طيب ماسألتي نفسك كيف بيزوج وين البيت ؟؟؟؟
اذا المادة معدومة صعبة جداا خصوصا اذا لم تملكي منزلا. .... فكري اذا عشان فلوسك لا لا

__________________

اليوم جلست مع أبوي وقال لي أنا بنصحك والقرار الاخير بيدك ، هذا ولد عمك ومصيره بيتوظف ان شاء الله وما فيها شي لو تساعدتوا وبدأتوا من الصفر، وانا ماراح أتمم شي الا اذا توظف .. والشقة والاثاث أمرها محلول نتساعد فيها.. اهم شي انت تبتدئين حياة جديدة وتعيشين الاستقرار ورح تكونين في نفس المدينة وكلنا حولك.. والفرص الحين قلت والبنات كثير وووووو.... قلت له بس أنا أشوف أني استحق شخص بمواصفات أحسن من هذا... قال يابنتي خليك واقعية كلنا نبغا الافضل لأنفسنا وبالاخير مانحصل الا اللي يريده الله لنا...ودامه رجال طيب ودين ويصلي فلا تخافين... مدري ليه الى الان مؤ مقتنعة ومصرة على الافضل بس هل ياترى رح يجي الافضل والا أرضى بالأمر الواقع ووافق على شخص لو كنت بنت ما تزوجت مستحيل أوافق عليه؟؟؟

:*

أختي حبيبتي:
أبوك كلامه صح 100% مافي شيء اسمه أجلس وأنتظر الأفضل
وبكون صريحة معك أنتِ منفصلة يعني فرصك مختلفة عن وحدة
توها تخطب وماسبق لها الزواج
وولد عمك يعتبر الأفضل لو فكرتي فيها صح
وش يعيبه إلا شيء واحد غير موظف وزي ماقلت لك أشترطي الوظيفة
قبل أي شيء يبحث له عن وظيفه وبعدها يكون جدير بك

وإذا مصلي وأخلاقه زينه ويخاف ربي وماعنده زوجة وبتكوني أول وحدة
بحياته فصدقيني هذا كله من كرم ربي لك

المهم: توثقي من أخلاقه وطبايعه ولازم ماتدخلين عليه إلا وهو موظف
وكافي نفسه حتى تحسي بأنك مو متزوجته تصرفين عليه أو الزواج فيه
إستغلال لك
لأن هذا الجانب مهم لك من الناحية النفسية
وأسألي عن أمه وحال زوجات عيالها معها
حتى تكوني متطمنه

والله يسخر لك الطيب
ويعوضك خير ويسعد قلبك

:*

__________________

يا عمري مشكورة على ردودك الرائعة ... كلام أبوي صح .. بس الولد نفسه محتقر في العايلة وماله صيت والكل ينعته بالمسكين ... وانا من صغري ما أشوفه شي... حتى قلت لنفسي لو فيه خير كان خطبوله بنت تناسبه مو أنا ... وبعدين خائفة بكرة من ردة فعل المجتمع اللي حولي لمن أخذه ... مدري ليه كل مااستشارت امي احد بموضوعي ضحك وقال يالله تتحكم فيه.. لهاذي الدرجة درويش وضعيف.. أنا ودي برجل قوي وله شخصية وجرئ وغير خجول . وماودي ان زوجي وأبو عيالي يكون محتقر .. خائفة من الموافقة اكثر من الرفض... واللي مخوفني فرص الزواج...

الله يعطيك العافية على ردودك اللي زي العسل وانك عطيتيني فرصة استرسل بمشاعري