اخي تفيدك باذن الله انك تتعلم تفصل بينك وبين مشاعرك وتحكم عقلك بحيادية وتحاول ايجاد حل من خلال نظرة شاملة للوضع كمراقب كانك تتفرج على فلم سنمائي

__________________
[IMG]http://im28.***********/2012-07-31/1343755411601.gif[/IMG]

أنا طول هالمده ما غلط واتحداها طلع غلطه وحده كنت هادي وياها متحملها ,, طلعت وياها ,, تحملت سوالفها ,, كل شيء منها ,,,

لكن هي شو ,, هي بنظرتها أنا الغلطان أنا اللي أطالبه أكثر من حقوقي هذا اللي تقصده

تبغيني اعاملها با ي منظور ,, اذا بتم أتعامل وياها بطريقة اللي هي تباها حطي عشر سنين لجدام ,, لجين تتعامل مع الموضوع ببرود ولا كأنها غلطانه ,, اذا أبوها اليوم جاء عندنا والله ما نزلت تسلم عليه ويلس حدود ساعتين ينتظرها وهي مب راضيه تنزل اونها زعلانه منه ,, تدرين شو قال انه عودتها ولازم اتحمل كل شيء يجي منها (( هذا أبوها )) يعني إن شاء الله تبيني أعطيها على كيفها لغاية ما يجي يوم وأقول والله أنا أستاهل لاني خليتها برايها (( في حالة اذا ما انفصلنا ))

صححيح مب مغير أسلوبي اللي بديته وياها لحين بعاملها بهدؤ باحترام بطلعها بسمع منها ,, بس مب كل شيء امرر لها

__________________

الحمد لله على كل حال

الله يسر ويسهل كل اموركم يارب

معاج بالفكره هذه ,, لانها بتخليني أفكر بعقل بعيد عن عواطفي ...
لكن هذه طريقه ما تناسب وضعي ويا لجين تدرين ليش
لانه اللي مصبرني عليها للحين ( لاني أفكر مشاعري فقط وحبي لها )

ولكن ولو فكرت بعقلي ما اعتقد صدقيني نستمر يوم واحد
عقلي راح يقولي شو اللي جابرك تصبر
انا غلط واعترفت لها ولابوها بغلطي وغلطي صار له سنه
ولكن بعدين
مب عقلي بيقولي أنت سويت اللي عليك وهي اللي مب راضيه تنسى

هذه نظرتي ويمكن تكون خطأ

__________________

الحمد لله على كل حال

اها فهمت الحين غاليتي
منور الفاضل البليغ
انا متفائلة ابو خليفة اشتدي ازمة تنفرجي
لاتتضايق من مداخلة لجين بقسم ساعدني هذي بادرة جيدة ان لجين تتكلم وتعبر عن مافي داخلها لاتنظر انها تريد اضهارك بمضهر الغلطان واستعذ من ابليس وتذكر انه ثالثكم وعم يشتغل وانت بعنادك وعصبيتك بتساعده يفرق بيك وبين زوجتك
انت بتقول انك ماغلط ابدا مافيه حد صح 100/100
العناد يولد الكفر
راح امزح خلي بالك من نفسك لما تنام بالسرير وطمنا عنك اول ماتصحى
الله يهنيكم

__________________
[IMG]http://im28.***********/2012-07-31/1343755411601.gif[/IMG]

يَقُوْلُ إِبْنُ الْجَوْزِيِّ رَحِمَهُ الْلَّهُ
((أَعْطُوْا الْلَّهَ مَا يُحِبُّ يُعْطِيَكُمُ مَا تُحِبُّوْنَ*
إسْتَجَيِبُوَ لِلَّهِ إِذَا دَعَاكُمْ يَسْتَجِيْبُ لَكُمْ إِذَا دَعَوْتُمُوْهُ ))*
إِذَا الْمَطْلُوْبُ مِنَّا فَقَطْ أَنْ نُعْطِيَ الْلَّهْ سُبْحَانَهُ وَتَعَالَىْ مَا يُحِبُّ*
*كَيْفَ ؟*
بِقَوْلِهِ صَلَّىَ الْلَّهُ عَلَيْهِ وَآَلِهِ وَسَلَّمَ :*

«أَحَبَّ الْكَلَامِ إِلَىَ الْلَّهِ تَعَالَىْ أَرْبَعٌ*
: سُبْحَانَ الْلَّهِ ، وَالْحَمْدُ لِلَّهِ ،*
وَلَا إِلَهَ إِلَّا الْلَّهُ ،*
الْلَّهَ أَكْبَرُ . لَا يَضُرُّكَ بِأَيِّهِنَّ بَدَأْتَ» [ رَوَاهُ مُسْلِمٌ ] .

مربوط لساني وما أقدر اقول كل اللي عندي لأنه النقاش بالعلن ... ولأنها تقرأ اللي نقول ..

صحيح انه الواحد يقول اللي ينصف الطرفين لكن احيانا هذا الانصاف يحرض واحد على الثاني ومفروض ما ينقال قدام الاثنين ..

عشان هيك لا تحاول تخليني اقولك غلطان أو اقولها غلطانه .. حكمي ما راح يجيب غير المشاكل .. وأي واحد أو وحده تدخل او يدخل ويقعد يعطي احكام ويقول هي غلطت أو هو غلط خل يكون فاهم وعارف أمام ضميره أنه حكمه هذا مافي وراه الا تعقيد المشكلة أكثر

فأرجع لأول جملة بردي السابق يا ابو خليفة .. المسألة مو مسألة مين غلط ومين ما غلط .. .. أنت تبغى تحل المشكلة وهدفك تشوف لجين مبسوطة وللا هدفك تثبت انك عملت اللي عليك ومو غلطان ؟؟

__________________

لجين تقول انا بديت اسولف معاه
و اكل معاه
ايش يبغى اكثر من كذا !

يعني اذا اني بديت اكل مع زوجي و اسولف معاه
بعد سنتين من زواجنا

و اشوفها كثيرة عليه، و انتوا تقولوا له ( اصبر )

الصراحة ..
بديت اميل لرأي مستشار الحب ..

الموضوع ( دلال ) و ( بطران عالنعمة ) ..

هي تعاند زوجها، و قلنا عين و سحر ووو الخ

طيب تجلس قدام الشيخ بدون حجاب، تعاند ( ربها ) ؟
برضو سحر و عين ؟

حدثوا العاقل بما يعقل ( بضم الياء )

انزين انا بريحج عشان اسمع رايج ثواني عطيني بس وراد
أنا كنت حاط بالي من زمان أفصل النت عن القسم اللي فوق ,, بس لحين شكله احتاج هالشيء
انتظريني

__________________

الحمد لله على كل حال

صلي بلجين هذه اليلة قيام الليل وادع الله يصلح ذات بينكما
اسال الله لكما السكينة والهدوء
تصبحون على خير

__________________
[IMG]http://im28.***********/2012-07-31/1343755411601.gif[/IMG]