آنه مع أختي " لكل شيء حد "
أخي الكريم ، أقدر لك غيرتك على زوجتك بس غيرتك مالها مبرر ، ليش ؟
1- البنت جداً محترمة وتعاملها جداً رسمي مع الناس
2- هذا اتفاقك معاها من البداية : تغيير رايك ألحين ، هالشيء يخليها تفقد ثقتها بكلامك تدريجياً ، مثل ما قالت أختي " لكل شيء حد " لأن هي رفضت اللي قبلك لأن ماكانوا يوافقون على شروطها ، وموافقتها عليك كانت معلقة على شرط قبولك بطبيعة عملها!
3- احنا - ولله الحمد - نعيش في مجتمعات غطاء الوجه فيها مو فرض علينا! ، البنت منا لما تتغطى تتغطى بقناعتها ، مع وجود كم كبير من النساء اللي يكشفون وجوههم ، بس لو كنت انت معاها تعيشون في مجتمع يفرض عليها تتغطى واهي ما تغطت هني بتكون ملفتة للنظر..

أخوي ، أدري الغيرة أمر خارج إرادتك ، وأحياناً شيء ما تملك سيطرة عليه..
عموماً إذا تحس إن البنت قابلة للنقاش ، ناقشها ، مع ذلك وضح لها وفهمها إنك ما بتتراجع عن قراراتك الباقية ، وإن الدافع لطلبك هذا محبتك لها وغيرتك عليها ، ومن جمالها ماتبي أحد يشوفها غيرك.. وخبرها إن هذا طلب وليس أمر ، وإن تتمنى إنها توافق ، وخبرها ان الامر في النهاية راجع لها
بس لا تلح عليها بالطلب

__________________