امي وخالتي يدرون ان قلبي يعورني عليه وخالتي تاخذني وتسلم علي ويسولفون معي ويضحكوووني والله اني حاولت استغفر ربي لاني اعرف هذا مايرضي ربي دام اني علي ذمه زوجي بس قلبي موبيدي
تزوج ولد خالتي واكيد انه نساني اوتناساني بس دايم اقول ليه اهلي حرموني عطفهم وحبهم وحرموني الانسان الي احبه ليه اشياء كنت ابيها ماصارت

من 7شهور مدري وش فيني انقلبت رجعت اكلم شباب بي بي ومكالمات وعصبيه لدرجه موب طبيبعه
زوجي يحبني وحنون وطيب ونعم فيه لكن انا احس صرت مغروره اقول هذا موب مستواي لايصلي لايهتم بنفسه لايسوي مفاجات موب رومنسي احس انا الرجال بالبيت مااحس باانوثتي معه المشاكل انا احلها ضغوطات الماليه انا اخرجه منه الاسهم اقول اشترك فيها القروض انا اقول لاتاخذ او اخذ ..انتبه تقول لفلان كذا او اسمع خذ معك شيء لاااهلك او لاتسوي كذا... انقلب عدوه لاقلت لاتترك المسجد المسجد هذا مايعرفه الا يوم الجمعه مافيه ثقافه كلامه كله فلان شابك مع فلانه والحريم او صاحبي عنده صديقه وزوجي طبعا عنده صاحبه بس مااهتم منه او ساكتتت مافي وناسه بحياتنا صرت عصبيه اضرب ولدي مااحترم زوجي ارفع صوتي وماهمني وش بيصير
اتمني الزمن يرجع الى ورى وارفضه لوااهلي فيهم حنان ماكان تزوجت انحرمت من الدراسه الي ابيها
مششيت بطريق الشباب ادري والله غلط وحرام واني اصلي باليل وادعي يارب ابعدني عن الحرام وابكي ودي ابعد
احسس ماهو الانسان الي كنت ابيه احس كل شيء ابيه يمشي عكس اشوف اختي واقول بنفسي لاربي احياني لااخليك تسوي الي تبيه وتاخذي الي تبيه ونزوجك واحد بمستواك....
احس باانكسار وضعف بحياتي بس اضغط علي نفسي واقول بكرا اعوض بااولادي واعطيهم الي يبون وارجع واقول وانا من اعطاني الي ابيه ....
العذر والسموحه اذا فيه لخبطه بكلامي
ولكن ابي افضفض بكل الي بقلبي

ابنتي الكريمة
أسأل الله لك ولزوجك الهداية إلى ما يرضيه سبحانه ويبسر أمركم ويجمعكم على الخير
واصلي الفضفضه وبكشل أعمق وأذكري كل موقف أثر سلبيا على نفسيتك
ثم أحلل لك الوضع واوضح لك المطلوب بإذن الله

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

امين يارب العالمين

احد الايام الماضيه انا واخت زوجي كان عندنا مشوارين مختلفين تاخرت اخت زوجي طلعت بالسياره ردت السلام ومارديت عليها معصبه منها
سكتنا وبس نزلت اخت زوجي للمشوار الي تبيه ...انا وقتها قلت لزوجي ليه تتاخر اختك هي ماتحسب حساب احد وجلست اسب فيه جلس ساكت وبعدين رفع صوته قال خلاص خفت وسكتتت
ف انا رفع الصوت والسب اعتبره الاحسن حاولت اغير هذا الطبع بس للاسف ماقدرت
يوم اعصب ماامسك نفسي يمكن اذبح احد ...امس خرب جوالي جلست العن واسب زوجي واقول ليه ماتوديه وانت وانت ....الخ
والدي رجل الرجال الله يعلم اننا كل يومين مشكله او الاكثر يوميا حتي لاسافرنا خارج مدينتنا نفس المشاكل
يانتهاوش علي انت ماتصلي، ماتلبس مثل خلق الله ، اوانت ماتعرف تتعامل معي
ادري الخطا مني فاانا احلم برجل وسيم مهتم بنفسه له شغف بالدلع والرومنسيه ... الان اتعامل مع زوجي من باب المجامله ليس من باب الحب ...زوجي ليس له راي ثابت فاليوم له راي وبكرا راي اتحمل مسووليه كل شيء بالبيت فهو يعتمد علي بكل شيء ... يعلم الله اني اتمنى له راي ثابت لكي احس ب الامان
انا الحين لااريد انجاب طفل ثاني احس بخوف او بمعنى لااريد ترك الشباب وهذا الطريق
يعلم الله اني احس بالذنب والتعب واني ادعي ربي واجاهد نفسي لكن للاسف ارجع من الصفر
،امر بضغوط كثييره فاامي زعلانه علي وحياتي فيها فوضه يوجد بها خلل لااعلم ماهوو