السلام عليكم
سوال احد مشكلته مثلي
خطبي كل شيء عنده لاءه
ياعالم اشياء كثيره يقول لاءه
اشياء عاديه في بيت اهلي كنت اسويه وهو عارف نظامي من اول
تخيلوا
قص الشعر لا ابغه برضوا لا اشقر حواجبي لا !!!
يعني اشياء من حقي اسويها كبنت عنده يقول لا
اخر شيء يقول ممنوع تلبسين بناطيل !!! سلامات !!!
انا اللي قاهرني انو من زمان يعرف اني اسوي هالاشياء بس مادري كيف
لما اقوله ليه يقول بس كذا ...سلامات يالحبيب ايش تحس فيه
واذا جلست اتناقش معه بهالاشياء بهدوء
يقول مايسوي هالاشياء الا البنات اللي مو متربيات
البنت اللي تخاف ع نفسها ماتسوي كذا !!!!
معليش ايش هالتفكير ..!!!
اوكيه فيه اشياء من حقه يكون له راي فيها بس حتى ولو فيه اشياء من حقي انا بس ماله دخل فيها
تعبت احبه ومابي اخسره بس تفكيره
يجنني
ابغى حل اتعامل معه كيف؟؟

__________________
[IMG][/IMG]

بعض الشباب يستلذون بأنه يسمع شريكهم كلامهم ويشعرون بإشباع نفسي بتلك الأوامر. واعتقد ان ذلك يعكس نوع من عدم الثقة او التعويض عن إحساس بنقصٍ ما، ولا ادري هل هذا النوع ينطبق على زوجك او لا، عموما استغرب انه مازال البعض يشترط تلك الاشتراطات او ينظر للبنت نظرة سيئة إذا كانت تلبس لبس معين وشرعي، أخيرا أتوقع انه بالحياة الزوجية سيتنازل كثيرا عن تلك الطلبات

__________________
ياصبحِ لاتِقبل !!
عط الليل من وقتك..

أختي صحيح ان زوجك مزودها بأوامره

بس أنا أشوف أذا سامحلك قدامه تلبسين الي تبينه
وفقط معترض على لباسك في الخارج
وعند الزيارات فأشوف له حق
لو نظرنا لها من منظور ديني بعض اللباس مايجوز انك تلبسينه حتى عند النساء مثل البناطيل الي مره ضيقه ومبينه التفاصيل.

وهذا حله حاولي تتفقي معه على حل وسط تلبسي بناطيل وعليها بلايز طويله تستر..

وبعد فيه لباس مره يكون عريان او يكشف اكثر من مايستر وش الحكمه من أنك تخرجين بهالباس عند الــــحريم؟؟

والله حال نسائنا الحين ولباسهم يدمي القلب تعري واظهار مفاتن مايجوز تظهرينها الا لزوجك..

أما أذا كان رافض انك تلبسي هاللباس حتى عنده الله يعينك حاولي تقنعينه حبه حبه وماتدرين يمكن بعد الزواج تتغير نظرته وخاصه أذا اعجبته هالأشياء عليك..

واضح انه نشيء في بيئه متشدده جعلت عنده هالمفاهيم..

وبعد في نقطه دام كذا فكره شوي يابس لاتقولين له كل شيء تسوينه عشان مايمنعك يعني تحفظي عنده..

اسمك عنادي عاجبني! غيري اسمك تتغير حياتك

الله يكون بعونك صراحة هالنوع
من الرجال صعب ولا تضمنين يتغير للاحسن
بعد الزواج ..

دايما كنت اقدر الرجل الي عنده مبدء
ولا زلت ..

__________________



احيانا يجب ان نفقد ذواتنا كاملة لكي نستعيدها كاملة ...

مابغى اعمل مشاكل
بس لازم توقفيه عند حده
هذا وانتي مادخلتي بيته جالس يتحكم
انا زيك وقلت له انت اخذتني وانا كذا فمااحب احد يتدخل

__________________

هلا عنادي عاجبني ..
يختي ماشاء الله زوجك يغار و يخاف عليك من ناحيه اللبس ..

يعني مايبغى احد يشوفك بالبناطيل اولا غيرة عليك من اخوانك مثلا ..
ثانيا خوفا عليك من الحسد و من عيون الحريم ..
وعلى قولة ومضة امل توصلي معاه لحل وانك تلبسي بلايز طويله مع البناطيل < يعني هالستايل اشوفه نايس برضو ^_^

و من ناحيه شعرك و حواجبك ياقمر ،
يمكن هو معجب بشعرك و حواجبك !
و ما يبغاك تغيري شي في نفسك .. مو تحكم و انانيه بس معجب فيك وحابب كل شي فيك صدقيني ..

انا كذا كان زوجي لما كنت اقوله ايام الملكة ابغى اقص شعري كان يررررررفض !
وانا ازعل منه و يقول شعرك ماشاء الله عاجبني و مجنني لاتقصيه !
حتى الصبغه كان مايبغاني اصبغ يقول مافي احلا من اللون الاسود .. <--- ومن جد ، ترى طله العروس بالشعر الاسود مافي منها ..

ودحين بعد الزواج قررت اصبغ عشان العيد ^_^
وقلتله انا اتمنى اصبغ شعري من وانا بنت ..
بس اهلي كانوا يقولو لما تتزوجي ! ودحين اتزوجت فـــ لاتقولي لا انتا كمان ! وتحرمني من اللي نفسي فيه ..
قالي ولاتزعلي اللي تقوليه يصير ، مع انو كان رااااافض ايام الملكة .. < الله يخليه يارب

وبالنسبة للتشقير ،،، شقرت حواجبي بليله زواجي عشان تطلع مرتبه .. وماعارض ..
انا عندي فكره بالنسبه للتشقير اذا كان زوجك رافضه بحجه انه مايجوز..
شوفي اش اكثر شيخ زوجك يتأثر بكلامه مثل العريفي ..
و لما يجي يزورك وريه مقطع لهالشيخ عشان يسمع منه حكم الشتقير ..
وقوليله كمان التشقير مدته مؤقته ، اسبوع اذا طول معاي ، و راح ترجع حواجبي مثل ماهي ..


بالاخير اقولك لاتزعلي منه بالعكس اكسبيه لجهتك من دحين ..
و لا تحللي طريقة تفكيره بطريقه سلبيه تأثر عليك ..
بالعكس خذيها بطريقة ايجابيه زي مافهمتك بالبدايه ..
وبعد الزواج بيدك تغيري تفكيره شوي شوي ..

والله يوفقكم ويسعدكم ويسخركم لبعض .. ^___*

درر ،،
ما شاء الله عليكِ كفيتي ووفيتي

__________________
كل نعمــة دون [ الجنــة ] .. فانيـــة
وكل بلاء دون [ النّـــار ] .. عافيــة

اختي
اذا كنتي تدينين بديانه الاسلام
زوجك قوام عليك
ويامر وينهي بما يشاء
وانتي اصبحتي مملوكته
وارى بعض ردود الاخوات
تحرضك على زوجك مع الاسف
اذا كنتي تخافين نار جهنم
فطيعي زوجك
لان طاعة الله من طاعة الزوج
واياك ثم اياك
ان تقولي له " لا اسمح لك بالتدخل "
لاني اخاف عليك من غضب الله
فهو اولا واخراً زوجك

تحياتي لك

__________________