رد : الماضي يطاردني والمستقبل يرعبني - كما تدين تدان -
اللهم آمييييييين
والله يا اخوي انا اللي مرتعبه من امس
امس دخلت بحاله ما يعلم فيها الا بالله
بس جالسه وابكييييي بحررررقه على وضعي الى اليوم الصبح
وادعي ربي ما يتركني لحد الوقت اللي نمت الصبح وماحسيت بنفسي من التعب
ولما صحيت حسيت شوي براحه
لكني مو مرتاحه ابد .. ابد
في اشياء كثيره ببالي ودي اقولها واطلعها من قلبي
وصار لها فتره مسيطره علي لكن قلت بكتمها واراجع نفسي
واصبر واحتسب اجري عند الله لانها امتحان
لكن اخر فتره صرت احس انها عقاب وانها هذي جزء بسيط من العقاب اللي بشوفه في الاخره
مدري انا تفكيري صح او خطا
مدري اذا انا اللي امر فيه امتحان ولا عقاب
مدري اذا بنجح او بفشل بس هالفتره حاسه اني بفشل
مدري حتى اذا هذا يعتبر قنوط من رحمة الله .. استغفر الله العظيييم
ببتدي بالاشياء اللي صارت لي امس وخلتني اوصل للمرحله هذي
انا الاشياء الي اذكرها الحين وقبل وحتى بعدين صعب علي اني اذكرها او استرجعها
بس لازم اقولها
بحكم علاقتي الطويله بذاك الشخص الله يسامحه ويحلله ويهديه
عرفت عنه اشياء كثيييييره منها عرفت وش اللي يضايقه وش اللي يحبه اكثر ووش الشي اللي يأثر فيه اكثر
وانا طبعي ممكن انسى شي يتعلق فيني بس ما انسى شي يتعلق بشخص يهمني -او كان يهمني-
من يومين صار شي (حدث) انا ادري انه بيترك تأثييير كبير عليه سلبيا
الشي ما يتعلق فيه ولا فيني بس قريب منه ولو عرف عنه واكيد هو عرف عنه بيأثر عليه ويضايقه
من اول ما عرفت بالشي هذا وسمعت فيه على طوووووول مدري ليش جاء ببالي
مع اني انقطع كل شي بيني وبينه وانا يشهد الله نسيته وحتى ماعدت احمل له ذيك المشاعر مثل اول
لكنه جاء ببالي وتذكرته وجلست افكررر وش حاله الحين ووش وضعه وكيف تقبل الموضوع
كيف بيترك تأثير على نفسيته وصحته -لانه يتعب بسرعه وانا متأكده من هالشي وشفت له تقارير طبيه عن وضعه-
والشيطان ماقصر قعد يحن ويحن فوق راسي لين شغل الموضوع بالي يومين
وقعدت اشغل نفسي بأي ششششي وحاولت قد ماقدر
قمت ودخلت المنتدى قلت بشغل نفسي واقرا واشارك
دخلت وشفت اسسسم هنا اول مرره اشوووفه
لكن كان هو .. هذا اللي تخيلته
نفس المعررف وحتى المدات بالاسم نفس الشي بالضبببط
معقووووووووووله هو .. من وين طلع لي وشلون دخل ووش يكتب
انصدددددمت
ما بكذب عليك .. فز قلبي وانقلب حالي
لاني انا اول ماعرفته كان عن طريق شات ومنتدى مثل ما انت عارف
كان نفس المعرف اللي عرفته منه
ظليت نص سااااعه بس اشوف الاسم وانا متسمره مكاني
هو ولا مو هو .. طيب لو هو .. انسحب من هنا ولا وش اسوي
لين جاتني الشجاعه ودخلت شفت مشاركاته
الاسلوب جدا مختللللف وحتى الاهتمامات .. تأكدت انه مليون بالمئه مو هو من المعلومات اللي شفتها هنا
ارتحت ان مو هو .. لكن تضااااايقت حسيت رجعت لي كل السنوات قدام عيني
رجعت على نفس الموال .. نفس الدوااااااااامه اللي كنت فيها
لكني هالمره بيقين اكبر بس بنفس ضعيفه
حسيت مو عارفه شنو اسوي
بس فكرت اتطمن عليه بعد الحدث اللي صار وسمعته .. صحته بخير ؟؟ هو بخير ؟؟
