انت ليش مسونها قصه....

لجين ناقشها في الموضوع و من حقها توافق او ترفض لان الزوجه مب مجبوره تطبخ لغير الزوج فما بالك بعوائل كامله ما شا الله و شي انفرض عليها باسلوب الوالده الله يحفظها... الوحده بتطبخ بس لحسن التبعل للزوج...

و بعدين امك يعني تبي تقنعنا ان مرت الولد تطبخ كل شي من الالف الى الياء لكذا عايله بدون مساعدة حد!!!! على مين يا بابا... وضعكم الاجتماعي ما يقول جي. كيف الوحده فيهم بتم كاشخه لاستقبال الضيوف!!!! امك بغت يعني تقص عليك بس ما يابتها صح...

المهم ما علينا... انت اقنعها ان الموضوع يوم يوصل لابوها و انها سوت بيفتخر فيها وايد و بيستانس.... ابوها هو المدخل لك...

كم شخص المجموع عندكم؟ علشان نقدر لك الكميه....

المقبلات و اطباق جانبيه:
سمبوسة خضار+ سمبوسة لحم (تقول للبشكاره تلفهن باجر لكم و تقلونهن 45 دقيقه قبل الاذان)
شوربه ماجي ( مافي اسهل منها اقرا ورا الظرف شو مكتوب و طبق)
سلطة خضار


الطبق الرئيسي:
ثريد*
برياني لحم او دياي
(لا تبالغ بالهريس هذا بروحه يباله مظرب و حاله... قصه الف ليله و ليله الهريس..... لو معزم تباه في القايمه اطبخ في بيتك و قول للوالده تراه يطووووول فيبناه زااااهب)

الحلو:
قطايف جبنة (خذ عجينو السمبوسه و قول للبشكاره تلفهن مثل السيجاره و الحشوه تكون جبن ابيض او جبنة كيري و بعد القلي تصب فوقهن شيره)
كريم كراميل (يجهز قبلها بيوم و خذه معاكم و اذا الوالده رمست قولوا لها يحتاج يجمد)
جلي (نفس موضوع كريم الكراميل)
لقيمات (عاد هني الوهقه.. خل البشكاره تسويه لان لا انت و لا لجين بتضبطونه)
سنافر (بسكوت اولكر مغموس في حليب صفه في القالب و حط فوقه كريمه مكونه من ظرف كريم كراميل و ظرفين دريم ويب و رشة فانيلا و استكانة حليب مجمد يعني الاستكانه تحط فيها ثلج و علبة قيمر اخلط و صبه على البسكوت و رش فوقه قستق مطحون و سو طبقه ثانيه نفس الشي و حط في الثلاجه و خذه معاكم و انتو رايحين و الرد للوالده نفس رد الكريم كراميل)

و خلص الموضوع

عطيتك قائمة الطعام كامله و محد بيفتح حلجه و اللي بيرمس قول مب ملزومه تطبخ لكم*

والله يابو خليفه ماينلامون يوم يطنشونك انت وزوجتك..

وانت تعرف عاد السبب..

حبيت أسئلك أنت تعرف تطبخ..والا توهقت كلش..

طيب مافيه حريم عندكم يطبخون ويبيعون طبخاتهم..
يعني شغل بيت..


هاه إن شاء الله أكون غششتك الحين ..وكل ماقالوا فطور مافطور..رح إطلب منهم..

أعرف ناس الزوج مثلك نافخ ريشه بالفاضي..

ويطلبون مني المساعده ..آخر شيء دورت لهم على طباخات يبيعون طبخات على اللي تبي..

