اخي المتفائل اشكر لك رحابة صدرك
بس يااخوي وش رايك لما نتكلم نثبت كلامنا بدراسات ونسب واحصائيات
حتى يكون كلام علمي موثق يااخوي
ومو منطق انه كل ماقابلت رجل من اي دولة قالك النساء فيهم وفيهم صار كلامه قران منزل !
طيب ياكثر مانسمع كلام عن جنس الرجال وانه فيهم من العيوب والاخطاء والنقائص ولكن الانسان ميزه الله بالعقل
فلا يؤجر عقله للاخرين ويدع الاخرين يفكرو نيابة عنه !
انت قلت انه البيئة هي اللي غيرت فطرة النساء طيب يااخي هالبيئة مو وحدة تختلف باختلاف الزمان والمكان
وايضا تشمل الذكور والاناث فدع عنك العصبية المقيتة ولاتأخذك العزة بالاثم وتتهم الاخرين بما ليس فيهم

المراة والرجل مكملان لبعضهم البعض وهم بشر يعتريهم النقص والقصور والله يهدي الجميع

بصراحة صرت اكره المنتدى واكره هالجدالات العقيمة بس المسالة صارت تكرار الاستفزاز من بعض الاعضاء للاسف

أختي في الله نيوتيلا
أسف جداً إذا سببت لأي شخص فيكم أي نوع من الإستفزاز ، والله العظيم ما اقصد هالشي ، انا حبيت اتناقش معاكم مثل ما اتناقش مع خواتي ، وباللتي هي أحسن وأقرب إلى قلوبكم.

والأمور والله مجرد نقاش فلاتكرهين المنتدى ولا شي ، عادي تلقينا نختلف اهنيه ، بس نتفق في أماكن كثيرة في مواضيع مختلفة !! ف لاتصيرين حساسة !!

انا والله مو امعة عشان أجر عقلي للناس ، المعادله هي (انا عندي عقل إذاً أنا أفسر وأحلل لأصل للأسباب ومن ثم الحلول) .

أنا قست هالمواضيع في مجتمعي وفي مجتمعات مختلفة ، وهذا فيه تنوع بالإحصائية اذا كنتم تشوفون ان اللي سويتة إحصائية ، فيه مننا اللي مسلم ، وفيه المسيحي ، وفيه اللاديني ، وهذا العدل أني أخذ الأراء من بيئات وأفكار وديانات مختلفة !!

أما البيئة اللي قصدتها هي البيئة اللي تعيش فيها البنت يعني في بيتها وفي مدرستها وفي علاقاتها وصداقاتها وووالخ على عكس مافهمتي انتي

ودي أني أدعم كلامي بشي علمي محد يكرة هالشي ، بس المشكلة مافيه احد مسوي إحصائية عن النساء بالشكل اللي انا ابيه ، والإحصائيات معروف أن أكثرها تصير في دول الغرب ، وما اعتقد ان دول الغرب بينتقدون المرأة ، لأنها بالنسبة لهم سلاح ، يوهمونها انها ملاك منزل من السماء ويظهرون لها الإحترام وهي في الحقيقة عندهم ماهي إلى أداة للتسلية وأداة للإغراء والغريزة بشكل عام وهاينينها ودايسين في كرامتها ، وقاموا حتى يوهمون المراة العربية أنها مضطهدة ولازم أطالب بالمزيد من الحريات ، عشان بعد تصير أداة تسلية مثل الغربية ، وتزيد الفتن بالوطن العربي والإسلامي ونصير مثلهم ضايعين أخلاقياً ، ويلتهي شبابنا في هالأمور ، عشان يصفى لهم الجو في منطقتنا الإسلامية ، وكل هذا يصب في مصالحهم ويسهم في توسيع مخططاتهم الإستعمارية ، وهذا اللي قاعدين نشوفة اليوم .

__________________
استغفر الله واتوب إليه