قلوب ممكن تقرين هالكتاب من باجر (في حالة انج ما قريتي الكتاب قبل)

أنا أفضل النسخه الإنجليزيه
xa.yimg.com/kq/groups/21230179/1805388939/name/ladies.pdf

راح تفهمين شوي طريقة تفكير الرجل اللي تختلف عن طريقة تفكيرنا..

و زوجج من النوع اللي باله صدق طويل من الزعل... بس هذا كله لأنج في كل مره توعدينه انج تتغيرين تخلفين في الوعد... لهالسبب انتي محتاجه تثبتين له هالمره انج غير.... قلوب تغيرت... بس قلوب ما تغيرت علشانه.. قلوب تغيرت علشانها هي اول و بعدين علشانه... قلوب تغيرت لأنها تحب تعيش في فرح و حياه حلوه...

الحياه الزوجيه لابد و تمر بمطبات بين فتره و الثانيه.. و لكن كثرة المطبات و تقاربها من بعضها يخلي الحياه مب حلوه...

انتي ممكن بعد فتره تقعدين معاه و تناقشين كل النقاط اللي تبينها منه... بعد فتره اقصد بعد ما يحس بالتغيير الإيجابي فيج... وقتها تقولين له بكل ثقه انج صرتي غير و لكن اليد الوحده ما تصفق يا زوجي العزيز و انا ابيك معاي في نفس المركب...

بس خلينا نكسر هالجمود في العلاقه بالأول...