ممكن أكتب شيء - منتدى عالم الأسرة والمجتمع

16-07-2012, 04:59 PM

#11

أبو خليفه....

عضو مميز

تاريخ التسجيل: Sep 2011

المشاركات: 1,439

رد : ممكن أكتب شيء

اقتباس:

المشاركة الأصلية كتبت بواسطة Beta2

لا إله الا الله
ما اشوف فائدة نهائيا باستعادة الماضي كل شوي ...

مو اتفقنا أنه عندنا مشكلة واتفقنا شنهو حلها وبدأنا الحل .. مو أنت يا أبو خليفة اقتنعت انك تمشي على خطوات البليغ ؟؟؟ ليه رجعنا للبداية وللعناد وانت الأول .لأ أنت الأول .. ممكن افهم ؟؟

وينك يا اخونا أحمد الأزهري تجي تقول لنا أهمية الحق الشرعي بحياة الانسان .

بوخليفة .. السنين اللي مضت ما كنتو ماشين على علاج ولا محاولين تحلوا المشكلة بالعكس كنتو انت ولجين تتصرفوا تصرفات تكرهكم ببعض والأمور تتصاعد وتسوء ..
مو انكم قضيتوا السنين اللي مضت بعلاج وما نفع وراح نيأس الحين . بالعكس انت بدأت علاج من اسبوعين .. أسبوعين هم عمر علاج تراكمات سنين .. لهذا اقولكم لسه ما أمدانا والصبر .. الصبر

بالعكس أشوف تقدم حلو بالرغم من كل النكسات ومثل ما قالك المستشار بأحد ردوده انت تمشي خطوة لقدام وبعدهم خطوتين للخلف ..

أرجوك .. تكمل مع لجين .. أنت زعلت لما مديت يدك لها وما حسيت تجاوب والحين انت قاعد تسوي نفس الشي .. هي مدت لك يدها وانت قعدت تعاقب وتسهر

ماني شايفه فائدة لما نعرف من فيكم اللي كان غلطان أكثر من الثاني ولا لما نعرف ليه لجين خايفة من غرفة النوم ..
السبب مو مهم بنظري
المهم هو النتيجة .. عندنا 1-2-3- مشاكل موجوده الان بغض النظر عن سببها ... وسألنا وعرفنا حلها .. خل نكمل الله يعافيكم

أنا مقتنع بخطوات البليغ وما أنكر أني لاحظت بعض التغيير ,, ولكن عندما يأتي أحد ويثير أنا مب فاهم شو الفايده من إثارة موضوع أمها مع أني أكثر من مره أقول هذا الموضوع منتهي ,, موضوع دراسه وطلعات أنا ما منعتها وراجعوا ردودي أنا شرط عليها تغطية الوجه ولا أنا والله ما منعتها ولكن مب معقوله كل ما وصلت وياها لمرحله معينه يجي أحد ويقلب الموضوع ,, أنا والله بامكاني أمنع عنها النت ومب مفكر باحد ولكن قلت بترك لها المجال تتكلم بروحها وأشوف شو عندها والبليغ يشهد بذلك لاني ذكرته له هذا الشيء وكنت مقرر ما أشارك بالموضوع حتى لو أحد غلط هي لازم دافع عن عمرها ,,,

لككن بعض الاخوات يتعاملن كانهن بمنظمة حقوق المراه يا الله يرحم والدينج صدعت وطفرت بعد ,, الان لو فكرت أقنعها تقفل الموضوع مب موافقه لانها راح تاخذه من باب العناد أدريبها عشان جي قلت اليوم وعقب ما طبقت خطوه من خطوات البليغ الله يجزاه خير شوفي كل تقرينه بالمنتدى واللي يبونج طالبين فيه مربوط بحقي اللي هو أهم شيء بالزواج

وعلى سالفة السهر لا تاخذونها حجه أنا لي من شهر 5 تقريبا وانا مبطل هالسالفه ويمكن هالاسبوع فضلت أظل برع البيت وأرد الصبح لاسباب تخصني يعني السهر مب حجه عندها تمسكها وتحاسبني عليها

خروج من هذا الموضوع

__________________
الحمد لله على كل حال

التعديل الأخير تم بواسطة أبو خليفه.... ; 16-07-2012 الساعة 05:05 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه