سماري برازيلي

ربي لا يحوجني لهم، دحين برمضان استغنيت عنهم و مرتاحة نفسيا
جاتني اخر وحدة، ربي لا يبارك لها في اي قرش أخذته
عملت لي حكاية و جلست تتبلى ..

.
.

الفردوس غايتي

اول مرة اسمع فيه صوماليات ؟
و كيف اقدر اجيبهم ؟ و من فين احصلهم ؟
أنا بجد اهم شي ولدي الصغير وقت الدوام.. تنظيف البيت موو مشكلة لو انها حنونة عالاطفال

.
.

الا الا ملياان صوماليات بجدة وحتى المدينة و مكة فيلهم
وانا لما كنت بالرياض كنت احيان اجي سيارة و اخذ وحده معايه تجلس شهر وترجع
مع جماعتها , يعني صارو يتنقلو عادي واسعارهم تزيد طبعا كل ما نقلت معاكي
هم يكونو مخالفين يعني ما معهم اقامة بس اختي مرتاحه عليها
تجيها في اليوم مرتين لان بيتها قريب عليها ,
مرة الصباح و المرة الثانية المغرب تجي عشان تجلي حق الفطور
و تمسك اولادها وتروح التروايح مأمنتلها بالمرة ماشالله
انتي جيبيها وقت دوامك تمسك أطفالك و ان شالله تلاقي وحده
هم مشكلتهم يجوكي العربي شوية معاهم , لكن حياخذو عليكي بعدين
اٍسألي صديقاتك خلي زوجك يسأل اخوياه .. مليان ترى حتى لما تروحي
الاسواق الشعبية , الشاطي و محمود سعيد تلاقيهم قدامك كلميهم
اذكر مرة في البوادي حرمة مسكتني انا وخواتي سألتنا قالت تكفون دورو لي ارقام شغالات
تلقفت و قلتلها خالة معاك بناتك يساعدونك , قالت مافيهم صحة يا بنتي يشتغلو شوية و يتعبو
قلت الحال من بعضه
أزمة رمضان الشغالات .. خااااصة للموظفات الله يعيينك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الفردوس غايتي يا اختي انتي صادقه بكلامك ؟
شلون تلقط وحده من سوق شعبي وتسكنها معها بالبيت ومع عيالها!
ما تدري من وين جايه ما تدري هي ساحره خبيثه مجرمه او حراميه قتالة قتله تابعه لعصابه ماتدري ايش الامراض اللي شايلتها !!

اهلين كريستالا ..
يا اختي هذول صوماليات غيير مررة مساكين و همهم ياكلو بالحلال
انا ما اقول لها تاخذ اي وحده قدام عيونها .. لا طبعا انا قلت تسأل هناك وتدور
لانهم هم يدورو في الاسواق الشعبية غالبيتهم والوحده اذا بتجيب شغالة طبيعي
بتجربها وتشوفها وهي لها نظرة فيهم , بعدين ما الشغالة الصومالية ما تنام عندك
في البيت تشتغل اربع خمس ساعات وتروح تنام مع اخواتها و جماعتها
لو قلتي لي حبشيات بقولك صح , جرايمهم كثيرة
بس الصوماليات .. لا وربي غييير
انا عند اهلي وحده من ايام انا بنت الين تزوجت وخلفت عيالي وكبرو
وهي باقي معانا , بنت حلال و أمينة ما تسرق ولا تخافي منها
و غير كذا اذا فيوم اعتذرت وتعبانة ترسل لك احد من اخواتها يقوم بشغلها
وربي انهم احسن من الف اندونوسية بإقامة
انا اتذكر لما كنت متزوجة كل شغالاتي تبهذلت معاهم لين كرهت اقدم
اللي تشرد واللي معها طلاسم واللي تنام وتحت مخدتها ولاعه هاذي فقعت مرارتي
سألتها ليه ولاعة جنبك قالت فالليل لما اصحى ما اشوف ظلام اولعها عشان اوصل للمبة

على الطاري ..
انتي ما قد جربتي شغالات ما معهم اقامات ؟!

__________________

‏
الوعي هو الملاذ ..

أستغفر الله العظيم ؛
( الفردوس غايتي )

جربت مره وحده بعد ما تزوجت بسنتين تقريبا هذي اللي تجي بالساعات تنظف
بس نرفزتني لانه هي تاخذ بالساعه فتقوم تدخل الغرفه وتحوس بالساعتبن تنظفها عشان تقعد اظول وقت ممكن وتاخذ فلوس اكثر
واذا حددتلها مثلا رح تاخذي 300 ريال فما تنظف الا بالبطيء عشان اضطر اجيبها مره ثانيه لانه ما تكون خلصت كل المطلوب منها + كانت قرقرتها واجد

بعدين من بعد ما انجبت اولادي صرت استقدم

بس ما تدري يمكن يوم من الايام انحد ثاني للي بدون اقامه مافي شيء مضمون