أهلا اخوي بو خليفه... اليوم الصبح كنت افكر بوضعكم.. لأن المهله قاربت على الإنتهاء..

بدون ردود عاطفيه... انت سويت اللي عليك و الله يوفقك مع غيرها و يوفقها مع غيرك في حال طلبت الإنفصال...

بعد سنتين من الإنتظار... حان الأوان لإتخاذ خطوه حاسمه في حياتك... و الراحه اللي تطلبها هي من أساسيات امور الزواج... و مثل ما قالت اختي دانة سوريا.... لجين ممكن تكون زوجه مثاليه... بس بعد فترة طويله جدا...
كل اللي صار من ايام اولى و زواج سري و حالتها النفسيه ما يبرر ابدا اللي قاعد يصير...

فعلا أسأل الله ان يوفقك و يرزقك بنت الحلال اللي تسعدك و تنجب منها الذريه الصالحه... و اي اعتراض من اهلك او اهلها او اخوانها او ابوها على زواجك الثاني.. و انهم يشترطون زواجك الثاني بطلاقها... أنا اقول لك... طلقها... و شوف نفسك... و خلها هي بعد تشوف نفسها... لا تخلي اي شخص يأثر على قرارك لأن في النهاية انت الوحيد اللي تبات في سرير خالي (حتى لو كانت جسديا موجوده على هذا السرير) و الكل يروح لزوجته و عياله... و انت تظل في مشكلتك داير فيها و محد حاس فيك...

كلمه اوجها لاختي لجين لأني متأكده انها راح تقرا الردود...

أختي لجين... بو خليفه حاول وايد معاج يصلح المركب الغرقان... و لكنج قابلتي محاولاته ببرود و بردات فعل بسيطه جدا... راهنتي على حبه لج و ان حبه راح يمنعه من تركج او الزواج عليج... و تناسيتي ان كل انسان له طاقه معينه للصبر و الإحتمال... أتمنى فعلا انج تراجعين حياتج عدل... لأن الدنيا مب دايما تمشي مثل ما احنا نبا... و مب دايما بناخذ بدون ما نعطي... الحياه أخذ و عطا.. و لو ترجعين لردودي في موضوعج السابق بتذكرين اني قلت لج اني ما ابيج توصلين لليوم اللي تظلين فيه وحيده و كل هذا كانت نتيجة قرارتج...

حتى أن الحياة ليست أخذ وعطا : بل عطاء وأخذ

نعطي لنأخذ .. نعطي أحيانا لمراااااات حتى نأخذ

مرة .. وكل إنسان بنهاية الامر مسؤول عن خياراته وقراراته في الحياة .. والسيدة لجين ليست صغيرة حتما وهي الآن مسؤولة مسؤولية تامة عن قرارها.ربي يختار الخير للجميع.

__________________
بالغار كللت أم بالنار ياشام ..أنت الأميرة تعلو باسمك الهام ..

:*

أبو خليفة بيض الله وجهك ماقصرت معها
سنتين وأنت صابر ومتحمل وبذلت الأسباب للإصلاح من وضعها لكن مافي أي نتيجه
توكل على الله وتزوج وهذا حقك وإن شاء الله ماراح تظلمها

بتضل بنت عمك ومعززة مكرمة ببيتها
وإذا طلبت الإنفصال خلها تشوف نصيبها
يمكن مثل ماقالت أختي دانة سوريا مابينكم كيمياء ولا توافق
وربما ينصلح حالها مع غيرك

توكل على الله العمر يجري وسنتين كانت كافية

:*

__________________