هذا بالرياض عندنا بالسعوديه مادري عندكم في الإمارات..؟

خاله بيتا انا سمعت كلامج وقريت كل الطرق بس أنا والله يا خاله بيتا مب رايحه بيت عمي ولا بدخل المطبخ وبس بخلي طباخ يطبخ كل شي وبطرشه بيت عمي يا خاله بيتا هم يعرفون اني ما ادخل المطبخ وكلهم والله ما يدخلون بس هم يتحكمون فيني خليهم يزعلون عادي اسفه خاله بيتا

صراحة لجين معها حق وانا كنت أحسب ان لجين وحدها الي ماتطبخ وكلهم يطبخو أما إذا الوضع إن كلهم نفس الشي بتوقع إن فكرة لجين سليمة مثلها مثلهم هم مو أحسن منها وبعدين الدنيا رمضان ليش حركات المكايدة هاذي بصراحة تعجبني كثير لجين بتطنيشها أمور مثل كذا ياليتني مثلها والله لو أنا مكانها كان بداخلي نار ماشاءالله عليكي لجين

حلووو لجين كذا خلي الطباخ يطرش لهم الاكل ويسوي اكل يواجهه بقووه فديتك

وسكري حلوقهم مايحصلون كلمه يتريقون ع زوجك فيها
ه
وهالفتانااااااااات يستحن ع وجيهن

شوي اذا شافن اكلهن مشحوذ لهن من بيتكم وش قله الادب

__________________
سبحان الله وبحمده

عاملينها قصة يوسف انت واهلك
اتصل اليوم على امك واعزمها برة في فندق مطعم نادي الظباط اكيد تعرفه
على الشخص 150 بس
لا تكبرها وهي صغيره

__________________
انا لله وانا اليه راجعون

معك حق لجين .. ما دام هم يطبخوا لهم الطباخين فعادي انتِ مثلهم .

لكن ليه ما تروحي مع خالد حبيبتي ؟

بجد قوليلي شنو تتوقعي يصير وخايفة منه وما بتروحي عشانه ... أحب تكوني قدامهم لجين ست البيت اللي تقدر ترتب أحلى سفرة وتختار الأطباق وتقدمها أحسن منهم كلهم . لجين الي أعرفها أنا ... القوية ... اللي تقدر تقهر الحسودات وهي ساكتة .. تقهرهم بسكوتها ونظرة قوية بمعنى انتو ما هميتوني ولا أشيلكم من أرضكم .


أتذكر قلتي مرة أو خالد قال انه أختك تكون زوجة أخو خالد الكبير .. صح ؟ اذا كانت أختك هذي طيوبة معك فاتصلي فيها وخذي رأيها .. هي تعرف عوايدكم وتعرف حماتك وأكيد بتنصحك نصيحة صح ..



وشو صار مع مستشار المركز ؟؟؟ متى موعدك الجاي ؟ وكيف تقدمك ؟
هذا يهمني اكثر من العزومة .. لاحقين على المناسبات الاجتماعية لما نحل مشكلتنا

__________________

تعجبيني لجين ..

انتي خايفه من خالتك تسوي لك مشكله قدامهم وتفشلك ..

المفروض ان ابو خليفه يكون معك قدامهم ..بلطف وبدون عصبيه ..

لو يوقف بصفك اكيد بيكون الوضع غير ..وبتواجهينهم وكلك ثقه ..

لان ماراح يصير مشاكل وتتفاجاين فيه يهاوشك قدامهم ويكسر مجاديفك ..

مطلوب شوية دعم من ابو خليفه ..

__________________

عجبني ردك ....

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

استغفر الله من رد واحد انقلب الموضوع ضدي ,,,,

هيه اختها الكبيره تصير حرمة اخوي الكبير (( وياليت كل الحريم مثلها ))

اليوم كانت عندها جلسه ,,, ولكن جلسة اليوم ما طلعنا بنتيجه فيها وهي بتعلمج ليش

وباجر كذلك في جلسه ولكن هي من اليوم تهدد أنها مب سايره

أدريبج بتقولين ليش تجاوب ولكن قلت عشان ما تنطرين وايد (( فضول ))

__________________

الحمد لله على كل حال