اختي في الله مدن السلام

الموضوع مو موضوع قدر وقيمة لا والله !! الموضوع انه بعض العوايل الله يهداهم مايراعون الرجال اللي يخطب منهم ويثقلون علية الطلبات لدرجة انه يحتد ويتسلف ويثقل على عاتقة الديون والهم!! ثم ان قدر الإنسان مو بالفلوس قدر الإنسان بالحشيمة والإحترام!! ترى بنت النبي علية السلام مهرها درع!!

اكيد يامدن شفتي موضوعي اللي تكلمت فيه عن غلاء المهور ، لكن بقولك قصة صارت لواحد من اصحابي سعودي ، خطب من عايلة ولما وافقوا سألهم عن المهر !! قالوا والله اختها كان مهرها 100 ألف!! وهي مهرها مثل أختها ..!! ف الرجال المسكين وكونة اكبر اخوانة وابوه متوفي وماعندة اللي يشور علية وافق!! وتمت الملكة والزواج.

وتدرين عاد بالسعودية اسعار القصور والذبايح من غير السيرفس (قهوة،شاي،عصير،تمور،حلويات،بخور) ، ناهيك عن تكاليف عرس الحريم هاذي قصة ثانية !! المهم الرجال الحين وبعد زواج سنتين ومن كثر ما اثقل على عاتقة الديون مايبقاله من راتبة الا شي يسير وفوق هذا زوجتة اطلعت مو خوش!! ف صار كل مايشوفها يكرة الساعة اللي شافها فيها!!

فهل هذا اللي اتمناه كل بنت ؟ فيه بنت اتمنى ان زوجها كل ماشافها تذكر اديونة ولعن الساعة اللي شافها فيها؟ يختي الرحمة زينة.

كل شي الله سبحانه وتعالى سَنة بالوسطية حتى العدل ميزان متوسط الأكفة!!

__________________
استغفر الله واتوب إليه