صدقت اخوي خالد
والله يجزاك خير على اهتمامك

بس عندي توضيح بسيط اذا تسمح لي

انا في الفتره اللي طافت قبل لا ارجع لهذي الحاله
كنت اصلي واتصدق واصلي وتر وقيام ليل
بس ما كنت احس بفرح او سعاده احيانا
خصوصا لما اتصدق .. كنت قبل احس بفرح من داخلي لكن الحين صرت متجرده من الاحاسيس
ما افرح اذا سويت طاعه
لين رجعت وتراجعت

بالنسبه لموضوع تعذيب النفس .. انا نفسي راح تذبحني من الالم
وصدقني انت من داخلك بعد تستحقرني ..
لاني كنت امشي بطريق صح والكل نصحني ووجهني .. وبعدين كأني ضربت كل شي بالجدار وما كأني استفدت شيء
اكبر دليل .. شوف رد ابو مريم باين عليه خيبة الامل القويه ويحق له .. والله انا مستحيه ارجع اقرا الرد مرة ثانية

انا انسانه تهزني الصدمات والكلام القوي
ومثل ما قلت اتأثر بسررررعه .. بس ماعندي القدرة الكافيه على الثبات
احس نفسي متأرجحه .. ابي اصير احسن لكن فيه شيء يسحبني لآخررررر حد
وكأنه يقول لي انتي ما راح تتعدلين وتصيرين احسن

يأثر فيني كلام المشايخ لما يكون فيه وعيد وتهديد .. وتهزني القصص اللي خاتمتها سيئه
تأثيرها سريع يجي بسرعه ويروح بسرعه بعد بس اقل من السرعه الاولى
بس ما تهم السرعه .. المهم النتيجه

وبالعكس اخوي .. اخذ راحتك
وانا اسفه اخذت من وقتك الكثير .. الله لا يحرمك الاجر
ياليت تشرح لي الحاله بالتفصيل وطريقة العلاج والتدرج اكون شاكره لك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين