قبل هذا الاسبوع

كنت احس ببدايات الضعف .. او ما بسميه ضعف لكن تهاون
يمكن لاني ركزت بدراستي ومع ظروف صارت لاهلي انشغلت
ما قمت ادعي ربي مثل قبل .. ولا استغفر كثر الفتره اللي طافت
تصدقت اكثر من مره خلال هالشهر .. لكني ما حسيت بقيمة الشيء هذا
كنت كل مره لما اتصدق يجيني شعور سعاده وراحه لكن هالمره ما حسيت بأي شعووور
ساعدت انسانه محتاجه مساعده لكني بعد مااحسييييييييييت بأي شيء

صرت ما اعرف احس بشيء زين وخير سويته
لا صلاة قيام لا صلاة لا قراءة قرآن لا صدقه ولااااااشيء
كأني مو مسويه شي

حتى فرحتي بمشروعي .. فرحت اول شيء وبعدها كان عاااادي
حتى فرحتي بالتخرج .. فرحت لكن انا بالعاده افرح كثييييير
احب اعبر عن مشاعر فرحي لكن ما حسيت بالشيء هذا

حتى شهر رمضان استغفر الله
ما احس انه جاي بعد ايام قليله .. الناس قاعده تجمع لها اشياء زينه للشهر وانا جمعت كل معاصيي هالفتره
انا ابي احس برمضان وابي احس بلذة الطاعه
حتى صار لي فتره ما بكيت وانا اصلي .. قلبي صااااير جاف وقااااااااسي
اخاف امووووت على معصيه واتعذب بقبري واروح نار جهنم

انا بالعاده احب اقرا كتب .. مو قصص ولا روايات
احب اقرا كتب تفسير او حديث .. واموووت بكتب التاريخ
كتب تاريخ حبيبنا محمد عليه الصلاة والسلام وتاريخ الصحابه والتابعين
وتاريخ الناس البارزين بتاريخنا
بس الحين ما عدت اقرا ولا شي

صار لي زمان ما راجعت حفظي للقرآن ولا تابعت برامج دينيه
ولا سويت اي شيء زين

انا اكتشفت شيء بنفسي .. اتأثر بسرعه وافقد التأثر بسرعه
لكن اكثر شيء يأثر فيني الكلام الشديد اللي فيه تحذير من عقاب
اسلوب اللين ينفع معي بس ما يأثر فيني فتره طويله
عشان كذا احب اسمع الكلام اللي يأثر فيني بشدة

مدري ايش رايكم بالكلام اللي صار
وش الحل اللي ينفع معي .. ابي اعرف شلوووون اتغير من داخلي
ابي اتغير لكن احس شيء من داخلني يجذبني للهاويه كلما تغيرت وصرت احسن
سامحوني كلامي ملخبط ومو عارفه كيف اوصل اللي ابيه
بس اتمنى وصلكم ولو جزء بسيط من اللي ابي اقوله

تكفوووون ارشدوني وكلموني بكل صراحه حتى لو تجرح وتضايق
وسامحوني ادري ما استحق من وقتكم .. لكن مالي غيركم بعد الله

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين