09-07-2012, 06:25 PM
09-07-2012, 11:16 PM
|
المشاركة الأصلية كتبت بواسطة فجر الاعياد
المرأه تحتاج تعامل خاص فالرجل حتى وان كان طيبا ولايستطيع ان يلغي الحواجز بينه وبين زوجته . لاتستطيع هي بكل تأكيد ان تحبه فالصراخ والعصبيه مردودها سلبي , اونا انا اتكلم وياكي عن العصبيه وناسيه نفسي , انا جد عصبيه وامقدرت اتخلص من هذي الصفه السيئه حتي اختي احيانا تمل مني هههههههههههههههه اونا موضوعك جميل وانتي الأجمل بكل تأكيد , اونا من فتره ---------- ؟ وانتي ماتدخلين المنتدى .؟؟؟؟؟ سلامات عسى المانع خير ؟؟ على العموم كل عام وانتي بخير بمناسبة شهر رمضان عزيزتي
|
09-07-2012, 11:25 PM
|
المشاركة الأصلية كتبت بواسطة بنت الحكمي
عن تجربة خاصة لما زوجي ينفعل ويعصب على شئ اخليه يهذر يهذر الين روحه تبرد ويطلع كل اللي عنده وبعد ماتبرد ناره ويهدأ وخاطره يطيب اناقشه وابتدي النقاش معاه بمزحه او نكتة حتى لو اشركت العيال في النكته بس علشان هو يبتسم ويعطيني رد إيجابي انه عنده استعداد لنقاش وحينها انقض عليه واطلع كل اللي عندي بعدين خلاص لو عرف نفسه غلطان يعتذر وعذره دايم واقف
معليش انتي تعرفين ان عندي سكر واعصب فجأه وبدون اسباب ولا انا احبكم ولا ارضى فيكم غصب عني والله طلع الكلام مني ان شاء الله مايتكرر اللي صارعاد انا واثقة منه ومن صدق كلامه وكالعاده امشيها بالذات ان اكثر عصبيته علشان العيال هو قلبه طيب وحنون والله انه لو صرخ في واحد من اولاده تلاقينه ماعاد باقي إلايبوس رجله علشان يرضيه بعد ماتهدأ نفسيته وحتى يتندم على الشئ اللي يصدر منه حتى لو كان هو غير مخطئ طبعه كذا من يوم تزوجته بالنسبة لي انا لو عصبت علشان شئ كمان هو ما يناقش يسكت ولا يرادد ولا يتكلم نهائيا يسكت على طول بعدين لما يشوفني هادئة ورايقة لو فيه شئ يستاهل النقاش يناقشني فيه إذا كان مافيه خلاص عادي تمضي الأمور مثل ماكانت اول وبعض الأوقات يصير بيننا صدام في بعض المواقف بس من طبعنا إنا ما نطول في مواجهتنا هو يقول اللي عنده وانا اقول اللي عندي وخلاص يلفنا الصمت شوية وبعدين نرجع نسولف اول شئ خفيف خفيف حتى تتصافى النفوس بالتدريج والحمدالله مافيه احد يشيل على الثاني بخاطره صراحة انا اخاف عليه كثير ما احب اشوفه معصب لأن عنده سكر الله يحفظه ويشفيه فدائما احاول قدر المستطاع انه مايعصب لأن السكر له مضاعفات خطيرة حتى الأولاد لوفيه بينهم مشاكل ومضاربات احاول احلها بينهم بعيد عنه واجنبه العصبية الزايدة واجنب الأولاد كلامه وصراخه عليهم اما الضرب هو مايضربهم ولا عمره مد ايده على احد فيهم الحمدالله لا كن الصراخ يصرخ عليهم ويهزئهم تهزئ بعدين مع الوقت والعشرة كل زوج وكل زوجة راح يفهم اسلوب شريكه وإيش اللي ينفع معاه العشرة كفيلة بأنها تخليك اكثر قربا ومعرفة بالطرف الآخر اهم شئ في وقت النقاش إنك تكون هادئ ورايق وذهنك صافي وتختار الوقت المناسب لنقاش وتبتعد عن العناد ورفع الصوت والتذمر وفتح الملفات الماضية مثل قول انت المرة اللي فاتت قلت كذا وعملت كذا ولا نسيت ايش اللي سويته وتخرط له الأولي والتالي ويحتاسون ويصبح نقاشهم عقيم وفاشل وما يطلعون منه بنتيجة احسن شئ انك تجهز المقدمه وتعد الأشياء اللي بتناقش فيها وترتبها وتنتقي افضل واجمل الكلمات اللي يحبها الطرف الآخر ويسعد بها حتى النقاش ينجح ويثمروحتى الطرف الآخر يتفهم وجهة نظرك ويتقبلها ومايمل او يهرب من النقاش ولامانع ان تناقش وانت تضحك وتتبسم وتدخل في نقاشك شئ من الفكاهة والمزح لإضفاء جو يعلوه الضحك والمرح وعلشان الجو ماينقلب عليك وانت تناقش مو مشكلة وجهت لطرف الآخر كلمة او انتقاد لاذع اتبعه بكلام جميل او مدح او نكته حتى هو خاطره يطيب ويتقبل كلامك ويفكر ويراجع نفسه إذا كان مخطئ طبعا كلن على حسب معرفته بشريك عمره طبعا بعض الأزواج مايتقبلون النقاش ويمكن يرفضونه ويتمسكون برأيهم وماراح تطلع معاهم بنتيجة في النقاش المباشر لاكن يمكن يتفاهم لو راسلته بالهاتف او كتبت له رساله وعبرت فيها عن ما بداخلك من مشاعر وتمدحه وتثني عليه فيها وتكتب فيها الشئ اللي يضايقك واللي مو عاجبك يمكن انه يفهمك ويتغير ويغير اسلوبه ويتفاهم معاك بهذا الأسلوب وعاد انا طولتها عليك يااوناا ومشكورة على الموضوع اللطيف والجميل الله يجزاك خير ويبارك فيك ويسعدك في حياتك يارب . وربنا يسعد كل الأزواج والزوجات المسلمين في حياتهم إن شاء الله تعالى |
09-07-2012, 11:26 PM
|
المشاركة الأصلية كتبت بواسطة شوكه بين ورد
جزاك الله خير اختي كلام رائع
انا من وجهة نظري مهم الزوج والزوجه ان يتغافلوا عن بعض الاخطاء التي تصدر منهم فالزوجه لايجب عليها ان تدقق في كل شي وكذلك على الزوج حتى تسير الحياه بخير وهدوء والله يوفق ويسعد جميع المتزوجين |
09-07-2012, 11:27 PM
|
المشاركة الأصلية كتبت بواسطة صاخب جدا
موضوع كبير.. و ياريت الكل يشارك فيه بطريقة تثريه أكثر ، لأنه اش اللي مولع كثير من البيوت إلا مشكلة فقد فن التعامل !!
|
10-07-2012, 08:38 AM
و ما لاقيتها الا بعد ساعات و احنا نجري ندور في الحرم.!!!