بس هالمره وبعدها خلاص ما بسوي شي .. مع ان الشي المضحك بالموضوع انه قالها بصريح العباره ما يبيني وكنت انا اركض وراه وهو يصدني .. وبكل غباااااء اقول بتطمن بس
افكاري كانت مجنونه وغبيه وانا كنت اغبى
فتحت الجوال .. قلت مستحييييل اتصل .. بس رساله بالواتس اب
ظليت يمكن ساعه ونص بس اشوف الجوال وانا من داخلي قهر على نفسي ومن جد كنت اشفق على نفسي
قلت لا ما برسل له .. لانه ما يعرف رقمي الجديد
قلت بفتح الايميل .. فتحت الموقع بس ما قدرت افتح الايميل
بعد ظليت يمكن ساعه على نفسس الوضع
لين حسيييييت بالشي اللي انا فيه وبعد ساعات من البكي والدوامات اللي كنت عايشتها مع نفسي
دخلت هنا وكتبت الي كتبته وصكيت كل شي وكنت بكسر الجهاز لكن تعوذت من ابليس
جد انا مدري وش صار لي
مدري ليش صار كذا
معقوله انا ما استفدت شي .. ولا نفع معي شي
معقوله لهالدرجه انا انسانه سيئه وما مني امل
ليش انقلب حالي كذا
وربي امس تمنيت الموت على اني اسوي شي اندم عليه طول حياتي ويرجعني للضلال اللي كنت فيه
مع اني واثقه ومتاكده اني لو سويتها والله والله ما راح يرد علي ولا يعبرني
بس كنت بذل نفسي واخسر احترامي لنفسي واعصي ربي
انا كنت مرتاحه وناااااسيته
لييييش مو قادره افهم
ليش ارجع للعذاب اللي كنت فيه والتعب والضيقه والندم والحسره والخوف
ليش ارجع لاحساس الذنب من كل شي .. عصيان ربي وثقة اهلي وذنبه هو لاني استمريت معاه وماساعدته يتغلب على نفسه .. وذنب الشخص اللي برتبط فيه لو ربي كتب لي نصيب
كفاااايه علي كلما اقرا موضوع من هالنوع وان زوج يتكلم عن خيانة زوجته او علاقاتها السابقه
وربي اموت خوف وندم وحتى اطرافي ماحس فيها من الاحساس اللي احس فيه وقتها -وماعرف اوصفه
وللحين احس بالاحساس هذا
لما صحيت اليوم
زالت كل المشاعر اللي امس حسيت فيها وحسيت بالغباء وشكثر كنت غلطانه
حمدت ربي مليون مرررره اني ما سويت هالشي
وحمدت ربي اكثر اني غيرت رقمي من زمان وهو ماعنده (ويالييييت انا اقدر انسى رقمه او ايميله)
وحمدت ربي اكثر واكثر انه هو تركني وصدني من قبل عشان حتى لو نفسي غلبتني . هو ما راح يشجعني (وهالشي انا اقدره فيك وبدعي له طول الوقت بس عشان هالشي)
انا تغلبت على كل شي كنت احس فيه تجاهه سواء مشاعر حب او كره او حقد
ماعندي له غير الدعاء الله يهديييييه ويستر عليه ويوفقه ويسعده ويبعده عن طريق الحرام يارب
لانه مسكين يحتاج الدعاء مثل ما احتاجه .. ضايع ويحتاج للهدايه .. الله يستر علي وعليه ويهدينا
والله اتمنى له الهدايه
وانا عن نفسي .. ماعندي كلام اقوله عن نفسي لاني بكل بساطه ماعدت احترمها
وحاسه ربي مو راضي علي وانا مو راضيه عن نفسي
سامحني كلامي كله متلخبط بس انا قلت كل اللي ببالي الحين
وفعلا يحق لك اخوي تخاف مني .. لاني مالي امان جد
لما ارتاح بذكر وش كنت احس فيه الفتره اللي طافت ووش الشي اللي خلاني اتضايق
وآسفه على الاطاله
بس جد ياليت اقدر اقول اني ارتحت لما فضفضت وتكلمت
لكني ابدا ما ارتحت .. الشعور اللي احس فيه جدا مؤلم
__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين
التعديل الأخير تم بواسطة ضآيعه وربي ; 18-06-2012 الساعة 12:31 AM
17-06-2012, 11:28 AM
ضوابط المشاركة
العرض العادي
