[QUOTE=توفي وفيصل;2818994]اخوي كيف تعاملك معها ..

تصرف عليها ولا لا ..
ايه يصرف عليها ولايقصر بشي
تحترمها ولا تهينها قدام اهلها وعيالها و اهلك ..
يتحترمها ويقدرها ولايسمح احد بااهنتها
كيف حالتها الصحيه ..تعاني من فقر دم ..اكتئاب ..سمنه .
مافيها الا العافيه بس العفن يمشي في دمها الله المستعان وانااخت صاحب المشكله

[QUOTE=mysoso;2819178]اهاا اخته ..؟؟وليه مايجي صاحب الموضوع بنفسه ..
وليه مكلف اخته بهالمهمه ..
وانتي وش عرفك بهالاشياء كلها ..
لهالدرجه ملمه بحياتهم الشخصيه ..
اختي جوا البيت ..مايقدر يتكلم عنه الا الزوج او الزوجه ..

يكفي لقافه بحياة اخوك ..وخليه يجي بنفسه يعرض موضوعه ..

__________________

[QUOTE=توفي وفيصل;2819384]
مافيها شئ لو الزوج شكى لأخته تقصير زوجته بحقوقه ولو هو مقصر معاها اهله واهلها اول من بيدري


اختي الكريمة اللي طرحتي الموضوع

بلغي اخوك بالحرف الواحد اني اعاني من نفس المشكلة

اتقضى مقاضي للبيت يوم تطبخ و5 ايام لا ويوم تنام عند اهلها وشغلها الشاغل تتطلع تتمشى او تروح لأهلها او مستأجرين استراحة بروح خالاتي بالمول بروح لهم

واذا رفضت كأني ضربتها كفوف شئ عجيييب

اكل المطاعم بهذلني وصار لي تسمم اكثر من 3 مرات

قلت بكرة تتعدل اصبر ورزقني الله بطفلين منها

ومازال الوضع على ماهو عليه وجلسنا 5 سنوات ياهي زعلانه وتروح لأهلها وترضى بعد ما اروح لأبوها

يا اهلي يقولون خلاص رجعها علشان عيالك يا اكل تبن واتحمل علشان هالعيال

ماينفع كلام ولا ينفع كل يوم تقول لها صلحي الغدا

ياناس اقولها مابي مكرونه طفشت من المكرونه الايطالية اللي تسوينها هي مرة بالاسبوع نوعي طيب مابي مكرونه

ارجع احصلها مسوية مكرونه حمرا وش هالعنااااد العجيييييييييييييب

اغراض البيت نتقضى شهر كامل نص الاغراض تخرب وترمى بالزباله حرااام والله

اذا مابينهم اطفال قولي لأخوك هذا طبعها والبنت على امها

والله وتالله واقسم بالله لو سألت عنهم زين وعرفت ان هالعائلة مايقرون بالبيت ابد الاسبوع 7 ايام 5 ايام برا البيت يا مول يا استراحه يا يسيرون على بعض دورية كل يوم عند احد والله كان ماتزوجتها

سألنا عن الدين ماشاء الله

وقالوا البنت برجالها اذا اخوانها رجال وابوها رجال ومربيها على الدين والصلاح خلاص اكيد انها ست بيت مثل ما يقولون

وهي طالعه على امها وتبي تفرض سيطرتها بالقوة وتبي تحرك وتغير وتحدد كل شئ بمزاجها

ولا تقول لي شئ ولا تنتقد وانا بس بنتقد

لا تقول كلام يجرح وانا بس اقول كلام يجرح انت رجال تتحمل انا انثى ما اتحمل

قولي لأخوك اذا بينحاش ينحاش من الحين اذا ماعندهم اطفال اذا عندهم اطفال الله يعينه

راح يكون بين نارين مثلي

يا يصبر ويسكت لأنها عمرها ماراح تتعدل علشان اطفاله

يا يضحي ويكونون اطفاله اول الضحايا ويطلق ويشوف له مره سنعه

والله الوضع الأآن بيننا رسائل فقط تكتب ما تحتاج من اغراض للبيت وخلاص

شهرين ما نمنا بغرفة واحدة ماعاد اطيق هالعيشه انفجرت وتعبت وافكر بالانفصال

تحصل لها واحد يكون على مزاجها يجلس بالبيت ينتظرها ترجع

وانا احصل بنت ناس تهتم ببيتي وتهتم فيني مثل ما اهتم فيها

[QUOTE=mysoso;2819178]اوف ..يكفيني من كلامك هالكلمه ..
خافي الله في اخوك ..وخليك متزنه ..
هي سبق وسوت تحاليل ..وانتي شفتيها ولا لا ..

__________________