بسم الله بشركم الله بالخيرات ......
هى رنت تانى على اليوم المهم انا اتصلت انا عليها لان تكلفة الاتصال من عندهم غالية فكلمتها انا المهم فى الاول تكلمت انا عادى جداً و سألها ببرود (( الو نعم اخبارك ....هى كذلك الرد ))
المهم سألتها كان فى شىء اتصلت على قالت لا عادى بتصل عليك عادى
قلت طيب اكيد فى سبب ..قالت لا مش لازم يكون فى سبب برن عليك عادى
المهم انا ما خليتها فضلت وراها ما اعطتنى جواب نافع و قلتللها يعنى ما كنتى عايزة تطمنى على قالت مش عارفة
سألتها حد قالك تتصلى على قالت لا
المهم كلمتها بالراحة جداً
وقلت لازم اجيبها على بلاطة
قللتلها انتى مستعدة تكونى معايا اسرة وتكونى لى زوجة تقول مش مستعدة حالياً لكن وقتها اكون مستعدة ان شاء الله
سألتها انتى لية مبتدنيش حقوقى اللى عليكى دلوقتى تقول معرفش
سألتها انتى لية محسسانى انك مش عايزة تكمللى معايا تقول معرفش
حاجات كتيرة اسألها تقول معرفش
لحد ما قللتلها ...انتى جننتنى انتى لية تعمللى فى كدة انا عمللتلك اية انتى لية مش حاسة بية هو انا خاطب عشان اتبسط ولا اتنكد انا هتجوز عشان اتعذب ولا اتبسط انت دخلتى نفسك فى حاجة انتى مش قدها لية ...لية وافقتى على الارتباط لما انتى مش قدة ..انتى فى حد تانى فى بالك فى حد تانى فى دماغك ولو فى حد قولليلى
كل دة وهى ولا نطقت بولا كلمة وبعدين بسألها اية ردك على كل الكلام دة قالت مش هرد ولا اقول حاجة قلتلها لية تقول دا كلام مرسل هرد اقول اية لما انا حاسس انى هيجيللى الضغط
المهم سألتها انا مقصر معاكى فى شىء انا فى حاجة معملتهاش قالت لا
قللتلها طيب احنا دلوقتى فى وضع لا مفر منة هتتصرفى ازاى ؟؟
قالت مين قال ان لامفر منة ...قللتلها لية انتى عايزة مفر تقول انا لو عايزة هقول انا مش هكمل
قللتلها يعنى انتى عندك استعداد تقول معرفش
كلام فى كلام على نفس الشاكلة وهى ردها كلة نرفزنى وخرجنى عن شعورى ...وفى الاخر صعبت على بقولها انتى زعلانة ؟؟؟ بتقول عادى قللتلها تبقى زعلانة وانا والله ما اقدر على زعلك وقعدت اصالحها
وفى الاخر قللتلها شوفى انا اخدت عهد على نفسى انى اتقى الله فيكى ...وبيتهيألى لازم انتى كمان تكونى كدة
قالت ان شاء الله

والله يا اخوان لا اعلم هل انا اخطئت فى شىء ؟؟؟!!!