اولا انا قلت لوكان يحتاج لزواج ووضح لي الأسباب هناك اعادة نظر في الموضوع
بس انت اخي الفاضل اقتبست جزء من كلامي وعلقت عليه
ماشفت ولا انتبهت لباقي كلامي

ثانيا من حقه انه يتزوج بس مو من حقه يلعب باللي تعبت معاه فيه واللي ساعدته بفلوسي وذهبي وكله علشان أمن مستقبل عيالي من غدر الأيام خلاص اللي يتزوجها تتعب معاه وتساعده
وتحط جنبها مع جنبه حتى تكون مثل اللي كونته انا وياه وتاخذه لها حلال زلال عليها مالي شغل فيها هي وياه والله يسعدهم

وثالثا مايحتاج زوجي يشوف ردي هنا لأني اقولها له في وجهه مباشرة وماعندي لف ودوران في الكلام كل شئ عندي سيده

انا ما اعترض على حقه في الزواج لاكن بضمن حقوقي انا وعيالي من تقلبات الزمن ولأني ماني ضامنة ويش يصير معاه عقب زواجه وهل بيتغير والا مايتغير الدنيا حواله زواله

وانا تعلمت الكثير من اللي عددوا حولي والحذر واجب


واخيرا الحمدالله هو رجل طيب وكريم ويفكر فينا انا واولادي اكثر من نفسة ومثله قلة بين الرجال
والله يحفظه لي ويخليه ذخر لنا يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله