السلام عليكم ورحمة الله تعالى وبركاته

أخوي فايز
لاتسمع كلام أحد يقولك رجعها ، هذولا اول شي أهانوا كرامتك ، وأتهموك بشرفك ، وأتهموك أن تواطئ زوجتك من المكان المحرم ، فهل انت شايف جو هالأسرة ؟؟؟ هل هذولا يستحقون أنك تكون زوج بنتهم أو أنهم يكونون خيلان عيالك ؟؟

شنو تترجى من ناس عملوا فيك كل هذا ؟؟ وفوق هذا متهمينك بالدياثة وأنك تجيب أخوك ف شقتك ؟؟

أخوي بنات الأجاويد ترس التراب ، واللي يدورن الستر ياكثرهن ، منت واقف على قليلات الحيا هذلي.

خلك حازم وخلهم يعرفون أنك منت مهزلة حريم ، وتعالى عنهن وعن سوالفهن ، وسو مثل ماقلتلك في اول مداخلة لي .

أرفع القضايا اللي قلتلك عليها ، وأطعن بكل التهم الموجهة عليك ، وطالب بتحويل زوجتك طب شرعي ، وبالنسبة للقضايا اللي بترفعها على أم زوجتك طالب فيها برد إعتبار مادي لا يقل عن 100 ألف ريال ، هذا غير المهر اللي بيردلك.

وخلهن يعرفن أنك رجل ومنت مثل ماقالن .

والله ان قلبي عليك .

__________________
استغفر الله واتوب إليه