قريت قبل شوي المستجدات في قسم ساعدوني

نصيحتي لك، البعد مو حلّ ..
إنت إيش قلتي لي قبل كم أسبوع ؟

اللي يخالط الناس و يصبر على أذاهم خير من المؤمن اللي ما يخالطهم الناس و لا يصبر على أذاهم

فمن باب أولى ( والدتك )

.
.

افهمي نفسيتها ، ضعي نفسك مكانها ، عيشي حياتها ..
وقتها انظري لها ( بنظرة الشفقة و الرحمة )

إنك إنت تعلمتي و درستي، و تزوجتي الحمد لله بزوج طيب و أم زوج طيبة ..
عندك نعم و الحمد لله ربي عوضك لصبرك على أذى أمك ..

فإنت أنظري لأمك نظرة ( الطبيب ) اللي بيداوي المريض ..
و لا تقارني بينها و بين بقية الأمهات ..

هذه أمك و مستحيل تلقي أم غيرها ..
حتى أم زوجك ما تقدري تبدليها بأمك ..

بالعكس، تحملك لأذى أمك مرة ، أفضل من خدمتك لأم زوجك مليون مرة ..

و الجنة غالية و مو سهل تتحصلي عليها،.
زي الألماس غالي ، و مو بالسهولة تتحصلي عالألماس ..

و رضا الأم هو اللي يوصلك للجنة ، يعني رضا الأم ( مو سهل ) ..
فكري فيها شوي معاي،.

ليش ما كانت الجنة من نصيب اللي ترضي ( ولدها و رضيعها ) ؟
لإنه شي فطري و سهل جداً ..

يعني الجنة ما كانت من نصيب اللي ترضي أمها ،،
إلا لإنه ربنا يدري إنه ( صعب ) الحصول على رضاهم ..

و مو كل الأمهات طيبات و حنونات ..
أنا أمي قاسية كانت، لا تحسبيها كانت تسمعنا كلام حلو ..

و وحدة من أخواتك مثلك، تبعد نفسها عن أمي عشان حجتها ( ما أتحمل ) ..
و كانت أمي تقسى عليها أكثر ..

بس دحين أمي الله يرحمها ماتت ..
أختي مرتاحة ؟
خليها ترتاح طول العمر دحين .. ارتاحت من أمي أخيراً ..

.
.

صدقيني ..

استشعري طعم ( طاعة أمك ) .. حولي الألم ( للذة ) و راح تحسي بطعم صراخها عليك ..
و بتشوفيه ( نغم موسيقى )

.
.

أنا ما أقول لك إني كنت مرررررة مطيعة ..

يا ما زعلت أمي ، و يا ما كسرت بخاطرها ، و يا ما اختلفنا ..
بس ارجع اندم ، و أحاول كمان و أدعي داااااااااااااااااااايما في نص الليل و قبل لا أتزوج
( يارب خليني بنت بارة بأمي )

أمي كانت شديدة مرة و ما يعدي يوم إلا و لازم تخاصم ..
و الله عالأيام الأخيرة لها و السنوات الأخيرة ..

ما أعرف كيف و بدون ما أحس .. الكل يقول ( ماما تحب روح الطير ) ..
و الكل يلاحظ معاملتها معاي غيييييير ..


مرات الأم تحب تستفز بناتها ، عشان تحس إنه ما زال لها ( وجووووووووووووود )
و إنها مهمة في حياتهم ..

هلا روح الطير
الله يرحم والدتك.

انا كنت جدا باره في امي واطيعها بكل شي حتى ادق تفاصيل حياتي <<<< وهذا واجبي مالي منه عليها
لكن امي تركتني وانا محتاجه لها
وامي تحب تسبب لي المشاكل وتوترني
امي كرهتني فيها
امي تحب تاخذ ما تعطي

مره جبت لها هدية حلوه ورحت اعطيها عشان افرحها واراضيها <<< والله انها رمتها بوجهي وطردتني.

بعدها بفتره ما كان عندي فلوس وهي عارفه ان ما عندي فلوس
قامت طلبت طلبات كثير وكلها سخيفه بس علشان تنكد علي

انا قلت لها ماعندي فلوس ... وابشري لما تتوفر فلوس
عملت مشكله كبيره

الله يجزاك خير على النصيحه
والله يقدرني على برها

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.