المشاركة الأصلية كتبت بواسطة ضآيعه وربي

اللهم آمين
وصدقني اخوي .. انت فعلت اكثر من اللي قلته بكثير
الله لا يحرمك الاجر ويوفقك ويسعدك ويعطيك على قد نيتك الطيبه
وغيرتك وحرصك على اخواتك

واعذرني ان كنت ثقلت عليك او ضايقتك بكلامي او وضعي او كثرة اسئلتي
واتمنى من الله ان حالة الغثيان اللي كانت معك بالبدايه انها خفت عليك (لاتزعل ما اقصد شيء والله بس فاهمه شعورك لاني الحين صادتني نفس الحاله من نفسي)
واتمنى كذلك انك ما جاملتني بشيء ولا خففت بكلامك
لاني احتاج للقسوة والشدة والتوجيه
وصراحه يكفيني شرف ان شخص بمثل اخلاقك وغيرتك تواجد بموضوعي
ورغم معرفتي لكرهك لهذي الامور الا انك تواجدت ونصحت ووجهت
وماني عارفه كيف اشكرك لكن ما املك الا الدعاء
شكرا لكل شيء

المشاركة الأصلية كتبت بواسطة المتفائل بالله

والله الذي لا اله إلا هو مادخلت المجاملة في قلبي وانا قسيت عليج في أكثر من رد وهذا دليل اني ما جاملتج ، وبالعكس أنتي ماثقلتي علي ، وانا معاج وإن بغيتي عشر سنين قدام إن الله مد في عمرنا ، وانتي الآن في طريق التوبة ، وتأكدي أنج شريفة عفيفة ، ودايماً رددي في قلبك هالشي وقولي في عقلك الباطن بعد .. أنك شريفة وعفيفة غصباً عن الشيطان وعن المعصية اللي تبتي منها.

أبيج قوية ، مابي أحس بضعفج ، أنتي بنت أمة الشرف والعفة والعزة ، فأرفعي راسج وانتي مقبلة على ربك.

المشاركة الأصلية كتبت بواسطة المتفائل بالله

الله يوفقج ويرزقج ويستر عليج دنيا وآخرة ، بدعيلك إن شاء الله ومابنساكِ أبداً من الدعاء ، وحنا معاك متى ماحبيتي ومابنتركك وبنكون كلنا حولك ، لاتخافين من اي شي سوى الله.

نبي أخبار حلوة نفرح فيها ، عسى ربي يفرح قلبك بولد الحلال اللي يخاف الله فيكِ ويكون لك قرة عين.