السلام عليكم ورحمة الله تعالى وبركاته

عروستنا/ أحب خطيبي
ألف مبروك عليج الزواج، ويا جعله يارب باب من أبواب السعادة والهنا.

أنا أنصحك بحسن الظن والدعاء له أن الله يبعد عنة كل خطيئة وذنب ، وأن ربي يباركلك فيه ويحفظة لك ومايشوف غيرك أبد من الحريم.

والله يا أختي ساعات الشباب تكون عندهم اشياء متعودين عليها من زمان ومايقدرون يتركونها والقصد منها "عادة" مو شيء مقصود!! يعني على سبيل المثال بعض المرات أكون في شارع سريع ، وكل ما امر من سيارة القى الشباب يطالعوني (مع أننا في شارع سريع) وأنا رجل مثلهم!! ومرة من المرات صاحبي معاي بالسيارة ف ووقفنا عند إشارة وأشوفة يتلفت!! مع انه ونعم الأخلاق وأنا أشهدلة ، ف قلتله شعندك تناظر يمين ويسار؟؟ قالي والله عادة ما اقصد منها شي وبعض المرات اسرح!!

ف أحسنِ الظن فيه ، وأدعيلة ان ربي يعفة ، ويبعد عنة بنات الحرام ، والحافظ أولاً وأخراً هو الله سبحانه وتعالى.

وأنصحك كذلك أنك ماتكلمينة في هالموضوع ولاتبينين له غيرتك لأن مو وقت الكلام هذا وانتوا في اول زواجكم ، ويمكن يكون قاصد هالشي بس عشان يولع فيكِ الغيرة ، ويشوف غلاتة من هالحركات ، وعشان ترتاحين أكثر أنصحج بالإعتدال في كل شي ، يعني لاتخلينة أكبر إهتماماتج ، ولا اقلها ، وخلي ديدنك بالحياة " لا إفراط ولا تفريط " ، وعلقي قلبك بالله تعالى فقط ولاتعلقينة في أي مخلوق.

عسى ربي يوفقج ويكتبلج الخير والصالح.

__________________
استغفر الله واتوب إليه