شوفي يا اختي

قبل كنت أملك على وحدة من بنات عمي (كاتب كتابي) وصارت بينا علاقة وعلى أساس أنها حب ، وبالأخير صارت بينا مشاكل وطلقتها قبل لا ادخل عليها ، كنت أعتقد أني حبيتها ، بس لما تزوجت وعاشرت زوجتي وصار بينا أولفة أكتشفت أني ماكنت أحب (بنت عمي) ، وإن المشاعر اللي كانت بقلبي لها هي لاني تعودت عليها بس ، والحين مالها أي طاري بقلبي أبد.

وبيني وبينج أكتشفت انها مشاعر مراهقين ، لأن الواقع والعقل يقول لازم تحب زوجتك وبس ، وإن الحياة لازم تستمر على الشكل اللي ترسمة لنا ظروفنا ، أو بالأصح بتستمر بلي كتبة لنا ربنا ، ولازم نرضى فيه عشان تستمر الحياة بشكل صحي وروتيني.

كلام المشاعر ماتقتلة إلا لغة العقل !!

كل التقدير.

__________________
استغفر الله واتوب إليه

مثل ما قلت اخوي حب مراهقين يعني مو حب حقيقي
لكن غيرك حب حب حقيقي و حقيقي جداً و لم يستطيع ان ينسى

اذكر أبويا كان دائماً يكلمني عن وحده حبها و ما نساها و يحب جداً كل موضوع
يتعلق فيها و اذا كان زعلان و ضايق صدره أساله عنها و تنفرج اساريره
و اذا طلبت فلوس و رفض اقول عشان فلأنه و يعطيني و زياده كمان بس طبعا ماخلي خالتي تسمع
مع انه تزوج غيرها ثلاث و طلق وحده و كان يظهر لأمي الحب ههه و لخالتي بعد و هم مصدقينه ههه
لكن من جد حبه غييير لتلك المراة مع انهاعادية الله يهديه ما عنده ذوق بس تأكدت و قتها ان الحب أعمى

و وحده كمان اعرفها كبيرة بالسن و عندها أحفاد كانت تقول قصيدة غزلية باسمها
و عرفت انها من شخص حبها و هم صغار و قالها فيها لكن ما تزوجها و هي تزوجت
و انتقلت لمدينة ثانية و انتقل معها و بقي يتردد على زوجها الى ان مات و هو اعزب في بيته
اللي بناه قريب من بيتها ..

ترى مو كل الناس مثلك عقلانين و مشاعرهم صلبه