اخر التطورات

زوجي حتى الان لم يحدد موقفه مني وعدني بعد رمضان

يقولي قراره لكن الى الان ما صار شي !

والان احنا في انقطاع تام لا رسائل ولا اتصالات

عرفت من صديقتي انه شوه سمعتها عند اهل زوجته طبعا فعل هذا الامر

عشان يمنعون اخت زوجها من زيارتها حتى لا تصلني اخباره واعرف اسراره

وكل هذا خوف من صديقتي انها تفضح سر زواجنا قال احطها بصورة الكذابة نقالة الكلام

حتى ما يصدقونها اذا قالت انه متزوج مع ان صديقتي كلمته وقالت له ليش سويت

معاي كذا وانت ما تعرفني قال عشان احمي نفسي منك قالت له انا يستحيل اطلع خبر

زواجكم مو عشانك عشان المشاعر صديقتي قالها لو وصل خبر لبيتي راح انهي كل شي مع

المشاعر ! المشكلة تشعبت بسبب تصرفه الغريب عند اهل زوجته وكلامه عن صديقتي


لان زوج حماتها اخت زوجها واللي هو اخو زوجته ناوي يكلم زوج صديقتي ويقوله

عن كلام زوج اخته اللي هو زوجي عن زوجته وطبعا لو درى زوج صديقتي ان فيه رجال

غريب تكلم في زوجته وشوه سمعتها ما راح يسكت واكيد بيحاول يكلمها ويعرف السبب اللي

خلاه يتكلم في زوجته وبكذا راح ينفضح الخبر ويطلع السر !

شرايكم بتصرفه معقوله ينزل راسه لكلام حريم كل هذا خوف من زوجته عشان ما يوصلها خبر

طيب دام انه مو قد هالخطوة ليش يتزوج عليها ! انا ما تزوجته الا بعد ما سالته في يوم من الايام

قلت لو درت زوجتك بزواجنا وقالت يا انا يالمشاعر وش بتسوي قال بالحرف الواحد

انا رجال واعرف كيف اتصرف والان معلق مصير زواجنا بعد رب العالمين في يد زوجته

اذا درت قال لي مع السلامه !

انا ما تزوجته على هالاساس والان جاي يغير كلامه

انصحوني كيف اتصرف وياه انا بديت افكر بالانتقام منه اذا كان ناوي يطلقني

اذا درت زوجته فكرت ابلغ زوجته واهله بزواجنا واللي يسويه يسويه ما عاد تفرق معاي

اخر مره كلمني ليلة العيد وقلت له اذا حسيت انك مو قادر تواصل معاي تقدر تنهي كل شي

قال انا لو ما كانت لك مكابه بقلبي كان ما خليتك في ذمتي حتى الان

كان هذا اخر شي بيني وبينه وبعدها انقطع كل شي بيننا من ليلة العيد حتى الان

محتاره مادري شنو الحل معاه !!!

*