10-07-2012, 09:02 AM
10-07-2012, 09:16 AM
10-07-2012, 09:52 AM
|
المشاركة الأصلية كتبت بواسطة مسز داني
سأضيف
أن يكون الزوج لين في التعامل معها و يترك التعنت و أن لا يستخدم (الشرع) بمايوافق مزاجه بدون مبرر سأوضح مثلا ,,,على الزوجة طاعة الزوج في كل أمر (ليس فيه معصية للخالق) حيث لا طاعة لمخلوق في معصية الخالق,, فيستخدم هذا الحق(ليفش) خلقه و (ينفش) ريشه فيمنعها من أمور ليس بها مضرة على البيت أو عليها ,,لأن مزاجه كذا أو من باب قهرها ,,هنا له حق الطاعة ,,لكنه ابتعد عن خلق المسلم ,,فقهرها و سودعيشتها\ فما سيتوقع بعدها,,,,,, |
10-07-2012, 09:28 PM
|
المشاركة الأصلية كتبت بواسطة صاخب جدا
و الله يا أختي مش عارف اش اقول
بس : لو هي تظهر لي ودها و حبها لي ، و تحفظ أسرار بيتها من الخروج للباب ، و تتعرف على ما أكره و تبتعد عنه و تتعرف على ما احب و تعمله ، بالتأكيد - كأي رجل- بحبها أكثر و أحترمها اكثر.. و أحطها ع راسي من فوق كمان. و بحط مثال: أحب -مثلا- لو دخلت البيت : ألاقيه وردة ، و أدخل المطبخ ألاقيه برضو نظيف و مرتب ، أدخل غرفة النوم اشمها عبقة ... و اطل عليها ألاقيها متزينة و أنيقة ، محضرة لي غدائي اللي هي تعرف أني احبه و أشتهيه,,, صدقيني هي تكَّة تنازل منها و جيتها على نفسها شوية بتلاقيني أحسن الأزواج -إن شاء الله- ودا و حبا لها و مجاملة لها .أخت اوناا المشكلة الواحد لما يتكلم عن صنف الزوجات يكون مبتلى -مثلا- بعينة صعبة ، و غير ودودة أو قولي غير قادرة على بلورة الود إلى أفعال و تصرفات. لأنه ما في أنثى ما عندها ود أو حب. و يكون الرجل يتمنى منها أفعال . خذي مثال عملي حصل معاي شخصيا : قلت لها تعالي نسافر نغير جو شوية ، و نروح مدينة كذا ... و فيها بعض من أخواني هناك .. قلت لها بس ننزل عندهم كضيوف ما نقدر نروح فنادق بتحسب علينا أنه عيب و أنه تكبر و شي من هذا القبيل ... بعدين الأولاد يستمتعوا بلقاء أبناء عمهم و يلعبوا معاهم ، و نخرج مثلا جميعا سواء. اتفقنا طبعا... و ااخر شي لما جينا خارجين من البيت ... نكدت على الأولاد و ع الرحلة كلها ...و قالت ما اسكن بيت حد .. حاولت معاها يا بنت الناس عيب ما يصير ، لا تحرمي الأولاد من النزهة بسبب أنك تتوهمي أنهم ما يحبوك أو يكرهوك. الحقيقة في عاداتي هي تعرف أنه عيب أني اروح بأهلي و أنزل فنادق و عندي كثير من الأهل خصوصا أخواني ... بكون ملام جدا .و منظور إلي بنظرة مش حلوة. ما كان قدامي إلا أني قلت لها شوفي: ما عندك الا خيار واحد في هذي الحالة ، يا كل واحد يروح في حاله لأنك زودتيها كثير ,, يا تروحي حسب ما كنا متفقين .. و أولادك فرحانين و راضيين بالرحلة .. طبعا أنا قصدت أجبرها على السفر... مراعاة للأطفال . ففكرت شوية و قالت يلا خلاص نروح. ... ازيد لك نكتة ثانية سافرنا مرة للعمرة ... مع الأولاد... و اعتمرنا و الحمد لله .. و قالت اريد اروح اقبل الحجر الأسود .. قلت لها ما يصلح زحمة و عالم و ما يجوزر.. و تقبيل الحجر الأسود سنة ، و ترك الزحام و الإختلاط واجب ، اش نقدم؟ السنة او الواجب.. قالت معليش بروح .. و تركتني مع الأولاد وراحت ... و ضااااعت و ما لاقيتها الا بعد ساعات و احنا نجري ندور في الحرم.!!!يا عزيزتي : هذا غيض من فيض ... للأسف المرأة الناضجة الطيبة العاقلة معدومة مثل المسك الحقيقي. أنا ما ألوم اللي يلبس نظارة سوداء و ينظر للزوجة بنظرة سوداوية .. لكن أغبط اللي تفصل له زوجته نظارة ملونة بألوان الطيف ، و تخليه يشوف كل الزوجات عسل و طيبات و كويسات و مظلومات |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
