تقول انها مقله في العلاقه من الشهر الأول للزواج... بصراحه ضحكت ضحك بعد ما قريت هالجمله.... يا اخي البنات يشردون من العلاقه في اول الأشهر لأن الشي بعده جديد و بعدين البنت في البدايه تحس بآلام فتحاول تتهرب من الموضوع بأي طريقه... فلا تعتبر هالشي تقصير منها و لكن هو خوف عادي مزروع فينا... و الجنس في بداية الزواج يباله زوج ذكي يعرف كيف يثير زوجته علشان يخليها تستلم له...

النور المطفي أثناء العلاقه: عاااااااااااااااااادي جدا... الخجل و ما يفعل... لو كنت انثى كنت راح تفهم هالنقطه... مب سهل الوحده تبان وضوح الشمس حتى لو كان لزوجها و خاصة إذا كانت خايفه انه راح يعلق على جسمها تعليق سلبي.... فإنت لا تلح على هالشي من البدايه.. تقدر تخلي ضوء الأباجوره او الشموع... هالشي مفضل أكثر لأنه بعد يخفي شوية عيوب للطرفين...

الطبخ: اولا مب من واجبات الزوجه الطبخ.. هذا حسن تبعل... و لكن مع شوية تشجيع منك ان شاء الله و مدح راح تستمر... و انت تتدرج في طلباتك... كلنا في البدايه ما نعرف نطبخ... و مع مرور الوقت نتعلم... و هالشي شفته من صديقاتي...

الغشوه او النقاب: هل اشترطت على هالشي من قبل؟ هل كانت في بيت اهلها تلبس الغشوه او النقاب... و غريب جدا انك تكلمت بعد سبع شهور من الزواج!!! موضوع الغشوه و النقاب عادة يتفاهمون عليه من اول طلعه... و وإنك ساكت طول سبع شهور... يعني انك كنت راضي من البدايه....فخذها بالسياسه هني...

بالمختصر... جنسيا يبالك تصبر و تعرف مفاتيحها... المتعه للمرأه هي المداعبات فكثر منها و هي بتستلم لك تدريجيا.... و لا تخلي المداعبات وقت النوم فقط... ممكن في اي مكان و انتوا في البيت... خل عندك شوية رومانسيه و ان شاء الله هي راح تتبعك.. ممكن تعودها على بوسه و حضن و انت طالع من الدوام.... حتى لو كانت بعدها في الفراش... عطها بوسه و روح الدوام... خلها تحس بحنيتك و هي راح تعطيك اللي تبيه بعدين...

كثرة خروج الزوجه من بيت الزوج لبيت أهلها و هي زعلانه مب شي زين لكم انتو الإثنين... لأن تدخل العديد من الأطراف في حل مشاكلكم ما يكون دايما في صالحكم... حاولوا تحلون مشاكلم لوحدكم... لأن للحين ما عندكم اي مشكله كبيره تستدعي تدخل احد ثاني... كلها مشاكل عاديه تحدث في بداية الزواج...

لا تقول لها حقوقي و واجباتي... ممكن تترك كتاب تقرا فيه انت في البيت يتناول حقوق الزوجين... و سو هايلايت على حقوق الزوجه (مب وااجبات الزوجه)... و خل الكتاب محطوط في الصاله مثلا... هي راح تشوف انك تحاول تعرف شو هي حقوق الزوجه علشان انت تسويها لها... و هالشي ان شاء الله راح يعطيها دافع انها تقرا عن حقوق الزوج و واجبات الزوجه و بتسويها لك...

حبه حبه و بالصبر راح تبنون حياتكم...

و لا تستعجل و تقول بتزوج و ما ادري شو... بعدكم في اول الطريق... و مشاكلم تصير في اول سنه...