انتي باي زمن عايشه الرجال هذا طبعهم مالهم امااااااااااااااااان
الين متى حواء تصير غشيمه الين متى استغل طيبتك وجزاك بوحده ياااهووووووووو ماتتعضون انتم
سورى تستاهلي جبيتها ع نفسك طلعت فلوسه لثانيه

انا نفسي اعرف ليه الحساسيه الزايده عند اغلب الحريم بنسبه لراتبها
والله احس انو الاغلب تموت ولاتدي زوجها ريال وبعض الي يدفعو يكون غصب عنهم
نفسي اعرف ايش المشكله اذا ساعدت زوجها
وليش كمية التحريض هذي يعني اذا كان زوج وطلع نذل يعني الباقي زيه
نفسي احد يجاوبني ويرد رد منطقي

هههههههههههههه يارجل صديق لي في السوق مامعاه صرف يبي ماء من مكينة اتوماتيكية تدخل الريال تطلع لك علبة ماء 100 مل اللي بنص ريال

قال لزوجته عطيني ريال مامعي فكة ابي ماء نشف ريقي من الدوران بالسوق قالت لا مامعي فكة

يقول وتدخل محل وتشتري عطر 100 مل وتدفع حسابه كاش وطلع معاها ريالات وانا اطلبها ريال عطشان ههههههههههههههههه

والله يا مت ضحك عليه وهو يحكي القصة

يقول واشوف ولد واعطيه 5 ريال مقابل الريال حقه واشرب ماء وارتاح

ابوك يالبخل تذكرت هالسالفة على طاري الريال تموت ولا تعطي زوجها ريال ههههههههههههههههه

يالطيف نعوذ بالله من البخل والبخلاء يعني لاتصل المسألة والعياذ بالله أن تستكثر عليه الريال هذي وصلت مراحل متقدمة من الانانية وحب الذات طيب ماكان موقف صديقك لأنه مؤلم بصراحة إلا إذا كان يعاملها بنفس الأسلوب بحيث لايعطيها شيئ بحيث كانت ردة فعلها هكذا .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

ههههههههههههههههههههههههههه الا اذا كان يعاملها بنفس الأسلوب ممكن لكن يعاملها بنفس لأسلوب او لا قدام عينك الردود اقرأيها بتمعن خصوصاً اللي ما تعطي ريال الا يرجعه لها وتحول الرصيد اول ما ينزل الراتب لو هي مسلفته 500 او 600

قدام عينك اقرأي الردود الزوج كريم وطيب او بخيل واستغلالي كلهم بالهوا سوى لا يستحقون ريال

فياعزيزي الزوج كن نذلاً وبخيلاً وانانياً لأنك لو كنت كريماً طيباً حسن المعشر ستلقى نفس المصير

أكيد تقصدني
المشكله ياأخي ان في رجال عظماء ونادرين وفيه رجال أنذاااااااااااال ومايسووون فلس والصفه الغالبه على الرجال واللي شايفينها يعيوننا وسامعينها وووووووياكثر لو بعددهم عشان كذا الحرمه تخاااااااااااااف منكم ومن غدركم وبعدين انتم مانحرمتوا منه كلش لا لا لا بالعكس لو فكرت فيه وين يروح تلقاك مستفيد أكيد تكفي الهدايا اللي نجيبها لكم من ذا الراتب غير البااااااااقي
انت يعني تبغى الصرافه في يدك ولا وش قصتك ؟؟
موظف في أرامكو وتبغى راتب زوجتك يالطيف يالهوتي يامصبتي اجل وش يقول الكحيان والمنتف؟؟؟*

لا والله يا اختي الكريمة ما اقصدك

انا قلت ابي راتبها ؟؟؟ انا قلت ابي الصرافة ؟؟ الله يهديك

راتبها حلال زلال عليها وعمري ماخذت منها ريال الى يومك هذا

وراتبي الحمد لله يكفيني وأعطي أهلي واوفر منه شهرياً وماني بحاجة راتبها

واقدر اجيب خدامة وسواق لكن انا ما اجيب شئ الا مقتنع فيه

ماني مقتنع اجيب سواق لأن زوجتي خلقة ما تجلس بالبيت وانا اوديها واجيبها عندها عقدة من البيت لو تجلس يومين الثالث تنجن لازم تطلع او تصبح حياتنا اشبه بالكابوس

البيت من تزوجتها الاهتمام بالنظافة سيئ كانت زوجة فقط لا اطفال ولاهم وكانت شقة صغيرة استأجرناها سنة امها زارتها وانا بالعمل هاوشتها وقالت نظفي بيتك وتحججت انها مو مرتاحة بالشقة والأثاث قديم

انتقلنا لشقة اكبر وحملت وتحججت بالحمل قلنا ماشي

بعد الحمل تقول تعبانة وتبي خدامة ما قدرت اطبخ لأني ماسكة الولد قلنا ماشي

بعدها انتسبت دبلوم مسائي فأرجع البيت تكون راحت للجامعة سنتين على هالحال قلنا ماشي كل شئ يهون هذا مستقبلها ولو اعترضت بيقولون انت وقفت بطريق مستقبلها خلها تكمل

ترجع تعبانة برضو مافيه شغل بيت ولا اكل بالبيت كل شئ من برا وش تبين زود ؟؟؟

ماني مقتنع اجيب لك خدامة علشان تشتغل شغل البيت اللي انتي اصلاً من تزوجتك ما اشوفك مجتهدة فيه لا بشقة صغيرة مجتهدة ولا شقة كبيرة مجتهدة

فخلاص اذا انتوا تفكرون ان الرجال مالهم امان فأنا كرجل بغير تفكيري واجمع فلوسي ومصروفها بنقصه

والله لا يهينها تجيب سواق يوديها ويجيبها ليه انا اوديها واجيبها ؟؟

بكره تطلب الطلاق وانحرم من شوفة عيالي وانا طفران اسدد هالقروض علشان الست هانم تعيش مرتاحة

ولا اتزوج ثانية الا بعد 3 او 4 سنوات تكون تحسنت المادية بسبب تدليع هالزوجة

لا خل أنا بعد افكر مثل عقلية المرأه أأمن نفسي واوفر علشان لا بغت تتطلق اطلقها واتزوج بعدها واجيب عيال واعيش مرتاح

ومعروف ان المراه تكفر بالعشير فلو تموت نفسك علشانها تقول ماعمرك عطيتني شئ